Abşeron rayonunun seçiciləri YAP-ın namizədlərindən başqa heç bir namizədə etimad göstərmirlər

Bakı:

18 °C

77 %

7 m/s

AZ RU EN

Ana səhifə / YAP xəbərləri / Abşeron rayonunun seçiciləri YAP-ın namizədlərindən başqa heç bir namizədə etimad göstərmirlər

Abşeron rayonunun seçiciləri YAP-ın namizədlərindən başqa heç bir namizədə etimad göstərmirlər

13.10.2015 [10:06]

Yeni Azərbaycan Partiyasının (YAP) 45 saylı Abşeron Seçki Dairəsi üzrə namizədi Oqtay Əsədovun vəkilləri və səlahiyyətli nümayəndələri dünən növbəti görüşlərini keçiriblər.
Abşeron rayonunun Mehdiabad qəsəbəsində baş tutan görüşlərdə ilk olaraq, çıxış edən YAP Abşeron rayon təşkilatının sədri, partiyanın parlament seçkilərində səlahiyyətli nümayəndəsi Bilman Vəliyev təmsil etdiyi partiyanın seçkilərlə bağlı gördüyü işlərdən danışıb, partiyamızın fəaliyyətinin bütün xalqımız tərəfindən razılıqla qarşılandığını vurğulayıb. Onun sözlərinə görə, ümumxalq partiyası adını əməli fəaliyyəti ilə qazanmış Yeni Azərbaycan Partiyası hər zaman real işlərlə seçicilərin qarşısına çıxır: “Bir faktı da unutmaq olmaz ki, bu gün insanlar vədlərə inanmırlar, onlar real işləri, həyata keçirilmiş tədbirləri qiymətləndirirlər. Ona görə də partiyamız xalqı üçün çalışan, xalqımız üçün yaradan, iş görən, dövlətçiliyimiz qarşısında böyük xidmətləri olan insanların bu seçkilərdə millət vəkilliyinə namizədliyini irəli sürüb. Partiyamızın 45 saylı Abşeron Seçki Dairəsi üzrə namizədi Oqtay Əsədov da məhz belə insanlardandır”.
Sonra çıxış edən Oqtay Əsədovun vəkili Vaqif Abbasov isə deyib ki, bizim dairədən Milli Məclisin sədri olan nüfuzlu bir şəxsin parlament seçkilərinə namizədliyi irəli sürülüb. Oqtay Əsədovun Azərbaycan üçün gördüyü işləri, fəaliyyət dairəsini və ziyalı, şəxsiyyət kimi dəyərlərini nəzərə alaraq hər bir seçicini ona səs verməyə çağırırıq.
Daha sonra qəsəbə sakinləri Şahvələd İsmayılov, İlqar Rüstəmov və digər çıxış edənlər seçiciləri kiçik və sosial problemlərin həlli məsələsinə deyil, Azərbaycanın gələcək inkişafını və reallıqları nəzərə alaraq layiqli namizədə səs verməyə çağırıblar: “Müxtəlif peşə sahiblərinin fəaliyyəti zamanı müəyyən səhvlərə, nöqsanlara təsadüf olunsa da, bunun bir o qədər də fərqinə varılmır. Amma siyasətçi səhv edərsə, bu, dövlət üçün qüsur sayıla bilər. Vətəndaş ən əvvəl vətənini, dövlətini qorumalıdır. Bu halda Azərbaycandan və onun gələcək inkişafından söz açmaq mümkün olur. Belə proseslərdə fəal iştirak edən ziyalıların, siyasi xadimlərin meydanda olması Azərbaycanın, əlbəttə ki, ərazi bütövlüyünün, dövlətçiliyinin qorunmasında əsas şərtlərdəndir”.

Paylaş:

Baxılıb: 850 dəfə