Şəki-Zaqatala bölgəsində seçki hüququ üzrə ixtisaslaşdırılmış kurslar uğurla başa çatıb

Bakı:

28 °C

56 %

17 m/s

Əlaqə

AZ RU EN

Ana səhifə / Sosial / Şəki-Zaqatala bölgəsində seçki hüququ üzrə ixtisaslaşdırılmış kurslar uğurla başa çatıb

Şəki-Zaqatala bölgəsində seçki hüququ üzrə ixtisaslaşdırılmış kurslar uğurla başa çatıb

22.02.2018 [09:51]

Demokratik və hüquqi dövlət quruculuğu yolu ilə inamla irəliləyən Azərbaycan Respublikasında insan hüquq və azadlıqlarının müdafiəsi dövlət siyasətinin əsas istiqamətlərindən biri kimi müəyyənləşdirilib. Bu hüquqların içərisində seçki hüququ xüsusi yer tutur.
AZƏRTAC-ın bölgə müxbiri xəbər verir ki, bu fikirlər fevralın 21-də 112 saylı Qax seçki dairəsində dairə seçki komissiyasının üzvləri və məntəqə seçki komissiyalarının sədrləri üçün təşkil edilən seçki hüququ üzrə ixtisaslaşdırılmış kursun sonuncu gününün tədris məşğələsində səsləndirilib.
Azərbaycan Respublikası Prezidentinin 2011-ci il 27 dekabr tarixli Sərəncamı ilə təsdiq edilmiş “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı”nın seçki komissiyalarına aid olan hissəsinin icrası ilə bağlı Mərkəzi Seçki Komissiyası tərəfindən təşkil edilən bu kurslar aşağı seçki komissiyaları üzvlərinin peşəkarlıq səviyyəsini artırmaq məqsədi daşıyıb.
Seminarda dairə seçki komissiyasının sədri Abdukərim Əliyev çıxış edərək, təlimlərə dairənin tərkibinə daxil olan 58 seçki məntəqəsinin, həmçinin məcburi köçkün rayonlarının Qax rayonu ərazisində fəaliyyət göstərən seçki məntəqələrinin sədrlərinin, dairə seçki komissiyasının üzvlərinin cəlb edildiyini diqqətə çatdırıb.
Rayon məhkəməsinin sədri Malik Qarayev “Seçki hüququ və onun təminatının qanunvericilik əsasları, aşağı seçki komissiyaları və məhkəmələr tərəfindən seçkidə iştirak hüququnun qorunması mexanizmləri”, rayon polis şöbəsinin xidmət üzrə rəis müavini Eldəniz Kazımov “Seçici siyahılarının təkmilləşdirilməsi, rəsmi seçki sənədlərinin daşınması və saxlanılmasının təhlükəsizliyinin təmin edilməsi, habelə asayişin qorunmasında Daxili İşlər Nazirliyi orqanlarının rolu” mövzularında məruzələrlə çıxış ediblər.
Sonra Mərkəzi Seçki Komissiyasının (MSK) əməkdaşları Afiq Alıyev və Bəxtiyar Ağalarov iştirakçılara seçki prosesinin seçicilərə çatdırılmasında aşağı seçki komissiyalarının vəzifələri, seçki prosesində KİV-lərin rolu, yerli və xarici müşahidəçilərin hüquq və vəzifələrinin praktiki tərəfləri və digər məsələlər barədə geniş məlumat veriblər. Bildirilib ki, MSK Azərbaycanda keçirilən seçkilərdə şəffaflığın yüksək səviyyədə təmin olunması üçün informasiya-kommunikasiya texnologiyalarının imkanlarından geniş istifadə edir.
Seçki hüququ üzrə üç günlük ixtisaslaşmış kurslar bölgənin digər seçki dairələrində də uğurla başa çatıb.

Paylaş:

Baxılıb: 522 dəfə