Sabunçu rayonunda “Unudulmaz alim, qayğıkeş ana və nura çevrilən ömür: Oftalmologiyanın zirvəsi” adlı tədbir keçirilib

Bakı:

26 °C

61 %

5 m/s

AZ RU EN

Ana səhifə / YAP xəbərləri / Sabunçu rayonunda “Unudulmaz alim, qayğıkeş ana və nura çevrilən ömür: Oftalmologiyanın zirvəsi” adlı tədbir keçirilib

Sabunçu rayonunda “Unudulmaz alim, qayğıkeş ana və nura çevrilən ömür: Oftalmologiyanın zirvəsi” adlı tədbir keçirilib

27.04.2026 [21:25]

Yeni Azərbaycan Partiyası (YAP) Sabunçu Rayon Təşkilatı və Sabunçu Rayon İcra Hakimiyyətinin birgə təşkilatçılığı ilə görkəmli oftalmoloq alim, akademik Zərifə xanım Əliyevanın anadan olmasının 103 illiyi ilə əlaqədar “Unudulmaz alim, qayğıkeş ana və nura çevrilən ömür: Oftalmologiyanın zirvəsi” adlı tədbir keçirilib.

Əvvəlcə tədbirdə Azərbaycan Respublikasının Dövlət Himni səsləndirilib, Ulu Öndər Heydər Əliyevin, akademik Zərifə xanım Əliyevanın və ölkəmizin suverenliyi və ərazi bütövlüyü uğrunda canlarını qurban vermiş şəhidlərin əziz xatirəsi ehtiramla yad olunub.

Sonra Zərifə xanım Əliyevanın zəngin həyat və yaradıcılığından bəhs edən videoçarx nümayiş etdirilib.

Sabunçu Rayon İcra Hakimiyyətinin başçısı Adil Vəliyev vurğulayıb ki, Zərifə xanım Əliyevanın Azərbaycanda geniş yayılmış göz xəstəliklərinə qarşı apardığı tədqiqatlar, bu sahədə ixtisaslı kadrların yetişdirilməsi istiqamətində gördüyü işlər onun elmə verdiyi töhfələrin yalnız bir hissəsidir. Zərifə Əliyeva yalnız bir alim, həkim və müəllim kimi yox, həm də ailəsi, çevrəsi və ölkəsi üçün dəyərli bir insan olaraq qəlblərdə əbədi iz buraxmışdır. Onun elmi irsi bu gün də Azərbaycan tibb elminin dəyərli mənbələrindən biri kimi öz aktuallığını qoruyur.

Yeni Azərbaycan Partiyası (YAP) Sabunçu rayon təşkilatının sədri Araz Xudadanov qeyd edib ki, Azərbaycan tibb elminin inkişafında mühüm rol oynamış akademik Zərifə xanım Əliyeva yalnız elmi nailiyyətləri ilə deyil, yüksək mənəvi keyfiyyətləri ilə də seçilirdi. Onun timsalında biz həm böyük alimi, həm də dərin insani dəyərlərə malik bir şəxsiyyəti görürük. Zərifə xanımın şəxsiyyətini formalaşdıran əsas xüsusiyyətlər – zəngin bilik, yüksək mədəniyyət, insanpərvərlik və Vətənə bağlılıq – onun həyat yolunun hər mərhələsində özünü aydın şəkildə göstərirdi. Zərifə xanım Əliyevanın həyatı həm də böyük sevginin, sədaqətin və mənəvi bütövlüyün nümunəsidir.

YAP Veteranlar Şurasının üzvü, “Modern İnkişaf və Ailə” İctimai Birliyinin sədri Zərifə Quliyeva diqqətə çatdırıb ki, Zərifə xanımı xarakterizə edən ən mühüm cəhət onun sonsuz xeyirxahlığı və sadəliyi idi. Böyük bir dövlət xadiminin – Heydər Əliyevin vəfalı ömür-gün yoldaşı, müasir Azərbaycan dövlətçiliyinin varisi cənab İlham Əliyevin anası olması onun çiyinlərinə böyük məsuliyyət qoysa da, o, hər zaman təvazökarlığı ilə seçilirdi. Zərifə xanım Əliyevanın zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin parlaq səhifəsidir.

Tədbir daha sonra bədii hissə ilə davam etdirilib.

Paylaş:

Baxılıb: 511 dəfə