Enerji bazarında məsuliyyətli aktor

Bakı:

31 °C

45 %

11 m/s

Əlaqə

AZ RU EN

Ana səhifə / YAP xəbərləri / Enerji bazarında məsuliyyətli aktor

Enerji bazarında məsuliyyətli aktor

05.06.2025 [20:31]

“Bakı Enerji Həftəsi”ndə çıxışı zamanı Prezident İlham Əliyev diqqətə çatdırdı ki, Azərbaycanın yaşıl enerji gündəliyi olduqca iddialıdır. Neft və qazla zəngin olan ölkənin xarici investorlarla bərabər yaşıl enerjiyə sərmayə qoyması ölkəmizin məsuliyyətini nümayiş etdirir. Azərbaycan yaşıl enerji potensialı sayəsində elektrik enerjisinə artan tələbatını təmin edəcək. Nəticədə isə bir neçə milyard kubmetr qaza qənaət ediləcəkdir ki, bu həcm də ixrac oluna biləcək.

Ölkə başçısı çıxışında onu da vurğuladı ki, bəzi ölkələrdə bu gün qazıntı yanacağı növləri ilə yaşıl enerji arasında olan balans nəzərə alınmır. Nəticədə genişmiqyaslı enerji kəsilməsi, enerji sisteminin çökməsi baş verir. Həmçinin burada daha mürəkkəb ssenarilər də baş verə bilər. Lakin ölkəmiz düzgün siyasət yürüdərək həmin balansı qoruyur. Azərbaycan qazına bəzi ölkələrin ehtiyacı olduğu üçün ölkəmiz təbii qazın hasilatının həcmini artırır. Heç şübhəsiz ki, bu tələbat ödənilməlidir. Eyni zamanda, Azərbaycan tərəfdaşları ilə birlikdə yaşıl enerji layihələrinə də yatırım edir.

“Bakı Enerji Həftəsi”ndə çıxışı zamanı Prezident İlham Əliyev onu da bəyan etdi ki, 2030-cu ilə qədər istehsal olunan 8 milyard kubmetr qaz 5 mövcud yataqdan və əlavə yeni yataqlardan hasil ediləcəkdir. Belə ki, buraya sərmayə qoymuş investorlar hasilatın həcmini artıracaqlar. Həmçinin imzalanmış yeni sazişlər və nəzərdə tutulan müqavilələr həmin potensialı təmin edəcəkdir.

Prezident İlham Əliyev COP29-un həqiqətən də uğurlu olduğunu qeyd etdi. COP29-un “Bakı sıçrayışı” adlandırılması bir çox hədəflərə nail olunması ilə bağlıdır. Burada mühüm nailiyyət İtki və Zərər Fondunu və inkişafda olan ölkələr üçün nəzərdə tutulmuş yardımın 100 milyard dollardan 300 milyard dollara qədər artırılmasını qeyd etmək mütləqdir. Bununla yanaşı, 10 il davam edən müzakirələrdən sonra karbon bazarı da işlək vəziyyətə gətirildi. Ölkə başçısı bildirdi ki, COP29-la bağlı daha bir hədəf Qlobal Cənub və Qlobal Şimal arasında körpünün qurulması idi və ölkəmiz buna nail ola bildi. Hədəf ətraf mühiti ən çox çirkləndirən ölkələr, – inkişaf etmiş ölkələr, – və bundan əziyyət çəkən, hətta bəzilərinin mövcudluğuna təhlükə olan inkişafda olan ölkələr arasında etimadın artırılması idi. İnkişaf etməkdə olan kiçik ada dövlətlərinə yardım paketi də COP29-da elan edildi və Azərbaycanın köməyinə ehtiyacı olan ölkələrə dəstək veriləcək.

“Bakı Enerji Həftəsi” həm regional, həm də beynəlxalq səviyyədə etibarlı platforma kimi formalaşaraq, qlobal tədbirlər təqvimində mühüm və gözlənilən hadisələrdən birinə çevrilib. Keçirildiyi 30 il ərzində “Bakı Enerji Həftəsi” Azərbaycanda neft, qaz və enerji sənayesinin inkişafına töhfə verib, dünyanın 80 ölkəsindən 9 mindən çox şirkəti, 170 mindən artıq ziyarətçini cəlb edib. Enerji bazarında məsuliyyətli aktor, hər zaman real hədəfləri qarşısına qoyan və müxtəlif oyunçuları bir araya gətirə bilən ev sahibi olan Azərbaycanın mirası məhz bundan ibarətdir.

Əlişah Rəcəbov,

YAP Ağdaş rayon təşkilatının sədr

Paylaş:

Baxılıb: 496 dəfə