Qarşılıqlı maraqlar, ortaq hədəflər

Bakı:

25 °C

72 %

13 m/s

Əlaqə

AZ RU EN

Ana səhifə / YAP xəbərləri / Qarşılıqlı maraqlar, ortaq hədəflər

Qarşılıqlı maraqlar, ortaq hədəflər

29.08.2025 [19:05]

22 avqust tarixində Türkmənistanın Turkmenbaşı (Avaza) şəhərində Azərbaycan Respublikasının Prezidenti İlham Əliyev, Türkmənistan Xalq Məsləhətinin sədri Qurbanqulu Berdimuhammedov və Özbəkistan Prezidenti Şavkat Mirziyoyovun iştirakı ilə yüksəksəviyyəli üçtərəfli görüş keçirilmişdir. Görüşdə qardaş ölkələr arasında siyasi, iqtisadi və mədəni əlaqələrin inkişafı, enerji, nəqliyyat və logistika sahələrində əməkdaşlığın daha da gücləndirilməsi müzakirə olunub. Bu zirvə toplantısı region dövlətlərinin qarşılıqlı hörmət və dostluq prinsipləri əsasında ortaq maraqlar naminə birgə addımlar atmaq əzmində olduqlarını bir daha nümayiş etdirdi.

Türkmənistanın Türkmənbaşı şəhərində keçirilən Türkmənistan, Azərbaycan və Özbəkistan arasında yüksəksəviyyəli üçtərəfli görüşün yekunlarına dair Azərbaycan Respublikasının Prezidenti İlham Əliyev tərəfindən mətbuata təqdim edilən bəyanat, bölgəmizdə strateji əməkdaşlığın yeni səhifəsini açan mühüm hadisədir. Mətbuat konfransında Dövlət Başçısı həm üç ölkə arasındakı qardaşlıq ruhuna söykənən münasibətləri, həm də regionda davamlı inkişaf, humanitar və siyasi əməkdaşlıq sahələrində atılan addımları diqqətə çatdırmışdır.

Prezident İlham Əliyev çıxışına “Hörmətli Qurbanqulu Məlikquliyeviç, hörmətli Şavkat Miromonoviç, əziz dostlar” ünvanıyla başlamış, iyul ayında Türkmənistan Milli Məsləhətinin sədrinin səfəri zamanı keçirilən geniş müzakirələrə, həmçinin Bakıda və Qarabağ bölgəsində birgə görüşlərə toxunmuşdur. Bu görüşlər çərçivəsində mövqelərin tam üst-üstə düşdüyünü, dialoqun nəticəli olduğunu bildirmişdir.

Azərbaycan Prezidentinin əsas mesajlarından biri kimi Türkmanistan və Azərbaycanın “iki qardaş ölkə” kimi bundan sonra da “çiyin-çiyinə irəli getməsinin”, bütün məsələləri “dostluq, qardaşlıq şəraitində” həll etməsinin vacibliyi qeyd olunmuşdur. O, həmçinin ikitərəfli və çoxtərəfli əməkdaşlıq imkanlarının genişləndiyini xüsusi vurğulamışdır.

Görüşün rəmzi addımlarından biri kimi Füzuli şəhəri ilə Türkmənistanın Arkadag şəhəri arasında “qardaş şəhər” münasibətlərinin yaradılmasına dair tarixə düşəcək protokolun imzalanması müzakirə olunmuş və bu, mədəni-humanitar sahədə əməkdaşlığın yeni istiqamətlərini formalaşdıran mühüm addım kimi qiymətləndirilmişdir.

Bu üçtərəfli görüş və onun nəticələri göstərir ki, Azərbaycan, Türkmənistan və Özbəkistan bölgədə iqtisadi, nəqliyyat-logistika, humanitar və təhsil istiqamətlərində qarşılıqlı dəstək əsasında yeni əməkdaşlıq platformaları formalaşdırırlar.

Fidan Hüseynova

YAP Quba rayon təşkilatının sədri

Paylaş:

Baxılıb: 513 dəfə