Dünya ölkələrində COVID-19-a yüksək yoluxma dinamikası müşahidə olunur

Bakı:

26 °C

61 %

6 m/s

Əlaqə

AZ RU EN

Ana səhifə / Sosial / Dünya ölkələrində COVID-19-a yüksək yoluxma dinamikası müşahidə olunur

Dünya ölkələrində COVID-19-a yüksək yoluxma dinamikası müşahidə olunur

10.12.2020 [09:00]

Azərbaycanda xüsusi karantin rejiminin müddətinin uzadılması ölkə ərazisində COVID-19-un geniş yayılmasının və onun törədə biləcəyi fəsadların qarşısının alınması məqsədinə xidmət edir
Artıq bir müddətdir ki, dünya ölkələrində yeni növ koronavirus (COVID-19) infeksiyasına yüksək yoluxma dinamikası müşahidə olunur. Məlumat üçün bildirək ki, hazırda dünyada koronavirusa yoluxanların sayı artıq 68 milyon nəfərdən çoxdur. 1,5 milyon nəfər insan isə bu virusun qurbanı olub. Bu səbəbdən bir çox ölkələrdə yenidən sərt karantin qaydaları tətbiq edilir, müvafiq məhdudlaşdırıcı tədbirlər həyata keçirilir. Bütün dünyada olduğu kimi, Azərbaycanda da COVID-19 xəstəliyinə yoluxma halları davam etməkdədir.
Nazirlər Kabineti yanında Operativ Qərargahın məlumatına əsasən, Azərbaycanda virusun yayılmasının və onun törədə biləcəyi fəsadların qarşısının alınması məqsədilə ölkə ərazisində xüsusi karantin rejiminin müddəti 2021-ci il 31 yanvar 06:00-dək uzadılıb. Bununla belə, son günlərdə COVID-19 virusuna yüksək yoluxma dinamikası qeydə alındığından bir sıra qadağaların tətbiq edilməsinə qərar verilib. Ekspertlər ölkəmizdə həyata keçirilən bütün tədbirlərin vətəndaşların sağlamlığının qorunmasına xidmət etdiyini bildirirlər. Eyni zamanda, sosial məsafənin qorunması və tibbi maskalardan istifadənin zəruriliyi, sanitar-gigiyenik qaydalara düzgün riayət olunması, kütləvi toplaşmamağın vacibliyi ilə bağlı mütəmadi olaraq çağırışlar edilir.
Mövcud vəziyyəti şərh edən həkim- terapevt Esmira Mustafayeva qəzetimizə açıqlamasında bildirib ki, hazırda koronavirusa yoluxmuş xəstələrin bir qismi xəstəxanalara daha ağır formada gəlirlər. Bunun bir çox səbəbləri var. Mövsümlə əlaqədar kəskin respirator virus infeksiyaları artdığından və onların COVID-19-la oxşar əlamətləri olduğundan bu, vətəndaşları çaşdırır: “Onlar əlamətləri hiss etdikdə koronavirus olmadığını düşünür və həmin virusa yoluxmadıqlarını əminliklə dilə gətirirlər. Nəticədə xəstəxanaya müraciəti gecikdirirlər. Həmin şəxslər yüngül qrip olduqlarını deyirlər. Baxmayaraq ki, qrip də yetəri qədər ciddi xəstəlikdir, insanlar onu yüngül zökəmlə qarışıq salırlar. Bir xəstəliyin ağırlaşması üçün müəyyən müddət lazımdır. Yoluxduqdan sonra 14 gün xəstəliyin inkubasion, yəni səssiz dövrüdür. 5-7 gün ərzində ilkin əlamətlər ortaya çıxır. İlkin əlamətlər yüngül simptomlardır - baş, əzələ ağrıları və yorğunluq. Daha sonra öskürək, temperatur yaranır. Artıq bu əlamətlər vətəndaşları şübhələndirməli və sahə həkiminə müraciət etməlidirlər. Müraciəti gecikdirdikdə və orqanizmin immun vəziyyəti onunla bacara bilmədikdə vəziyyət ağırlaşır”.
Tibbi maskanın taxılmasının vacibliyini də qeyd edən mütəxəssis vurğulayıb ki, tibbi maskanın istifadəsi təkcə koronavirusdan deyil, bütün respirator və tənəffüs yolu ilə yoluxa bilən xəstəliklərdən qoruyur: “Kəskin respirator virus infeksiyaları soyuq havalarda artıma meyillidir. Ona görə biz daha da diqqətli olmalıyıq. Hər kəs özünü qorumalı, tibbi maskadan istifadə etməli, əl gigiyenasına riayət etməlidir. Qapalı məkanlarda bir yerə toplaşmamalı, sosial məsafəni saxlamalıyıq”.
MÜŞFİQƏ

Paylaş:

Baxılıb: 758 dəfə