Azərbaycanın qəti mövqeyi sülh, barış və dayanaqlı inkişafdır

Bakı:

22°C

46%

6m/s

Əlaqə

AZ RU EN

Ana səhifə / YAP xəbərləri / Azərbaycanın qəti mövqeyi sülh, barış və dayanaqlı inkişafdır

Azərbaycanın qəti mövqeyi sülh, barış və dayanaqlı inkişafdır

10.09.2024 [16:12]

Azərbaycanın hər zaman İtaliya arasında siyasi, iqtisadi, mədəni və elm sahələrində gözəl münasibətlər mövcud olub. Hər iki ölkə arasında möhkəm təməllər üzərində qurulan əməkdaşlıq, siyasi və iqtisadi cəhətdən maraqlar daim üst-üstə düşüb, bir-birini tamamlayıb.

Azərbaycan Respublikasının Prezidenti İlham Əliyevin bu günlərdə İtaliyaya səfəri çərçivəsində "Dünya, Avropa və İtaliya haqqında bilgilər" mövzusuna həsr olunmuş Beynəlxalq Çernobbio Forumunda "Yeni geosiyasi şəraitdə Azərbaycanın rolu" adlı sessiyada çıxışı zamanı bildirib ki, bizim ticarət əməkdaşlığımız olduqca fəaldır. İtaliya Azərbaycanın dünyada bir nömrəli ticarət tərəfdaşıdır. Ötən il bizim ticarət dövriyyəmiz 16 milyard ABŞ dollarına yaxın olub. Biz artım üçün potensialı yalnız enerji sektorunda deyil, digər sahələrdə də görürük. Azərbaycan İtaliyanın bir nömrəli neft və ikinci ən böyük qaz təchizatçısıdır. Bu da bizim əməkdaşlığımızın vacib hissəsidir.

Ölkələrimiz arasında ikitərəfli münasibətlərin inkişafı yolunda növbəti addım kimi tarixə düşən ölkə Prezidentimizin İtaliyaya dövlət səfəri ikitərəfli münasibətlərə xüsusi təkan verdi. Ölkələrimizin tarixində silinməz izlər qoyan bu səfər Azərbaycan-İtaliya əlaqələrində yeni mərhələlərin başlanğıcını qoydu.

Onu da xüsusi ilə vurğulamaq yerinə düşər ki, ölkəmizin Prezidenti İlham Əliyev "Yeni geosiyasi şəraitdə Azərbaycanın rolu" adlı sessiyada çıxışı zamanı bir daha Azərbaycanla Ermənistan arasında aparılan sülh danışıqlarına aydınlıq gətirib. Dövlət Başçımızın mötəbər forumda sülh danışıqları ilə bağlı səsləndirdiyi fikirlər mühüm çağırışlarla zəngin oldu:” Biz ümid edirik ki, sülh danışıqlarının başlanmasına dair Azərbaycanın təşəbbüsü sülh sazişinin imzalanması ilə nəticələnəcək. Bu isə təkcə Cənubi Qafqaz deyil, dünyanın bütün regionları üçün əhəmiyyətli olacaqdır. Bu, 30 il ərzində münaqişədə olmuş iki ölkənin birgə çalışaraq sülhə nail olmasının nümunəsi ola bilər. Baxmayaraq ki, burada işğaldan əziyyət çəkmiş və ərazisinin təqribən 20 faizinin tamamilə dağıdıldığı ölkə məhz Azərbaycandır”.

Sayca 50-ci olan beynəlxalq tədbirdə cənab İlham Əliyevin ali tribunadan Azərbaycanın tarixi Zəfəri, ərazi bütövlüyünü və suverenliyini tam bərpa etməsi ilə bağlı fikirləri bir daha dünyaya bəyan etdi ki, Azərbaycan və Ermənistan arasında sülh danışıqları çərçivəsində baş verən hadisələr, sülh müqaviləsinin bəndlərinin təqribən 80 faizinin razılaşdırılması, sərhədin delimitasiyası prosesinin başlanması və hətta kiçik addım hesab oluna bilən 13 kilometrlik hissəsinin demarkasiyasının, - halbuki sərhədin uzunluğu 1000 kilometrdən artıqdır, - özü belə düzgün istiqamətdə atılan addımdır.

Daha bir maraqlı məqam ondan ibarətdir ki, İtaliya Azərbaycanın Avropa İttifaqı və ATƏT çərçivəsində sıx əməkdaşlıq etdiyi ölkə kimi Ermənistan – Azərbaycan münaqişəsinin həlli istiqamətində aparılan müzakirələrdə həmişə Azərbaycanın haqlı mövqeyini dəstəkləyib, ölkəmizin səmimi, qətiyyətli və sadiq tərəfdaşı olduğunu təsdi q edib. "Biz ümid edirik ki, sülh danışıqlarının başlanmasına dair Azərbaycanın təşəbbüsü sülh sazişinin imzalanması ilə nəticələnəcək. Bu isə təkcə Cənubi Qafqaz deyil, dünyanın bütün regionları üçün əhəmiyyətli olacaq". Qalib ölkəmizin Qalib Prezidentinin bu fikirləri onu təsdiq edir ki, 30 il ərzində torpaqları işğal altında, düşmən tapdağı altında qalan Azərbaycanın qəti mövqeyi sülh, barış və dayanaqlı inkişafdır.

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Paylaş:

Baxılıb: 133 dəfə