Təbii fəlakət nəticəsində ziyan görmüş bütün vətəndaşlar mənzillə təmin olunur

Bakı:

7 °C

87 %

6 m/s

Əlaqə

AZ RU EN

Ana səhifə / Sosial / Təbii fəlakət nəticəsində ziyan görmüş bütün vətəndaşlar mənzillə təmin olunur

Təbii fəlakət nəticəsində ziyan görmüş bütün vətəndaşlar mənzillə təmin olunur

02.03.2011 [14:16]

Prezident İlham Əliyev: İnsanların sağlamlığı, təhlükəsizliyinin qorunması bizim üçün həmişə olduğu kimi, başlıca vəzifədir
Cənubi Qafqaz regionunun lideri olan Azərbaycan dövləti özünün yüksək səviyyəli iqtisadi inkişafını təmin edib. Prezident İlham Əliyevin yürütdüyü iqtisadi siyasət ölkəmizin iqtisadi cəhətdən daha da inkişaf etməsinə zəmin yaradıb. Bu isə Azərbaycanda bütün sahələrin kompleks şəkildə inkişafına səbəb olub.
Bu gün ölkəmiz qarşılaşdığı bütün problemlərin həllində yalnız öz gücünə arxalanır. Bir il öncə ölkəmizdə baş verən təbii fəlakət zamanı da biz bunun şahidi olduq.
Xatırladaq ki, ötən il Kür çayında suyun daşması nəticəsində yaranan sel və daşqınlardan Sabirabad, Saatlı, İmişli, Kürdəmir, Hacıqabul, Salyan, Neftçala, Zərdab rayonlarına və Şirvan şəhərinə böyük ziyan dəymişdi. Bu təbii fəlakət nəticəsində 20 minə yaxın ev su altında qaldı, 300-dən çox ev uçdu, 2 min ev qəzalı vəziyyətə düşdü və 50 min hektar əkin və örüş sahələri su altında qaldı. Azərbaycan hökumətinin məsələyə vaxtında və operativ şəkildə müdaxiləsi isə fəlakətin faciəyə çevrilməsinin qarşısını aldı. Prezident İlham Əliyev bir müddət öncə FHN-nin Mülki Müdafiə Qoşunlarına döyüş bayrağının verilməsi mərasimindəki çıxışında da bu məsələyə toxunub: “Fövqəladə Hallar Nazirliyinin əməkdaşları bütün başqa dövlət qurumları ilə birlikdə çox operativ fəaliyyət göstərərək insanların təhlükəsiz yerlərə köçürülməsi ilə məşğul olmuşlar. Bu fəaliyyət nəticəsində bu böyük təbii fəlakət Azərbaycanda itkisiz keçmişdir. Bu, böyük uğurdur, böyük nailiyyətdir. İnsanların sağlamlığı, təhlükəsizliyinin qorunması bizim üçün həmişə olduğu kimi, başlıca vəzifədir”.
Bəli, məhz görülən operativ tədbirlər bu təbii fəlakətdə itkilərin olmasına imkan vermədi. Ən əsası isə Prezident İlham Əliyevin tapşırığı ilə problemin həllinə cavabdehlik daşıyan aidiyyəti strukturların səfərbər olması sel və daşqınların qarşısının alınmasında mühüm rol oynadı. Digər tərəfdən, təbii ki, Prezident İlham Əliyevin təşəbbüsü, tapşırığı və göstərişləri əsasında aidiyyəti qurumların ən müasir texnikalarla təchiz olunması problemin həllində çevikliyin nümayiş edirilməsində mühüm əhəmiyyət daşıdı. Prezident İlham Əliyevin də qeyd etdiyi kimi, son beş ildə FHN-də yaradılan maddi-texniki baza, müasir texniki vasitələr, avadanlıq problemlərin həllində yaxından kömək göstərir: “Nazirliyin bütün strukturlarında formalaşma prosesi demək olar ki, başa çatmışdır və nazirliyin fəaliyyəti hazırda ən yüksək standartlara cavab verir. Bu müddət ərzində nazirliyin əməkdaşları nəinki ölkə daxilində, xaricdə peşəkarlıqlarını nümayiş etdirmişlər. Başqa ölkələrdə baş vermiş təbii fəlakətlərin nəticələrinin aradan qaldırılması işində nazirliyin əməkdaşları Azərbaycanı ləyaqətlə təmsil etmişlər, bizim üçün dost olan ölkələrdə təbii fəlakətlərlə mübarizədə böyük uğurlar əldə etmişlər. Nazirliyin əməkdaşlarının fəaliyyəti digər ölkələrdə də qiymətləndirilir. Bu müddət ərzində alınmış texniki vasitələr nəticəsində ölkə daxilindəki istənilən hadisənin qarşısının alınması və təbii fəlakətlərin nəticələrinin aradan qaldırılması üçün nazirliyin əməkdaşları öz peşəkarlıqlarını nümayiş etdirmişlər”.
Problem qısa vaxtda aradan qaldırıldı. Hələ daşqınlar baş verən zaman ölkə başçısının rəhbərliyi ilə keçirilən müşavirədə Prezident İlham Əliyev evlərinə ziyan dəymiş vətəndaşlara yardım ediləcəyini və evlərinin tikiləcəyini də bildirmişdi. Daşqınların baş verməsindən bir neçə ay sonra artıq rayonlarda bu problemlər öz həllini tapmağa başladı. Sel və daşqınlarda evləri uçmuş bir sıra vətəndaşlarımız üçün yaraşıqlı, geniş, rahat evlər tikilib istifadəyə verilib. Məsələn, sel və daşqınlar nəticəsində Hacıqabul rayonunun Meyniman kəndində 280 ev və 286 təsərrüfat, o cümlədən, 1350 nəfər əhalisi olan 1-ci Meyniman kəndindəki 150 həyət su altında qalmışdı. Daşqın zamanı Meyniman kəndində 35 ev tamamilə uçmuş, 64 ev qəzalı vəziyyətə düşmüşdü. Uçmuş evlərin yerində yeni evlər tikildi. Bu evlərdə zəruri infrastrukturun yaradılması, həyətyanı sahələrin normal vəziyyətə salınmasına xüsusi diqqət yetirildi. Müasir üslubda tikilən evlər ikiotaqlı, üçotaqlı və dördotaqlıdır. Dağılmış evlərin ümumi sahəsi 1539 kvadratmetr olduğu halda, yeni evlər üzrə bu rəqəm 2150 kvadratmetrə bərabərdir. Hazırda kənddə yeni evlərin inşası başa çatmaq üzrədir.
Prezident İlham Əliyev öz çıxışında sel və daşqınlara məruz qalmış bölgələrdə tikinti-quruculuq işlərinin davam etdirildiyini vurğulayıb. Dövlət başçısı qeyd edib ki, bir neçə ay ərzində minlərlə yeni ev tikilib və soydaşlarımız, fəlakətdən əziyyət çəkmiş insanlar o evlərə köçürülür: “Azərbaycanda bütün strukturlar, bütün dövlət qurumları müasir tələblərə cavab verməlidir. ölkəmiz inkişaf edir, müasirləşir. Azərbaycan bu gün dünya miqyasında özünə layiq yerini tuta bilmişdir. ölkə daxilindəki proseslər müsbət istiqamətdə gedir. ölkəmiz son illər ərzində böyük və şərəfli yol keçmişdir. Müstəqilliyimizin möhkəmləndirilməsi işində çox önəmli addımlar atılmışdır, böyük nailiyyətlərimiz vardır”.
Pərviz SADAYOÄžLU

Paylaş:

Baxılıb: 1444 dəfə