Bakı qlobal şəhərsalma dialoqunun mərkəzində

Bakı:

22 °C

64 %

3 m/s

Əlaqə

AZ RU EN

Ana səhifə / YAP xəbərləri / Bakı qlobal şəhərsalma dialoqunun mərkəzində

Bakı qlobal şəhərsalma dialoqunun mərkəzində

20.05.2026 [10:49]

2026-cı il mayın 18-də Bakı daha bir mötəbər beynəlxalq tədbirə ev sahibliyi etdi. Bakıda keçirilən Ümumdünya Şəhərsalma Forumunun 13-cü Sessiyası (WUF13) dünyanın müxtəlif ölkələrindən dövlət və hökumət nümayəndələrini, şəhərsalma mütəxəssislərini, beynəlxalq təşkilatların rəhbərlərini və ekspertləri bir araya gətirdi. Azərbaycan Respublikasının Prezidenti İlham Əliyev forumun açılış mərasimində çıxış edərək ölkəmizin müasir şəhərsalma siyasəti, dayanıqlı inkişaf strategiyası və azad edilmiş ərazilərdə həyata keçirilən genişmiqyaslı quruculuq işləri barədə mühüm mesajlar verdi.

Prezident İlham Əliyev çıxışında qeyd etdi ki, Azərbaycanın şəhərsalma siyasəti yalnız müasir memarlıq və infrastrukturun qurulması ilə məhdudlaşmır, eyni zamanda insanların rahat yaşayışı, ekoloji təhlükəsizlik və sosial rifah prinsiplərinə əsaslanır. Dövlət başçısı vurğuladı ki, son illərdə ölkəmizdə həyata keçirilən iri layihələr Azərbaycanın regionun ən müasir urbanizasiya mərkəzlərindən birinə çevrilməsinə imkan yaradıb. Çıxış zamanı xüsusi diqqət Qarabağ və Şərqi Zəngəzurda aparılan yenidənqurma və bərpa prosesinə yönəldildi. Prezident İlham Əliyev bildirdi ki, işğaldan azad olunmuş ərazilərdə “ağıllı şəhər” və “ağıllı kənd” konsepsiyalarına əsaslanan yeni yaşayış məntəqələri salınır, müasir yol infrastrukturu, hava limanları, sosial obyektlər və yaşıl enerji layihələri həyata keçirilir. Bu yanaşmanın gələcəyin dayanıqlı şəhər modelini formalaşdırdığı vurğulandı.
Forum çərçivəsində Azərbaycanın beynəlxalq əməkdaşlığa verdiyi önəm də xüsusi qeyd edildi. Prezident İlham Əliyev şəhərsalma və memarlıq sahəsində qabaqcıl təcrübələrin paylaşılmasının vacibliyini diqqətə çatdıraraq, qlobal çağırışlar fonunda şəhərlərin davamlı inkişafının beynəlxalq həmrəyliyi tələb etdiyini bildirdi. Dövlət başçısı Bakının artıq beynəlxalq tədbirlərin keçirildiyi mühüm platformaya çevrildiyini də vurğuladı.

Ümumdünya Şəhərsalma Forumunun Bakıda keçirilməsi Azərbaycanın beynəlxalq nüfuzunun daha da artmasının göstəricisi kimi qiymətləndirilir. Dünyanın aparıcı şəhərsalma mütəxəssislərinin və beynəlxalq təşkilat nümayəndələrinin iştirakı ilə keçirilən bu forum ölkəmizin urbanizasiya, innovativ memarlıq və dayanıqlı inkişaf sahəsində qazandığı uğurların beynəlxalq ictimaiyyətə təqdim olunması baxımından mühüm əhəmiyyət daşıyır.

Gündüz Alıkişiyev

YAP Tərtər rayon təşkilatının məsləhətçisi

Paylaş:

Baxılıb: 397 dəfə