Azərbaycan Avropa İttifaqı ilə münasibətlərin inkişafına böyük önəm verir

Bakı:

22 °C

56 %

0 m/s

Əlaqə

AZ RU EN

Ana səhifə / YAP xəbərləri / Azərbaycan Avropa İttifaqı ilə münasibətlərin inkişafına böyük önəm verir

Azərbaycan Avropa İttifaqı ilə münasibətlərin inkişafına böyük önəm verir

13.03.2026 [13:59]

Azərbaycan ilə Avropa İttifaqı arasında əlaqələr uzun illərdir ki, qarşılıqlı hörmət və faydalı əməkdaşlıq prinsipləri əsasında inkişaf edir. Azərbaycan Avropa İttifaqının Şərq tərəfdaşlığı proqramında iştirak edən mühüm ölkələrdən biridir və bir çox sahələrdə Avropa strukturları ilə sıx əməkdaşlıq edir.

Prezident İlham Əliyev birgə mətbuat bəyanatında vurğulamışdır ki, Azərbaycan Avropa İttifaqı ilə münasibətlərin inkişafına böyük önəm verir. Dövlət başçısı qeyd etmişdir ki, Avropa İttifaqı Azərbaycanın əsas ticarət tərəfdaşlarından biridir və bu əməkdaşlıq qarşılıqlı maraqlara əsaslanır. Azərbaycanın Avropa bazarları ilə iqtisadi əlaqələri ölkənin iqtisadi inkişafına mühüm töhfə verir.Eyni zamanda, Avropa İttifaqı da Azərbaycanı regionda mühüm tərəfdaş kimi qiymətləndirir. Azərbaycanın geosiyasi mövqeyi, enerji resursları və nəqliyyat imkanları Avropa üçün xüsusi əhəmiyyət kəsb edir.Birgə mətbuat bəyanatında enerji məsələləri xüsusi yer tutmuşdur. Azərbaycan uzun illərdir Avropanın enerji təhlükəsizliyinin təmin olunmasında mühüm rol oynayır. Xüsusilə Cənub Qaz Dəhlizi layihəsi Avropa ölkələrinin enerji təchizatının şaxələndirilməsində böyük əhəmiyyətə malikdir. Azərbaycan Avropa bazarına qaz ixracını artırmaq niyyətindədir. Artıq bir sıra Avropa ölkələri Azərbaycan qazından istifadə edir və bu siyahı getdikcə genişlənir. Azərbaycan enerji sahəsində etibarlı tərəfdaş kimi tanınır və öz öhdəliklərini həmişə yerinə yetirir.Avropa İttifaqı Şurasının prezidenti Antonio Koşta da çıxışında Azərbaycanın enerji sahəsində etibarlı tərəfdaş olduğunu vurğulamışdır. O bildirmişdir ki, Avropa İttifaqı enerji təhlükəsizliyinin təmin olunması üçün Azərbaycanla əməkdaşlığın genişləndirilməsində maraqlıdır.

Prezident İlham Əliyev bildirib ki, Azərbaycan regionda davamlı sülhün təmin olunmasına çalışır. Dövlət başçısı qeyd etmişdir ki, Azərbaycan müharibədən sonra yeni reallıqlar yaratmışdır və hazırda regionda sabitliyin möhkəmləndirilməsi istiqamətində addımlar atılır.Azərbaycan sülh müqaviləsinin imzalanmasının tərəfdarıdır və regionda əməkdaşlıq imkanlarının genişlənməsini dəstəkləyir. Davamlı sülhün təmin olunması həm region ölkələri, həm də beynəlxalq tərəfdaşlar üçün böyük əhəmiyyət kəsb edir. Antonio Koşta isə Avropa İttifaqının Cənubi Qafqazda sabitlik və əməkdaşlıq proseslərini dəstəklədiyini bildirmişdir. O qeyd etmişdir ki, Avropa İttifaqı regionda sülhün və sabitliyin təmin olunması üçün diplomatik səyləri davam etdirəcəkdir. Son illər Azərbaycan yaşıl enerji sahəsində də mühüm layihələr həyata keçirir. Birgə mətbuat bəyanatında bu istiqamətdə əməkdaşlıq imkanları da müzakirə edilmişdir. Azərbaycan bərpa olunan enerji sahəsində böyük potensiala malikdir. Xüsusilə külək və günəş enerjisi sahəsində həyata keçirilən layihələr ölkənin enerji strategiyasında mühüm yer tutur.

Avropa İttifaqı isə yaşıl enerji layihələrinin inkişafını dəstəkləyir və bu sahədə Azərbaycanla əməkdaşlıq etməyə hazırdır. Bu əməkdaşlıq həm enerji təhlükəsizliyinin təmin olunmasına, həm də iqlim dəyişiklikləri ilə mübarizəyə töhfə verəcəkdir.
Azərbaycan ilə Avropa İttifaqı arasında əməkdaşlıq yalnız siyasi və iqtisadi sahələrlə məhdudlaşmır. Humanitar və mədəni əlaqələr də münasibətlərin inkişafında mühüm rol oynayır.Təhsil, elm və mədəniyyət sahələrində həyata keçirilən birgə layihələr xalqlar arasında qarşılıqlı anlaşmanı gücləndirir. Azərbaycan tələbələrinin Avropa universitetlərində təhsil alması və müxtəlif mübadilə proqramlarının həyata keçirilməsi bu əməkdaşlığın mühüm nəticələrindən biridir.

Azərbaycan Avropa İttifaqı ilə siyasi dialoqun genişləndirilməsində, enerji və iqtisadi sahələrdə əməkdaşlığın inkişafında maraqlıdır. Eyni zamanda regionda sülh və sabitliyin təmin olunması üçün beynəlxalq tərəfdaşlarla əməkdaşlıq davam etdirilir.Bu isə həm regionun inkişafına, həm də beynəlxalq sabitliyin möhkəmlənməsinə mühüm töhfə verəcəkdir.

Azər Ağayev
YAP Tərtər rayon təşkilatının sədr müavini

Paylaş:

Baxılıb: 512 dəfə