Lisey və gimnaziyalara qəbul...

Bakı:

23 °C

60 %

5 m/s

Əlaqə

AZ RU EN

Ana səhifə / Sosial / Lisey və gimnaziyalara qəbul...

Lisey və gimnaziyalara qəbul...

17.05.2023 [10:26]

Yeni qaydalar təqdir olunur

Yeganə BAYRAMOVA

Mərkəzləşdirilmiş imtahanla qəbul həyata keçirilən lisey və gimnaziyalara qəbul qaydaları açıqlanıb. Bu barədə Elm və Təhsil Nazirliyindən bildirilib. Nazirliyin məlumatına görə, ərizə qəbulu may ayının 12-dən iyun ayının 6-na kimi davam edəcək. Qəbul imtahanı tədris dili və riyaziyyat fənləri üzrə keçiriləcək. Tədris dili isə Azərbaycan və ya rus dilidir.

Nazirlikdən, həmçinin qeyd olunub ki, qəbul imtahanı hazırda 4-cü, 5-ci, 6-cı və 7-ci sinifdə təhsil alan şagirdlər arasında keçiriləcək.

Siniflər üzrə sual sayı

5-ci sinfə qəbul: tədris dili 15 sual, riyaziyyat 30 sual. Cəmi - 45 sual;

6-cı sinfə qəbul: tədris dili 20 sual, riyaziyyat 40 sual. Cəmi - 60 sual;

7-ci sinfə qəbul: tədris dili 20 sual, riyaziyyat 40 sual. Cəmi - 60 sual;

Fənlər üzrə 5 sual 1,5 bal, qalan suallar isə 1 bal olaraq dəyərləndiriləcək.

Qeyd edək ki, eyni yerə müraciət edən şagirdlərin xalis faizi bərabər olduğu halda, ilk olaraq riyaziyyat fənni üzrə nisbi bal, daha sonra tədris dili üzrə nisbi bal əsas hesab ediləcək.

Bu şagirdlər dil seçimində sərbəstdir

Mövcud qaydalarla bağlı “Yeni Azərbaycan”a açıqlama verən təhsil üzrə ekspert Elçin Əfəndi bildirib ki, rus bölməsində təhsil alan şagird təhsilini istəyinə uyğun olaraq Azərbaycan və ya rus bölməsində davam etdirə bilər. Azərbaycan bölməsi üzrə təhsil alan şagirdin isə tədris dilini dəyişmək imkanı yoxdur.

Ekspertin sözlərinə görə, imtahanın birinci mərhələsində 3 yer seçimi imkanı verilir, ancaq hər 3 seçimi qeyd etmək zərurəti yoxdur: “Birinci mərhələdə seçim edib qəbul olan şagird həmin təhsil müəssisəsində oxuyacağını təsdiqləmir, sənəd qəbulu zamanı gecikir, sənədlərini həmin liseyə, gimnaziyaya vaxtında təqdim etmir, yaxud oxumaqdan imtina edirsə, onun ikinci mərhələdə iştirakına icazə verilir. Lakin ikinci mərhələdə qəbul olub hər hansı səbəbdən sənədlərini qəbul olunduğu lisey yaxud gimnaziyaya təqdim etməyən şagirdlərin üçüncü mərhələdə iştirakına icazə verilmir. Lisey, gimnaziya seçimi edib qəbul olmayan şagirdlərin sonrakı mərhələlərdə iştirakında heç bir məhdudiyyət yoxdur. Birinci mərhələdə seçim etməyən şagirdlərin növbəti mərhələdə yalnız vakant yer olan lisey və gimnaziyalar arasında seçim etmək imkanı olacaq”.

Hər şagirdə 2 seçim imkanı

E.Əfəndi qeyd edib ki, birinci mərhələdə seçim edib qəbul olan, lakin hər hansı səbəbdən sonradan fikrini dəyişən şagirdlər ikinci mərhələnin seçimlərində iştirak edə biləcəklər. İkinci mərhələdə qəbul olunmayacaqları halda, üçüncü mərhələdə də iştirak edə bilərlər: “İkinci mərhələdə lisey, gimnaziya seçimi edib qəbul olan şagirdlərin üçüncü mərhələdə iştirak etmələrinə isə icazə verilmir. İkinci və üçüncü mərhələdə hər şagirdə 2 seçim imkanı verilir. Ümumilikdə, qeyd edə bilərik ki, lisey və gimnaziyalara yeni qəbul qaydaları şagirdlərə çoxsaylı seçim imkanları təqdim edir. Bu baxımdan sözügedən yenilikləri təqdirəlayiq hesab etmək olar”.

Paylaş:

Baxılıb: 1122 dəfə