Qaradağda YAP tərəfindən bələdiyyə seçkilərində irəli sürülmüş gənc namizədlərlə görüş keçirilib

Bakı:

24 °C

54 %

0 m/s

AZ RU EN

Ana səhifə / YAP xəbərləri / Qaradağda YAP tərəfindən bələdiyyə seçkilərində irəli sürülmüş gənc namizədlərlə görüş keçirilib

Qaradağda YAP tərəfindən bələdiyyə seçkilərində irəli sürülmüş gənc namizədlərlə görüş keçirilib

17.12.2014 [10:20]

Aydın Hüseynov: YAP gənclərin inkişafında mühüm rol oynayır və gənclərə öz potensiallarını reallaşdırmaq üçün geniş meydan verir
Yeni Azərbaycan Partiyası (YAP) Qaradağ rayon təşkilatı 23 dekabrda keçiriləcək bələdiyyə seçkiləri ilə bağlı təbliğat-təşviqat kampaniyasını uğurla davam etdirir. Kampaniya çərçivəsində növbəti görüş partiya tərəfindən irəli sürülmüş gənc namizədlərlə keçirilib. Görüşdə çıxış edən YAP Siyasi Şurasının üzvü, partiyanın Qaradağ rayon təşkilatının sədri Aydın Hüseynov əvvəlcə qarşıdan gələn bələdiyyə seçkisindən danışıb və bələdiyyə seçkilərinin idarəetmədə mühüm rol oynadığını, bələdiyyələrin Avropa ölkələrinin idarəetmə sistemində geniş təcrübəyə və böyük nüfuza malik olduğunu qeyd edib.
Daha sonra ölkəmizdə həyata keçirilən gənclər siyasəti haqqında məlumat verən A.Hüseynov deyib ki, bu gün Azərbaycanda uğurla həyata keçirilən dövlət gənclər siyasəti gənc nəslin ölkə həyatında fəal iştirakına, onların intellektual inkişafına və potensiallarının artırılmasına əsaslı zəmin yaradıb: “Əlbəttə ki, Azərbaycanın ən böyük və güclü siyasi təşkilatı olan YAP da gənclərin inkişafında mühüm rol oynayır. Partiyamız gənclərə öz potensiallarını reallaşdırmaq üçün geniş meydan verir. Bələdiyyə seçkilərində gənc namizədlərin də üstünlük təşkil etməsi bu məqsədə xidmət edir”.
YAP Siyasi Şurasının üzvü əmin olduğunu vurğulayıb ki, partiyanın irəli sürdüyü gənc namizədlər öz fəaliyyətləri ilə bu etimadı doğruldacaqlar.
Tədbirdə iştirak edən YAP Suraxanı rayon təşkilatı Qadınlar Şurasının sədri Zəkiyyə Musayeva və Qaradağ rayon Gənclər və idman idarəsinin sədri Elçin Abbasov da ölkəmizdə həyata keçirilən gənclər siyasətinin uğurları haqqında ətraflı məlumat verərək deyiblər ki, bu gün ölkəmizin əldə etdiyi nailiyyətlərdə gənclərin də rolu və payı var. Onlar gənc namizədlərə bu seçki marafonunda uğurlar arzulayıb.
Tədbirdə çıxış edən gənc namizədlər - Racu Vəliyev, Əlizamin Məmmədov, Sənurə Orucova, Fərid Tağıyev və digərləri partiyanın gənclərin inkişafına göstərdiyi dəstəyə görə minnətdarlıqlarını ifadə edərək seçkilərdə seçicilərin etimadını qazanacaqları təqdirdə öz üzərlərinə düşən vəzifələrin öhdəsindən layiqincə gələcəklərinə söz veriblər.

Paylaş:

Baxılıb: 933 dəfə