“Xocalı soyqırımı əsrin faciəsidir”

Bakı:

27 °C

41 %

7 m/s

Əlaqə

AZ RU EN

Ana səhifə / YAP xəbərləri / “Xocalı soyqırımı əsrin faciəsidir”

“Xocalı soyqırımı əsrin faciəsidir”

22.02.2014 [13:27]

Dünən Yeni Azərbaycan Partiyası (YAP) Sabunçu rayon təşkilatının qərargahında Xocalı faciəsinin 22-ci ildönümü ilə əlaqədar anım tədbiri keçirilib. “Xocalı soyqırımı əsrin faciəsidir” mövzusunda keçirilən tədbirin iştirakçıları öncə Xocalı faciəsində qətlə yetirilən soydaşlrımızın xatirəsini bir dəqiqəlik sükutla yad ediblər.
Sonra YAP Sabunçu rayon təşkilatının sədri Mehriban Abasquliyeva çıxış edərək, Xocalı soyqırımının Azərbaycan xalqı üçün törətdiyi ağır nəticələrdən danışıb. M.Abasquliyeva əsrin faciəsi olan Xocalı soyqırımının tək Azərbaycan xalqına qarşı deyil, bütövlükdə, bəşəriyyətə qarşı törədilmiş cinayət olduğunu vurğulayıb: “Azərbaycan xalqı, xüsusilə də, gənclərimiz bu dəhşətli faciəni unutmamalı, onu qəlblərində yaşatmalı, faciəni törədənlərin layiqli cavab almaları üçün əllərindən gələni etməlidirlər.”
Rayon təşkilatının sədri onu da deyib ki, beynəlxalq ictimaiyyət hələ də bu faciəyə layiqli qiymət verməyib: “Azərbaycanın bir şəhəri, bütövlükdə, yerlə-yeksan edilib, 600 nəfərdən çox dinc sakin qətlə yetirilib. Lakin təəssüfedici bir haldır ki, bu cinayəti törədən şəxslər hələ də azadlıqda gəzirlər. Bu cinayət təkcə Azərbaycana qarşı deyil, eyni zamanda, bəşəriyyətə qarşı törədilmiş ən qəddar cinayətlərdən biridir”.
M.Abasquliyeva çıxışında Xocalı soyqırımının dünyada tanınması istiqamətində görülən işlərdən danışaraq bildirib ki, bu istiqamətdə Heydər Əliyev Fondunun xidmətləri hər birimiz tərəfindən yüksək qiymətləndirilir: “Məhz Heydər Əliyev Fondunun prezidenti, UNESCO-nun və İSESCO-nun xoşməramlı səfiri, millət vəkili Mehriban xanım Əliyevanın təşəbbüsü ilə bir sıra ölkələrdə Xocalı soyqırımı ilə bağlı tədbirlər keçirilir. Bununla yanaşı, Heydər Əliyev Fondunun vitse-prezidenti Leyla xanım Əliyevanın fəaliyyəti xüsusi qeyd edilməlidir. Bu isə ölkəmizin Xocalı soyqırımının dünyada tanıdılması istiqamətində apardığı siyasətin uğuru sayılmalıdır. Bilirsiniz ki, hazırda dünyanın bir çox ölkələrində Xocalı faciəsinin 22-ci ildönümü ilə bağlı tədbirlər keçirilir. Azərbaycan dövləti bu istiqamətdə öz addımlarını davam etdirir və Xocalı soyqırımının dünya birliyi tərəfindən tanınması yönündə aparılan fəaliyyət müsbət nəticələrini verməkdədir”.
M.Abasquliyeva, həmçinin, ölkə Prezidenti cənab İlham Əliyevin rəhbərliyi ilə Azərbaycan dövlətinin apardığı haqq işinin qalib gələcəyinə, beynəlxalq təşkilatların, dünya dövlətlərinin ermənilərin vəhşiliyinə siyasi qiymət verəcəyinə, erməni faşistlərinin beynəlxalq məhkəmə qarşısında cavab verəcəyinə əmin olduğunu bildirib.
Sonra Sabunçu rayon İcra Hakimiyyətinin başçısının müavini Arzu Məmmədova, YAP Sabunçu rayon təşkilatının Gənclər Birliyinin sədri Rəşad Abbasəliyev Azərbaycan xalqının qan yaddaşı olan Xocalı faciəsi, ermənilərin zaman-zaman xalqımıza qarşı törətdikləri vəhşiliklər və Xocalı soyqırımı ilə bağlı həqiqətlərin dünya ictimaiyyətinin nəzərinə çatdırılması istiqamətində görülən işlər barədə danışıblar.

Paylaş:

Baxılıb: 1227 dəfə