ATƏT kimi fəaliyyətsiz təşkilatlar ləğv olunmalıdır

Bakı:

19 °C

68 %

5 m/s

Əlaqə

AZ RU EN

Ana səhifə / YAP xəbərləri / ATƏT kimi fəaliyyətsiz təşkilatlar ləğv olunmalıdır

ATƏT kimi fəaliyyətsiz təşkilatlar ləğv olunmalıdır

24.12.2024 [12:43]

Rövşən Əhmədov,

YAP Ağcabədi rayon təşkilatının sədri

Ölkə Prezidentimiz cənab İlham Əliyev cari ilin dekabr ayının 17-də Ümumrusiya Dövlət Televiziya və Radio Yayımı Şirkəti və Rusiyanın “RİA Novosti” Agentliyi üçün “Rossiya Seqodnya” Beynəlxalq İnformasiya Agentliyinin Baş direktoru, “Rossiya-1” televiziya kanalında “Vesti nedeli” proqramının müəllifi və aparıcısı Dmitri Kiselyova müsahibə vermişdir.

Dövlət başçımız Cənab Prezident İlham Əliyev dövlətimiz ilə Ermənistan arasındaki sülh proseslərindən danışarkən söylədi ki, – “Erməni tərəfinin həyata keçirməli olduğu daha iki məqam var. Birincisi, öz Konstitusiyasını dəyişməkdir. Çünki konstitusiyada Azərbaycana ərazi iddialarının yer aldığı müstəqillik Bəyannaməsinə istinad var, burada keçmiş Dağlıq Qarabağ muxtar vilayəti Ermənistanın bir hissəsi elan olunur. Ona görə də Konstitusiyanın dəyişdirilməsi bizim istəyimiz deyil, sadəcə obyektiv şərtdir”

Cənab Prezident xatırladıb ki, nə ATƏT, nə də ATƏT-in Minsk qrupunun həmsədrlik mexanizmi münaqişənin nəticələrinin aradan qaldırılması, Azərbaycan ərazilərinin işğaldan azad edilməsi, məcburi köçkünlərin geri qayıtması üçün heç nə etməyib. Bu illər ərzində ATƏT-in Minsk qrupunun həmsədrləri tərəfindən aparılan danışıqlar prosesi də Azərbaycan ərazilərinin işğalının davam etdirilməsinə xidmət göstərib.

Prezident İlham Əliyev həmçinin vurğulayıb ki, Azərbaycan öz iradəsi və gücü hesabına beynəlxalq hüququn norma və prinsiplərinə, BMT Nizamnaməsinə uyğun olaraq ərazi bütövlüyünü və suverenliyini təmin edərək, işğala son qoyub. Artıq Ermənistan-Azərbaycan münaqişəsinin tarixdə qaldığını və mövcud olmadığını deyən dövlət başçısı qeyd etdi ki, buna görə ATƏT-in Minsk qrupu və onunla əlaqədar olan bütün təsisatların ləğv edilməsinin vaxtıdır. Azərbaycan tərəfi bu məsələni qaldırıb və Ermənistan tərəfinin də buna razı olmaması üçün hər hansı bir səbəb görünmür.

İşğalçı Ermənistan və havadarları bu kimi mənasız, faydasız qurumlara arxalanıb, Azərbaycan torpaqlarının erməniləşdirməyə başlamış, hətta, yeni ərazilərin ələ keçirilməsinə cəhdlər göstərmişdi. 44 günlük müharibə başa çatdıqdan sonra Prezident İlham Əliyev ATƏT-in Minsk qrupunun Fransadan olan həmsədri Stefan Viskontini, ABŞ-dən olan həmsədri Endrü Şoferi, Rusiyanın Azərbaycandakı fövqəladə və səlahiyyətli səfiri Mixail Boçarnikovu və ATƏT-in fəaliyyətdə olan sədrinin şəxsi nümayəndəsi Anji Kaspşiki qəbul edərək bu qurumun 30 ilə yaxın dövr ərzində fayda vermədiyini vurğulamışdı.

Tarixi və hüquqi faktları saxtalaşdırmaqları zatən başından bəri qanun pozuntusudur. Bu şərait içində hal hazırda məğlub dövlət kimi əsasnamə və dövlət idarəçilik sənədlərində keçmişə bənzər əsilsiz iddiaların yer aldığı müddəaları yığışdırmaq ən doğru addım olar. Dağlıq Qarabağ həm etnos cəhətdən həm də tarixi cəhətdən bütün sübutlarla Azərbaycan Respublikasının ayrılmaz hissəsi olmuş və axır əvvəl də aid olduğu yerə əks olunmuşdur. Bu minvalla şərtlər gərəyi ilə Ermənistan dövləti aid olduğu və hökmü keçdiyi daxili işlərində keçmişə köklədiyi qaydlarda köklü dəyişikləri etməlidir. Bu tək Azərbaycanın yox bütün sülhməramlı qüvvələrin obyektiv şərtidir!

Paylaş:

Baxılıb: 447 dəfə