Kəlbəcərin azad olunmasının strateji əhəmiyyəti

Bakı:

27 °C

61 %

6 m/s

Əlaqə

AZ RU EN

Ana səhifə / YAP xəbərləri / Kəlbəcərin azad olunmasının strateji əhəmiyyəti

Kəlbəcərin azad olunmasının strateji əhəmiyyəti

24.11.2025 [18:15]

Səyyad Mirzəyev

YAP Ağdam rayon təşkilatının əməkdaşı

Azərbaycanın son illərdə həyata keçirdiyi məqsədyönlü siyasət, gücləndirilmiş hərbi potensial, eləcə də düzgün müəyyənləşdirilmiş strateji və taktiki planlama Vətən müharibəsində əldə olunan tarixi qələbənin başlıca amillərini təşkil etmişdir. Dövlət rəhbərliyinin siyasi iradəsi, Ordumuzun yüksək döyüş qabiliyyəti və əməliyyatların dəqiq koordinasiyası ölkəmizin milli maraqlarını təmin etmiş, ərazi bütövlüyünün bərpasını gerçəkləşdirmişdir. Bu proses Azərbaycanın dövlətçilik tarixində mühüm dönüş nöqtəsi olmaqla, regional təhlükəsizlik və davamlı inkişaf üçün yeni reallıqlar yaratmışdır.

2020-ci il noyabrın 25-də Kəlbəcər rayonunun işğaldan azad olunması Vətən müharibəsinin gedişində Azərbaycanın hərbi-siyasi üstünlüyünün təsdiqi və ölkəmizin ərazi bütövlüyünün təmin olunması baxımından xüsusi əhəmiyyətə malikdir. Kəlbəcər Qarabağ bölgəsinin ən mürəkkəb dağlıq relyefinə malik ərazisidir. Bu rayonun azad edilməsi bölgədə əsas yüksəkliklərə və dağ aşırımlarına nəzarətin bərpasını, hərbi əməliyyatlarda strateji üstünlüyü və Azərbaycan Ordusunun təbii müdafiə xəttini gücləndirməsini təmin etdi. Kəlbəcərin azad edilməsi ilə Ermənistan tərəfi üçün mühüm hərbi təchizat yolları tamamilə nəzarətdən çıxdı. Kəlbəcərin azad olunması Azərbaycanın Qarabağdakı əməliyyat-strateji mövqeyini möhkəmləndirdi və digər rayonların təhlükəsizliyini təmin etdi. Rayonun təmizlənməsi ilə Qarabağın şimal-qərb hissəsi tam şəkildə Azərbaycanın nəzarətinə keçdi və bölgədə yeni təhlükəsizlik arxitekturası formalaşdı. Bu qələbə regionda təhlükəsizlik sisteminin yenidən formalaşmasına və Azərbaycanın strateji mövqelərinin daha da möhkəmlənməsinə şərait yaratmışdır. Kəlbəcərin qaytarılması ilə Azərbaycan Qarabağ bölgəsinin şimal-qərbində əsas yüksəkliklərə tam nəzarət əldə etmiş, hərbi-strateji balans ölkəmizin xeyrinə dəyişmişdir. Rayonun zəngin su ehtiyatlarıTərtərçay, Xaçınçay və dağ bulaqları ölkənin energetika və su təsərrüfatı üçün mühüm resursların bərpasına imkan yaratmışdır. Şərqi Zəngəzur iqtisadi rayonunun bütövlüyü təmin olunmuş, yeni nəqliyyat və logistika xətlərinin yaradılması üçün əlverişli şərait formalaşmışdır. Kəlbəcərin təbii sərvətlərinin iqtisadi dövriyyəyə qaytarılması isə regionun inkişaf potensialını əhəmiyyətli dərəcədə artırmaqdadır.

Kəlbəcərin azad olunması Azərbaycanın təhlükəsizliyini, iqtisadi inkişafını və regional mövqeyini gücləndirən tarixi və strateji nailiyyətdir.

Kəlbəcərin azad edilməsi ilə Azərbaycan yeni bir reallıq yaratdı – işğal altında olan bütün torpaqların bərpası, bölgələrin dirçəlişi və böyük qayıdış konsepsiyasının həyata keçirilməsi istiqamətində mühüm addımlar atıldı. Dövlətimizin başçısının qətiyyəti, Ordumuzun şücaəti və xalqımızın sarsılmaz birliyi nəticəsində Kəlbəcər bu gün yeni inkişaf mərhələsinə qədəm qoyur, genişmiqyaslı quruculuq və bərpa işləri sürətlə davam etdirilir. Bu gün Kəlbəcər yenidən qurulur, dirçəlir və sürətlə inkişaf edir. Bu inkişaf həm də gələcək nəsillər üçün daha güclü, daha firavan Azərbaycan deməkdir.

25 Noyabr – Kəlbəcər şəhəri günü Azərbaycan xalqının yaddaşında əbədi olaraq qürur, şərəf və birlik günü kimi qalacaq. Bu gün bizə göstərir ki, milli həmrəylik və dövlətçilik iradəsi olduğu halda Azərbaycan qarşıya qoyduğu bütün məqsədlərə nail ola bilər.

Paylaş:

Baxılıb: 712 dəfə