Üçrəngli bayrağımız daha qürurla, əzəmətlə dalğalanır

Bakı:

12 °C

76 %

5 m/s

Əlaqə

AZ RU EN

Ana səhifə / YAP xəbərləri / Üçrəngli bayrağımız daha qürurla, əzəmətlə dalğalanır

Üçrəngli bayrağımız daha qürurla, əzəmətlə dalğalanır

05.11.2025 [15:09]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Beş il əvvəl Müzəffər Ali Baş Komandan, Prezident İlham Əliyevin düşünülmüş, uzaqgörən, prinsipial siyasət nəticəsində daxili və xarici diplomatiyada qazandığımız böyük uğurlar bizi addım-addım böyük Zəfərə yaxınlaşdırırdı. Xalqımızın möhtəşəm birliyi, qüruru qarşısında erməni mifi birdəfəlik darmadağın edildi. Azərbaycan dövləti, xalqı və ordusu 44 gün ərzində öz qüdrətini göstərdi, tarixi zəfərə imza atdı. Qəhrəman hərbçilərimizin şücaəti, rəşadəti hesabına, şəhidlərimizin qanı-canı bahasına bütün dünya Azərbaycanın şanlı qələbəsinin şahidi oldu.

Müzəffər Ali Baş Komandanın, Qalib ölkəmizin Prezidenti cənab İlham Əliyevin qətiyyəti nəticəsində artıq Azərbaycanın hər qarış torpağında üçrəngli bayrağımız dalğalanır. Azərbaycan xalqı düşmənə sübut etdi ki, əcdadlarımızdan bizə miras qalan yurd yerlərinin bir qarış torpağına belə heç kəs göz tikə bilməz. 44 günlük Vətən müharibəsində Azərbaycan xalqı ölkə rəhbərinin ətrafında ali amal uğrunda birləşdi, Vətənə sonsuz sevgi və məhəbbət nümayiş etdirdi. Qazanılan bu böyük Qələbə, Xalq-Prezident-Ordu birliyi Azərbaycan xalqını dünyaya qürurlu xalq kimi tanıtdı. Bütün dünya Azərbaycanın qüdrətinə, haqq-ədalət uğrunda savaşına, xalqımızın misli görünməmiş qəhrəmanlıq salnaməsinə şahidlik etdi.

Ali Baş Komandan, ölkə Başçımız cənab İlham Əliyevin qətiyyəti, siyasi iradəsi, güclü ordumuzun, rəşadətli əsgər və zabitlərimizin hünəri sayəsində şəhidlərimizin, Xocalı qurbanlarının, Gəncə, Bərdə digər şəhər və rayonlarımızda soyqırımları zamanı həlak olan günahsız insanların qisası döyüş meydanında alındı. Döyüş meydanında əldə edilmiş uğurlar danışıqlar masasında Azərbaycanı diktə edən tərəfə çevirdi, “Dağlıq Qarabağ”ın statusunun müəyyən edilməsi məsələsinin üstündən birdəfəlik xətt çəkildi. Vətən müharibəsinin həlledici məqamlarına, böyük qələbəni təmin edən amillərə nəzər salanda qürur, yüksək fəxarət hissi yaşayırıq. Müzəffər Ali Baş Komandanın rəhbərliyi altında Azərbaycan xalqı bütün dünyaya sübut etdi ki, Qarabağ Azərbaycandır!

Şəhidlərimizin qanı-canı bahasına, qazilərimizin fədəkarlığı sayəsində qazanılan misilsiz qələbə regionda yeni reallıq yaratdı. Ulu Öndər Heydər Əliyev siyasi kursunun layiqli davamçısı ölkə Prezidentimiz, Ali Baş Komandanımız İlham Əliyevin “Dağlıq Qarabağ Azərbaycan torpağı, beynəlxalq səviyyədə tanınan ərazimiz olmaqla yanaşı, ədalət məsələsidir, Azərbaycanın milli qürur məsələsidir” sözləri tam təsdiqini tapdı.

2020-ci il 8 Noyabr – Zəfər Günündən sonar Azərbaycanın tarixində yeni inkişaf səhifəsi başladı. Azərbaycan xalqı sahib olduqları torpaqlara yenidən həyat qaytardılar. Dövlət başçımızın rəhbərliyi ilə düşməndən təmizlənmiş ərazilərimiz sürətlə yenidən quruldu, dirçəldildi. Eyni zamanda torpaqlarımızın azadlığı uğrunda vuruşan Qarabağ müharibəsi əlilləri, veteranları və şəhid ailələri xüsusi qayğı və diqqətlə əhatə olundular. Azərbaycanın müstəqilliyi, süverenliyi və ərazi bütövlüyü uğrunda canından keçən şəhidlərimizin ailələrinin, müharibə əlillərinin, veteranlarının sosial ehtiyaclarının dövlət tərəfindən ödənilməsi verilən sözün böyük dəyərə malik olmasının göstəriciləridir.

Tarixi Zəfər onu da sübut etdi ki, xalqın öz dövlətinə, rəhbərinə inamı hər bir qələbəni reallaşdırır. Bu gün dahi şəxsiyyət, Ulu Öndər Heydər Əliyevin, qəhrəman şəhidlərimizin ruhu şaddır.

İllərdən bəri gözlədiyimiz, həsrətində olduğumuz bu tarixi gündə xalqımız böyük Zəfər Gününü, bayramını fəxrlə qeyd edir, üçrəngli bayrağımız işğaldan azad edilmiş torpaqlarda daha qürurla, əzəmətlə dalğalanır.

Paylaş:

Baxılıb: 365 dəfə