Azərbaycan multikulturalizmi BBC-nin “dəyirmi masası”nda

Bakı:

11 °C

93 %

2 m/s

Əlaqə

AZ RU EN

Ana səhifə / Xarici siyasət / Azərbaycan multikulturalizmi BBC-nin “dəyirmi masası”nda

Azərbaycan multikulturalizmi BBC-nin “dəyirmi masası”nda

01.05.2015 [09:23]

“Azərbaycan multikulturalizmi nədir? Azərbaycan təcrübəsi nə göstərir? Qərbin multikulturalizmə skeptik yanaşdığı bir zamanda Azərbaycanın multikultural təhlükəsizlik konsepsiyasına üstünlük verməsi nə ilə şərtlənir?”
Bakı Beynəlxalq Multikulturalizm Mərkəzinin (BBMM) Londonda, BBC-də keçirdiyi “dəyirmi masa”da səslənən suallar müxtəlif olsa da, onların hamısını bir cəhət birləşdirirdi - Azərbaycan multikulturalizmini anlamaq, dünya multikulturalizm təcrübəsində onun yerini müəyyən etmək.
BBMM-dən AZƏRTAC-a verilən məlumata görə, “BBC World Action” Xidmətinin Yaxın Şərq və Avropa üzrə regional direktoru Simon Derri “dəyirmi masa”nın, aparılan fikir mübadiləsinin faydalı olacağına ümid etdiyini bildirib.
BBMM-in icraçı direktoru professor Azad Məmmədovun ətraflı təqdimatı məsələyə aydınlıq gətirməklə yanaşı, dünyanın ən multikultural şirkətlərindən biri sayılan BBC-nin əməkdaşlarında yeni suallar doğurub. “Azərbaycandakı millətlər və dinlər arasındakı harmoniya tarixən hansı köklərdən qidalanır və bu gün onun inkişafı üçün əlverişli mühit yaradılıbmı?”
Bu sualın ikinci hissəsinə cavab qonaqlardan deyil, “dəyirmi masa”nın təşkilatçısı “BBC World Action” Xidmətinin layihələr üzrə meneceri xanım Elli Havortzdan gəlib. Altı ildən çoxdur ki, Azərbaycanda Avropa Şurasının jurnalistika tədrisi ilə bağlı ən böyük layihələrindən birini həyata keçirən xanım Havortz həmkarları ilə özünün Azərbaycan təcrübəsini bölüşüb. O, 2012-2013-cü illərdə Bakı Beynəlxalq Humanitar Forumunun iştirakçısı kimi Qubaya və Naxçıvana səfərlərini, şahidi olduğu mültikultural mühiti məmnunluqla xatırlayıb.
Azərbaycan mediasında multikulturalizmin işıqlandırılması ilə bağlı sualı cavablandıran BBMM-in müşaviri Aynur Bəşirli bu mövzunun çox həssas olduğunu, jurnalistlərdən məsələyə bələdçilik və yüksək peşəkarlıq tələb etdiyini vurğulayıb. O bildirib ki, Mərkəz jurnalistlər üçün multikultural mövzularda necə yazmağı öyrədən təlimlər təşkil etməyi planlaşdırır. Bildirilib ki, Bakı Slavyan Universitetinin jurnalistika fakültəsində seçmə fənn kimi “Multikultural jurnalistika” fənninin tədrisi nəzərdə tutulur.
E.Havortz Avropa Şurasının layihəsi çərçivəsində də bu ideyanın dəstəkləndiyini, onun tezliklə gerçəkləşəcəyinə əmin olduğunu bildirib. A.Bəşirli bu yaxınlarda Bakı Slavyan Universitetində Azərbaycan multikulturalizmi kafedrasının yaradılmasını diqqətə çatdıraraq, bu kafedranın Azərbaycan və dünya multikulturalizminin akademik müstəvidə öyrənilməsi və multikulturalizmin bir fənn kimi tədrisinin təşkilində olduqca önəmli qurum olduğunu qeyd edib.
Azad Məmmədov “Azərbaycan multikulturalizmi” fənninin təkcə ölkədə deyil, həmçinin yeddi xarici universitetdə tədris olunduğunu, sentyabrdan etibarən isə bu universitetlərin sayının artacağını qeyd edib. İcraçı direktor Mərkəzin mütəmadi olaraq “virtual masa”lar keçirdiyini söyləyib. Onun BBC-nin “dəyirmi masa”sının iştirakçılarını növbəti virtual “dəyirmi masalar”dan birinə iştiraka dəvət təklifi maraqla qarşılanıb. Birinci “virtual masa”nın Azərbaycan, rus, ingilis dillərində çap edilmiş broşürü iştirakçılara paylanılıb və BBC-nin kitabxanasına verilib.

Paylaş:

Baxılıb: 1649 dəfə