Prezident İlham Əliyevin Almaniyaya rəsmi səfəri strateji tərəfdaşlığın konturlarını müəyyənləşdirdi

Bakı:

25 °C

73 %

8 m/s

AZ RU EN

Ana səhifə / YAP xəbərləri / Prezident İlham Əliyevin Almaniyaya rəsmi səfəri strateji tərəfdaşlığın konturlarını müəyyənləşdirdi

Prezident İlham Əliyevin Almaniyaya rəsmi səfəri strateji tərəfdaşlığın konturlarını müəyyənləşdirdi

24.07.2026 [14:17]

Azərbaycan Respublikasının Prezidenti İlham Əliyevin Almaniya Federativ Respublikasına rəsmi səfəri Azərbaycan–Avropa İttifaqı münasibətlərində mühüm siyasi hadisələrdən biri kimi qiymətləndirilir. Berlin şəhərində keçirilən yüksək səviyyəli görüşlər, imzalanan sənədlər və mətbuata verilən bəyanatlar göstərdi ki, Bakı və Berlin münasibətləri yeni mərhələyə qədəm qoyur. Səfərin əsas nəticəsi iki ölkə arasında siyasi dialoqun daha da dərinləşdirilməsi, iqtisadi əməkdaşlığın genişləndirilməsi və enerji təhlükəsizliyi sahəsində strateji tərəfdaşlığın möhkəmləndirilməsi oldu.

Danışıqlar zamanı ikitərəfli münasibətlərin mövcud vəziyyəti, gələcək inkişaf istiqamətləri, Avropa enerji təhlükəsizliyi, nəqliyyat-logistika layihələri, yaşıl enerji, sənaye əməkdaşlığı və regional təhlükəsizlik məsələləri ətrafında geniş fikir mübadiləsi aparıldı. Görüşlərin yekununda iki ölkə arasında əməkdaşlığın müxtəlif istiqamətlərini əhatə edən sənədlər imzalandı. Ən mühüm sənəd isə "Azərbaycan Respublikası ilə Almaniya Federativ Respublikası arasında İkitərəfli Tərəfdaşlıq üçün Strateji Gündəlik haqqında Birgə Bəyannamə" oldu. Birgə Bəyannamə Azərbaycan–Almaniya münasibətlərinin uzunmüddətli inkişafına xidmət edən yol xəritəsi kimi qiymətləndirilir. Sənəd tərəflərin qarşılıqlı etimad, suverenliyə hörmət, beynəlxalq hüququn prinsiplərinə sadiqlik və çoxtərəfli əməkdaşlıq niyyətini bir daha təsdiqləyir. Bu sənəd eyni zamanda Almaniyanın Cənubi Qafqaz regionunda Azərbaycanı etibarlı tərəfdaş kimi qiymətləndirdiyini nümayiş etdirir. Mütəxəssislərin fikrincə, sənəd gələcək illərdə iqtisadi, texnoloji və humanitar əməkdaşlığın dərinləşməsinə geniş imkanlar yaradacaq.

Mətbuata bəyanatlar zamanı Cənubi Qafqazda davamlı sülhün təmin olunması məsələsi də diqqət mərkəzində idi. Prezident İlham Əliyev Azərbaycanın bölgədə uzunmüddətli sabitliyin tərəfdarı olduğunu bildirdi və sülh gündəliyinin davam etdirilməsinin vacibliyini vurğuladı. Dövlət başçısı qeyd etdi ki, regionda davamlı əməkdaşlıq bütün tərəflərin maraqlarına cavab verir və iqtisadi inkişaf üçün yeni imkanlar yaradır.

İqtisadi əməkdaşlıq Prezident İlham Əliyevin bəyanatında mühüm yer tutdu. Hazırda 200-dən artıq Almaniya şirkətinin Azərbaycanda fəaliyyət göstərməsi ölkənin investisiya mühitinə olan etimadın göstəricisidir. Yeni əməkdaşlıq sənədlərinin imzalanması, qarşılıqlı sərmayələrin təşviqi və Almaniya şirkətlərinin Azərbaycan bazarında fəaliyyət imkanlarının genişləndirilməsi iqtisadi münasibətlərin keyfiyyətcə yeni mərhələyə keçəcəyindən xəbər verir.

Prezident İlham Əliyevin Almaniyaya rəsmi səfəri Azərbaycan xarici siyasətinin çoxşaxəli və balanslaşdırılmış kursunun növbəti uğurlu nümunəsi kimi qiymətləndirilə bilər. Berlin görüşləri göstərdi ki, Azərbaycan Avropa üçün etibarlı siyasi, iqtisadi və enerji tərəfdaşı olaraq öz mövqeyini daha da möhkəmləndirir. İmzalanmış sənədlər, keçirilən danışıqlar və mətbuata verilən bəyanatlar yalnız bugünkü əməkdaşlığın deyil, həm də gələcək illərdə Azərbaycan–Almaniya münasibətlərinin inkişaf istiqamətlərini müəyyən edən mühüm siyasi hadisə kimi tarixə düşür.

Araz Xudadanov

YAP Sabunçu rayon təşkilatının sədri

Paylaş:

Baxılıb: 603 dəfə