Ağstafada Şuşa Günü münasibətilə tədbir keçirilib

Bakı:

21 °C

55 %

5 m/s

Əlaqə

AZ RU EN

Ana səhifə / YAP xəbərləri / Ağstafada Şuşa Günü münasibətilə tədbir keçirilib

Ağstafada Şuşa Günü münasibətilə tədbir keçirilib

08.11.2025 [15:43]

07 noyabr 2025-ci il tarixində Yeni Azərbaycan Partiyası Ağstafa rayon təşkilatı tərəfindən “Mərkəzi Xəstəxana” Ərazi Partiya Təşkilatında 8 Noyabr – Şuşa Günü münasibətilə tədbir keçirilib.

Əvvəlcə müasir müstəqil Azərbaycan dövlətinin banisi, ümummilli lider Heydər Əliyevin və Azərbaycanın ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan “Mərkəzi Xəstəxana” Ərazi Partiya Təşkilatının fəal üzvü, Vətən müharibəsi iştirakçısı Teyyub Carçıyev qeyd edib ki, Şuşa döyüşləri İkinci Qarabağ müharibəsində Azərbaycan Ordusunun qələbəsi ilə nəticələnən ən uğurlu əməliyyatlardan biridir. Döyüşlər zamanı Azərbaycan Ordusu sıx meşələri, keçilməz yarğanları və çətin dağ keçidlərini aşaraq Şuşaya istiqamət götürüb. Belə ki, noyabrın 7-də ordumuz şəhərin qayalıqlarına dırmaşaraq yüngül silah-sursat ilə Şuşaya daxil olub. Azərbaycan Ordusunun Xüsusi Təyinatlı Qüvvələri şəhərə bir çox istiqamətdən yaxınlaşmaq üçün yüz nəfərlik qruplara bölünüblər. Döyüşlər zamanı Şuşaya Ermənistan tərəfindən “İsgəndər” ballistik raketləri atılıb. Raketin hədəfi isə azərbaycanlı hərbçilər olub. Buna baxmayaraq, Müzəffər Azərbaycan Ordusu tezliklə erməni qoşunlarını məhv edərək şəhərdən qovub və noyabrın 8-də Şuşa şəhəri düşməndən azad olunub. Hər il noyabrın 8-də Şuşa Şəhəri Günü təntənəli şəkildə qeyd edilir.

Tədbirdə YAP Ağstafa rayon təşkilatının əməkdaşı Aytən Məmmədli, “Mərkəzi Xəstəxana” Ərazi Partiya Təşkilatının sədr müavini Həcər Namazova, partiya fəalı Orxan Qocayev və “Mərkəzi Xəstəxana” Ərazi Partiya Təşkilatının fəal üzvü Rasim Kərimov çıxış edərək bildiriblər ki, Qarabağın tacı olan Şuşa şəhəri düz beş il əvvəl – 2020-ci il noyabr ayının 8-də Müzəffər Azərbaycan ordusu tərəfindən 28 illik erməni işğalından azad edildi. Bu əzəli Azərbaycan torpaqları olan Qarabağın qədim tarixinə şanlı səhifə kimi həkk edildi. 8 Noyabr – Şuşa şəhəri günü Azərbaycan xalqının tarixi yaddaşında əbədi yaşayacaq bir gündür. Bu gün bizə bir daha göstərdi ki, torpaq uğrunda canını fəda edən qəhrəmanlarımızın ruhu qarşısında borcumuz onların mübarizəsini unutmamaq və qazandığımız azadlığı qorumaqdır. Şuşa bu gün yenidən dirçəlir, sanki öz səsini, musiqisini, poeziyasını bərpa edir. Cıdır düzündə səslənən muğam, Xurşidbanu Natəvanın poeziyası, Üzeyir Hacıbəylinin melodiyaları bir daha göstərir ki, Şuşa Azərbaycan mədəniyyətinin ürəyidir. 8 Noyabr – Şuşa şəhəri günü həm qələbənin, həm mədəni dirçəlişin, həm də milli birliyin rəmzidir. Hər bir azərbaycanlı üçün bu gün qürur, sevinc və minnətdarlıq günüdür.

Paylaş:

Baxılıb: 311 dəfə