Gənc ədliyyə işçiləri və könüllüləri ilə Milli Qurtuluş Gününə həsr olunmuş onlayn mühazirə keçirilib

Bakı:

22 °C

83 %

9 m/s

AZ RU EN

Ana səhifə / Sosial / Gənc ədliyyə işçiləri və könüllüləri ilə Milli Qurtuluş Gününə həsr olunmuş onlayn mühazirə keçirilib

Gənc ədliyyə işçiləri və könüllüləri ilə Milli Qurtuluş Gününə həsr olunmuş onlayn mühazirə keçirilib

12.06.2020 [09:26]

1993-cü il iyunun 15-də Ümummilli Lider Heydər Əliyevin ölkə rəhbərliyinə qayıdışı müasir Azərbaycan tarixinə Milli Qurtuluş Günü kimi daxil olub. Bu gün xalqımızın ən əlamətdar bayramlarından olmaqla hər il ölkəmizdə geniş qeyd edilir, bu münasibətlə ədliyyə orqanlarında xüsusi karantin rejiminə əməl olunmaqla silsilə tədbirlər keçirilir.
Ədliyyə Nazirliyinin mətbuat xidmətindən AZƏRTAC-a bildiriblər ki, nazirlik tərəfindən gənc ədliyyə işçilərinin, eləcə də bu il “Könüllülər ili” çərçivəsində ədliyyə fəaliyyətinə geniş cəlb olunmuş könüllülərin hərtərəfli, dövlətçiliyə sədaqət, milli və vətənpərvərlik ruhunda inkişafına, maariflənməsinə hər zaman böyük önəm verilir. Ulu Öndərin zəngin siyasi irsinin və dövlətçilik amallarının gənc nəslə aşılanması məqsədilə iyunun 11-də Ədliyyə Nazirliyində bir qrup gənc ədliyyə işçilərinin və könüllülərinin iştirakı ilə videkonfrans formatında onlayn mühazirə keçirilib.
Tədbirə dəvət olunmuş Milli Məclisin deputatı, “Yeni Azərbaycan” qəzetinin baş redaktoru, professor Hikmət Məmmədov müasir müstəqil Azərbaycan dövlətinin qurtuluş tarixi, Heydər Əliyevin xilaskarlıq missiyası və zəngin dövlətçilik fəaliyyəti barədə məruzə ilə çıxış edib. O, Azərbaycan xalqının Milli Qurtuluş Gününə gedən yoldan bəhs edərək müstəqilliyimizin ilk illərində xalqımızın səriştəsiz idarəçiliklə, ölkədaxili xaos və vətəndaş qarşıdurması, erməni təcavüzü ilə üzləşdiyini diqqətə çatdırıb, məhz belə bir ağır dövrdə hakimiyyətə qayıdan Ümummilli Liderin xilaskarlıq missiyası nəticəsində müstəqilliyimizin qorunub möhkəmləndiyini, dövlətlə xalqın birliyinin təmin edildiyini, azərbaycançılıq ideologiyasının bərqərar edildiyini, demokratik hüquqi dövlətin qurulduğunu vurğulayıb.
Çıxış edən gənclər Ulu Öndər Heydər Əliyevin dövlətçilik prinsiplərinə daim sadiq qalacaqlarını, dahi öndərin işıqlı xatirəsinin xalqımızın yaddaşında əbədi yaşayacağını bildiriblər.
Tədbirin davamı olaraq Ədliyyə nazirinin müavini Toğrul Musayevin iştirakı ilə qonaq nazirlikdə Heydər Əliyevə və ədliyyə tarixinə həsr olunmuş muzeylə tanış olub. Dahi şəxsiyyətin xalqımız və dövlətimiz qarşısında misilsiz xidmətlərindən bəhs edilərək, onun siyasi irsinin indiki və gələcək nəsillərə örnək olduğu vurğulanıb. Azərbaycan Prezidenti İlham Əliyevin rəhbərliyi ilə respublikamızın davamlı inkişafının təmin olunması, bu istiqamətdə Azərbaycanın Birinci vitse-prezidenti Mehriban xanım Əliyevanın gördüyü mühüm işlər, rəhbərlik etdiyi Heydər Əliyev Fondunun Ulu Öndərin ideyalarının və siyasi irsinin öyrənilməsindəki mühüm fəaliyyəti xüsusilə vurğulanıb.

Paylaş:

Baxılıb: 419 dəfə