BSU-da “Müasir cəmiyyət: beynəlxalq münasibətlər, gələcək naminə dialoq” mövzusunda müzakirələr aparılıb

Bakı:

26 °C

53 %

1 m/s

AZ RU EN

Ana səhifə / Sosial / BSU-da “Müasir cəmiyyət: beynəlxalq münasibətlər, gələcək naminə dialoq” mövzusunda müzakirələr aparılıb

BSU-da “Müasir cəmiyyət: beynəlxalq münasibətlər, gələcək naminə dialoq” mövzusunda müzakirələr aparılıb

11.12.2018 [09:44]

Dekabrın 10-da Bakı Slavyan Universitetinin (BSU) təşkilatçılığı ilə bu ali məktəbdə “Müasir cəmiyyət: beynəlxalq münasibətlər, gələcək naminə dialoq” mövzusunda “dəyirmi masa” keçirilib.
Tədbirdə Yunanıstan, Avstriya, Bolqarıstan, Belarus və Ukraynanın ölkəmizdəki səfirləri, Rusiya və Polşanın Azərbaycandakı səfirliyinin müşavirləri, bir çox rəsmi dövlət strukturlarının rəhbərləri, universitetin tələbə və müəllimləri iştirak ediblər.
Əvvəlcə Ümummilli lider Heydər Əliyevin xatirəsi bir dəqiqəlik sükutla yad edilib.
Yunanıstanın ölkəmizdəki səfiri Nikolaos Kanellosun moderatorluq etdiyi tədbirdə BSU-nun rektoru, professor Nurlana Əliyeva Ümummilli lider Heydər Əliyevin təhsilə daim xüsusi önəm verdiyini, dahi rəhbərin ideyalarının Azərbaycan Prezidenti İlham Əliyev tərəfindən qətiyyətlə həyata keçirildiyini bildirib. N.Əliyeva BSU-nun slavyan ölkələri, o cümlədən Yunanıstan və Türkiyə ilə sıx əlaqələrindən danışıb. O, universitetin inkişaf yolu barədə məlumat verərək, bu ali təhsil ocağının Ulu öndər Heydər Əliyevin xeyir-duası və təşəbbüsü ilə yaradıldığını vurğulayıb.
N.Əliyeva hər bir ölkənin və cəmiyyətinin tərəqqisinin təhsilin səviyyəsi ilə bağlı olduğunu bildirib və bugünkü Azərbaycan gəncliyinin beynəlxalq aləmə inteqrasiya olunmasından, beynəlxalq layihələr vasitəsilə onların müasir dünyaya çıxış imkanı əldə etməsindən danışıb.
Rektor BSU-da fəaliyyət göstərən tədris-mədəniyyət mərkəzləri vasitəsilə tələbələrin slavyan ölkələrinin mədəniyyəti, tarixi, etnoqrafiyası, siyasi-iqtisadi vəziyyəti ilə yaxından tanış olduqlarını deyib.
Azərbaycanın multikultural ölkə olduğunu, multikulturalizm siyasətinin dövlət tərəfindən hərtərəfli dəstəkləndiyini və bu ideyanın bütün ali məktəblərdə gənclərə aşılandığını bildirən N.Əliyeva ölkə başçısının “Multikulturalizm Azərbaycanda həyat tərzidir!” fikrinin tədrisin bütün mərhələlərində özünü doğrultduğunu qeyd edib.
Vurğulanıb ki, Azərbaycandakı xarici ölkə səfirlərini maraqlandıran əsas məsələlərdən biri də təhsil sahəsinin inkişafıdır. N.Əliyeva çıxışında səfirlik rəhbərlərini və nümayəndələrini universiteti müvafiq ixtisas üzrə bitirən gənclərimizin işlə təmin edilmələrinə dəstək olmağa çağırıb.
Sonra təhsil və müasir dünya, təhsilin problemləri, beynəlxalq layihələr və s. mövzularda müzakirələr aparan diplomatlar təhsil sahəsində beynəlxalq əməkdaşlığın vacibliyini bildirib və bu sahəyə öz töhfələrini verməyə hazır olduqlarını qeyd ediblər.
N.Kanellos beynəlxalq konfransa ev sahibliyi etdiyinə və yüksək təşkilatçılığa görə BSU-nun rəhbərliyinə minnətdarlığını bildirib. Səfir konfransın aktual məsələyə həsr olunduğunu diqqətə çatdıraraq, “dəyirmi masa”nın Azərbaycanın digər ölkələrlə humanitar istiqamətdə münasibətlərinə yeni töhfələr verəcəyinə əmin olduğunu deyib.
Sonra diplomatlarla gənclər arasında təhsilin müxtəlif problemləri ilə bağlı fikir mübadiləsi aparılıb.

Paylaş:

Baxılıb: 532 dəfə