Şəmkirdə Səməd Vurğunun 120 illik yubleyi münasibətilə tədbir keçirilib

Bakı:

25 °C

78 %

3 m/s

Əlaqə

AZ RU EN

Ana səhifə / YAP xəbərləri / Şəmkirdə Səməd Vurğunun 120 illik yubleyi münasibətilə tədbir keçirilib

Şəmkirdə Səməd Vurğunun 120 illik yubleyi münasibətilə tədbir keçirilib

10.06.2026 [19:53]

Şəmkir rayonunda Yeni Azərbaycan Partiyası Şəmkir rayon təşkilatının təşkilatçılığı ilə Azərbaycan ədəbiyyatının görkəmli nümayəndəsi, Xalq şairi Səməd Vurğunun anadan olmasının 120 illik yubileyi münasibətilə tədbir keçirilib.

Tədbirdə Şəmkir Rayon İcra Hakimiyyətinin başçısı Rəşad Tağıyev, YAP Şəmkir rayon təşkilatının sədri Fəxrəddin Vəliyev, Azərbaycan Yazıçılar Birliyinin üzvləri Məzahir Hüseynzadə, Ramiz Göyüşlü, Barat Vüsal, filologiya elmləri doktoru, professor Rüstəm Kamal və digər rəsmi qonaqlar, rayon ictimaiyyətinin nümayəndələri, ziyalılar, müəllimlər, gənclər və ədəbiyyatsevərlər iştirak ediblər.

Əvvəlcə Azərbaycan xalqının Ümummilli Lideri Heydər Əliyevin və görkəmli şair Səməd Vurğunun əziz xatirəsi bir dəqiqəlik sükutla yad edilib.

Çıxış edən YAP Şəmkir rayon təşkilatının sədri Fəxrəddin Vəliyev Səməd Vurğunun Azərbaycan ədəbiyyatının inkişafında müstəsna xidmətlərindən, onun zəngin bədii irsinin milli-mənəvi dəyərlərimizin qorunması və təbliğindəki rolundan bəhs edib. Bildirib ki, şairin yaradıcılığı vətənpərvərlik, insanpərvərlik və yüksək mənəvi keyfiyyətlərin təbliği baxımından bu gün də öz aktuallığını qoruyub saxlayır.

Şəmkir rayon İcra hakimiyyətinin başçısı Rəşad Tağıyev çıxışında bildirib ki, Səməd Vurğun Azərbaycan xalqının böyük şairi idi. Şair gözəl lirikası, fəlsəfi şeirləri ilə Azərbaycan dilini və şeirimizin poetikasını inkişaf etdirib, poeziyamıza estetik zənginlik gətirib.Vurğulanıb ki, Ulu Öndər Heydər Əliyev Səməd Vurğunun yaradıcılığını yüksək qiymətləndirirdi. Səməd Vurğun irsinə dövlət səviyyəsində hörmət, onun yaradıcılığına verilən yüksək qiymət bu gün də davam edir. Azərbaycan Prezidenti İlham Əliyev bu ilin fevral ayında böyük şairin 120 illik yubileyi ilə bağlı xüsusi Sərəncam imzalamışdır. Bu sərəncamdan irəli gələrək ölkəmizdə şairin yubiley tədbirləri silsilə şəkildə qeyd edilir.

Tədbirdə digər çıxış edən Azərbaycan Yazıçılar birliyinin üzvləri və şairlər bildiriblər ki, Səməd Vurğunun əsərləri Azərbaycan poeziyasının ən dəyərli nümunələri sırasında yer alır və gənc nəslin milli ruhda formalaşmasına mühüm töhfə verir. Onun yaradıcılığı təkcə ölkəmizdə deyil, beynəlxalq ədəbi mühitdə də böyük maraqla qarşılanır.

Tədbirin bədii hissəsində şairin şeirləri səsləndirilib, yaradıcılığına həsr olunmuş kompozisiyalar təqdim edilib. Məktəblilərin və gənclərin ifasında Səməd Vurğunun əsərlərindən parçalar nümayiş etdirilərək iştirakçılar tərəfindən maraqla qarşılanıb.

Sonda vurğulanıb ki, Səməd Vurğunun zəngin ədəbi irsinin öyrənilməsi və təbliği istiqamətində tədbirlərin keçirilməsi gələcək nəsillərin milli-mənəvi dəyərlərə bağlı ruhda yetişməsinə xidmət edir.

Paylaş:

Baxılıb: 491 dəfə