Masallıda YAP-ın yaranmasının 21-ci ildönümü ilə bağlı tədbir keçirilib

Bakı:

15 °C

82 %

3 m/s

Əlaqə

AZ RU EN

Ana səhifə / YAP xəbərləri / Masallıda YAP-ın yaranmasının 21-ci ildönümü ilə bağlı tədbir keçirilib

Masallıda YAP-ın yaranmasının 21-ci ildönümü ilə bağlı tədbir keçirilib

19.11.2013 [09:03]

Masallıda Yeni Azərbaycan Partiyasının (YAP) yaranmasının 21-ci ildönümü münasibəti ilə tədbir keçirilib. Tədbir iştirakçıları öncə Ulu öndər Heydər Əliyevin rayonun mərkəzində ucaldılmış abidəsi önünə tər gül dəstələri düzüblər.
Sonra tədbir YAP Masallı rayon təşkilatının akt zalında davam etdirilib. Tədbiri giriş sözü ilə açan YAP Masallı rayon təşkilatının sədri Seyfəddin Əliyev bildirib ki, Azərbaycanın son illərdə əldə etdiyi uğurlar, yüksək nailiyyətlər Ulu öndər Heydər Əliyevin yaratdığı və bu gün Prezident İlham Əliyevin Sədri olduğu Yeni Azərbaycan Partiyasının bilavasitə fəaliyyəti ilə bağlıdır. Natiq qeyd edib ki, tarixi zərurətdən yaranan YAP-ın yarandığı ilk gündən müstəqilliyimizin qorunması, dövlətçiliyimizin möhkəmləndirilməsi, iqtisadiyyatımızın inkişaf etdirilməsi, demokratiyanın bərqərar olması ilə baglı əsas rolu öz üzərinə götürməsi hər kəsə yaxşı məlumdur.
Daha sonra natiq qeyd edib ki, Yeni Azərbaycan Partiyasında Ulu öndər Heydər Əliyev missiyası bu gün cənab Prezident İlham Əliyev tərəfindən uğurla davam etdirilir. 2003-cü, 2008-ci və 2013-cü ilin oktyabr aylarında Heydər Əliyev siyasi kursunun layiqli davamçısı kimi prezident seçkilərinə qatılan cənab İlham Əliyevin qələbəsi həm də YAP-ın zəfəri, nailiyyəti idi: “Bu gün qürur hissi ilə qeyd etməliyik ki, artıq Yeni Azərbaycan Partiyasının sıralarında 600 mindən artıq vətəndaşımız birləşir. Bu təkcə statistika deyil. Bu, həm də vətəndaşlarımızın Azərbaycanın bu günkü reallığına verdiyi qiymət və möhtərəm Prezidentimiz, Partiyamızın Sədri İlham Əliyev cənablarının həyata keçirdiyi uğurlu daxili və xarici siyasətə olan münasibətlərinin ifadəsidir”.
Tədbirdə çıxış edən YAP Masallı rayon təşkilatının Şura üzvü Qardaş Fətullayev, rayon təşkilatı Qadınlar Şurasının sədri Naibə Aslanova və gənc fəal Sərxan Əhmədov bildiriblər ki, YAP yarandığı gündən çox böyük və şərəfli yol keçib. Partiya yarandıqdan sonra qısa müddət müxalifətdə olub, sonra isə iqtidar partiyasına çevrilib. Hakimiyyətdə olduğu illərdə YAP xalqımız üçün çox taleyüklü məsələləri həll edib. Partiyamız 5 dəfə prezident, 4 dəfə parlament, 3 dəfə bələdiyyə seçkilərində iştirak edib. Partiyamız bütün bu seçkilərdə möhtəşəm qələbələr qazanıb.
Çıxış edən millət vəkili Nəriman Əliyev “Ulu öndər Heydər Əliyevin rəhbərliyi ilə yaradılmış və bu gün Prezident İlham Əliyevin Sədri olduğu YAP-ın nüfuzu gündən-günə artmaqdadır. YAP-ın cəmiyyətin inkişafını hədəfləyən çoxsaylı sosial layihələr reallaşdırması, gəncləri dövlətçilik, milli maraqlar ətrafında sıx birləşdirməsi partiyanın tərəfdarlarının sayının artmasına səbəb olub” deyib. Onun sözlərinə görə, əsası Ümummilli lider Heydər Əliyev tərəfindən qoyulan inkişaf strategiyasının Prezident İlham Əliyev tərəfindən uğurla davam etdirilməsi nəticəsində Azərbaycan nəinki Cənubi Qafqazda, ümumiyyətlə, Avropada lider dövlətə çevrilib.
Tədbirdə çıxış edən Masallı rayon İcra Hakimiyyətinin başçısı Rafil Hüseynov ölkəmizin son dərəcə çətin sınaqlar qarşısında qaldığı bir vaxtda yaranan YAP-ın rolundan ətraflı bəhs edib: “YAP hakimiyyətdə olduğu illərdə Azərbaycanın iqtisadiyyatı inkişaf edib, bütün sahələrdə əhəmiyyətli dəyişikliklər baş verib. Ölkəmizin hər bir vətəndaşının həyatında, yaşayış səviyyəsində ciddi irəliləyişlər əldə olunub. Azərbaycan bölgəmizin ən güclü dövlətinə çevrilib. Azərbaycanın uğurları yalnız bölgənin güclü dövlətinə çevrilməsi ilə məhdudlaşmır. Ölkəmiz, eyni zamanda, beynəlxalq aləmdə yeri və rolunu artırıb”.
Sonra Yeni Azərbaycan Partiyasının sıralarına yeni daxil olmuş partiya üzvlərinə üzvlük vəsiqələri, partiya həyatında fəal iştirakına görə bir qrup YAP üzvünə fəxri fərmanlar və qiymətli hədiyyələr təqdim olunub.
Səlim Loğmanoğlu

Paylaş:

Baxılıb: 1195 dəfə