YAP Nəsimi rayon təşkilatı tədbir keçirib

Bakı:

9 °C

93 %

4 m/s

Əlaqə

AZ RU EN

Ana səhifə / YAP xəbərləri / YAP Nəsimi rayon təşkilatı tədbir keçirib

YAP Nəsimi rayon təşkilatı tədbir keçirib

09.12.2009 [10:10]

Dünən Bakı Slavyan Universitetində Yeni Azərbaycan Partiyası (YAP) Nəsimi rayon təşkilatının təşkilatçılığı ilə “Heydər Əliyevi düşünərkən: milli dəyərlərimiz, milli düşüncəmiz və milli ideologiyamız” adlı tədbir keçirilib. Tədbiri açan YAP Nəsimi rayon təşkilatının sədri, Milli Məclisin deputatı Məlahət İbrahimqızı bildirib ki, qədim tarixə və mədəniyyətə malik Azərbaycan xalqının yaddaşına əbədi həkk olunmuş dahi şəxsiyyət Heydər Əliyev öz düşüncə tərzi, yenilikçi konsepsiyası və fəaliyyət metodologiyası ilə Azərbaycan xalqının tarixində yeni bir səhifə yazıb. Müasir Azərbaycan dövlətçiliyinin, dünyəvi dəyərləri özündə ehtiva edən yeni milli ideologiyanın yaradıcısı olan Heydər Əliyev bu sistemin qorunub saxlanmasına, onun gələcək nəsillərə çatdırılmasına da öz tövhəsini verib. ümummilli liderin milli dəyərlərimizə, milli düşüncə və ideologiyamıza əsaslanan siyasi xəttinin bu gün Prezident İlham Əliyevin rəhbərliyi ilə uğurla davam etdirilməsi Azərbaycan dövlətinin dünya dövlətləri arasında öz layiqli yerini tutmasına gətirib çıxarıb.
Mərasimdə çıxış edən Nəsimi rayon İcra Hakimiyyətinin başçısı Nəsib Məhəməliyev, Bakı Slavyan Universitetinin rektoru Kamal Abdullayev və başqaları qeyd ediblər ki, Ulu öndər Heydər Əliyevi düşünərkən Azərbaycanımızın bu gün əldə etdiyi siyasi və iqtisadi nailiyyətlərlə yanaşı, Onun vətəndaşlıq həmrəyliyi fəlsəfəsi olan azərbaycançılıq konsepsiyası, doğma dilimiz və ədəbiyyatımız, milli mənəvi dəyərlərimiz, ölkəmizdə hüquqi dövlətin yaradılması göz önünə gəlir. Respublikamızın dünyanın mütərəqqi iqtisadi, elm-təhsil, mədəni strukturlarına inteqrasiyası, tariximizin tədqiqinə yeni şəkildə yanaşılması, dünya azərbaycanlılarının təşkilatlanması, özəlləşmə, davamlı inkişaf, dövlətimizin qloballaşma ilə dialektik vəhdəti va başqa bu kimi məsələlərin əsası məhz ümummilli liderimiz tərəfindən qoyulub. Ulu öndər Heydər Əliyev mənsub olduğu xalqın mənəvi-mədəni dəyərlərinin bilavasitə daşıyıcısı olduğundan hər işdə milli xüsusiyyətləri qoruyurdu və bilirdi ki, xalqın ruhunun qəbul edə bilməyəcəyi hər hansı addım, ilk baxışdan nə qədər zəruri görünsə belə, təqdir oluna, ümummilli dəyərə çevrilə bilməz. Bu mənada Heydər Əliyev siyasətinin, fəaliyyətinin fəlsəfi kökündə milli təfəkkür, əxlaq, xarakter, genetik kod, mənəvi sərvət, müstəqil ana torpaq və nəhayət azərbaycançılıq məfkurəsi dayanırdı.
Heydər Əliyev “Bizim vətəndaşlıq borcumuz milli mənəvi dəyərlərimizə, doğma torpağımıza, doğma ana dilimizə, dinimizə, böyük və zəngin tariximizə, millətimizə sadiq olmaqdan ibarətdir”,- deyərək milli dəyərlərimizə, düşüncə və ideologiyamıza yeni çalarlar qatıb. Qeyd olunub ki, Ulu öndərin bu ideyalarının gənc nəslə aşılanması, onların bu ideologiya ilə gələcəyə istiqamətləndirilməsi bu gün qarşıda duran başlıca vəzifələrdən biridir. Tədbirdə ümummilli liderin müxtəlif tədbirlərdə gənclərə ünvanlanmış məsləhətlərini, çağırış və tövsiyələrini əks etdirən videogörüntülər nümayiş olunub.

Paylaş:

Baxılıb: 1325 dəfə