Antiterror əməliyyatı ərazi bütövlüymüzün tam bərpası ilə yekunlaşdı

Bakı:

23 °C

49 %

5 m/s

Əlaqə

AZ RU EN

Ana səhifə / YAP xəbərləri / Antiterror əməliyyatı ərazi bütövlüymüzün tam bərpası ilə yekunlaşdı

Antiterror əməliyyatı ərazi bütövlüymüzün tam bərpası ilə yekunlaşdı

19.09.2025 [19:07]

Əli Paşayev,

YAP Tərtər rayon təşkilatının məsləhətçisi

2023-cü ilin 19-20 sentyabr tarixlərində Azərbaycan Ordusunun həyata keçirdiyi bir günlük antiterror tədbirləri nəticəsində düşmənin silah və texnikalarının böyük hissəsi sıradan çıxarıldı. Azərbaycan Ordusunun keçirdiyi anti-terror əməliyyatı tam olaraq qanunidir və qanunsuz silahlı birləşmələrə qarşı yönəlib. Ordumuzun keçirdiyi bu əməliyyat həm də erməniləri sülhə məcburetmə tədbiridir. Çünki Ermənistan üçtərəfli bəyanatın müddəalarını yerinə yetirməkdən imtina edir. Anti-terror əməliyyatı zamanı Ordumuz bir sıra əhəmiyyətli hakim yüksəklikləri nəzarətə götürmüşdür. Azərbaycan ərazisində qanunsuz olaraq Ermənistan ordusuna məxsus yüzdən çox tank və zirehli nəqliyyat vasitələri, zirehli texnika, iki yüzdən çox top və artilleriya qurğuları, hava hücumuna qarşı qurğular yerləşdirilmişdir. Cəmi 23 saat 43 dəqiqə ərzində erməni separatçıları ağ bayraq qaldırmağa məcbur oldular. Antiterror tədbirlər çərçivəsində Ermənistan silahlı qüvvələrinin birləşmələrinin ön xətt və dərinlikdə olan mövqeləri və uzunmüddətli atəş nöqtələri, eləcə də döyüş vasitələri və hərbi təyinatlı obyektləri yüksək dəqiqlikli silahların tətbiqi ilə sıradan çıxarıldı.

Ağır relyef, düşmən tərəfindən uzun illər böyük mühəndislik işləri nəticəsində istehkamların mövcudluğu şəraitində, düşmən mövqelərinin təpələrdə, əlverişli yerlərdə yerləşdirilməsinə baxmayaraq hərbçilərimiz qəhrəmanlıq, peşəkarlıq göstərdilər və qısa müddət ərzində bütün istiqamətlər üzrə əhəmiyyətli dərəcədə hərbi uğurlar əldə etdilər.

44 günlük Vətən müharibəsində olduğu kimi, antiterror əməliyyatının nəticəsində də ölkədə fəaliyyət göstərən siyasi partiyalar Prezident, Müzəffər Ali Baş Komandan, İlham Əliyevi dəstəklədiyini bəyan etmişlər. Ölkədə fəaliyyət göstərən 23 siyasi partiya tərəfindən birgə Bəyanat qəbul olunub. Azərbaycanın siyasi partiyaları Prezident, Müzəffər Ali Baş Komandan İlham Əliyevin ölkəmizin ərazi bütövlüyünün və əhalinin təhlükəsizliyinin təmin olunması, erməni silahlı birləşmələrinin təxribatlarının qarşısının alınması, işğaldan azad edilən torpaqlarımızda məskunlaşan minlərlə soydaşımızın təhlükəsizliyinin təmin olunması üçün həyata keçirdiyi siyasəti və verdiyi hərbi əmri dəstəklədiyini, onun ətrafında sıx birləşdiyini bəyan etmişlər.

Antiterror əməliyyatı bir günlük hərbi əməliyyat olsa da, nəticələri onilliklərə uzanan siyasi, sosial və geosiyasi dəyişikliklər yaratdı. Bu əməliyyat Azərbaycanın müasir dövlətçilik tarixində suverenliyin bərpası və ədalətin təmin olunması baxımından mühüm əhəmiyyətə malikdir.

Paylaş:

Baxılıb: 377 dəfə