Nərimanov rayonundakı internat məktəbində uşaqlar üçün bayram tədbiri keçirilib

Bakı:

25 °C

52 %

2 m/s

Əlaqə

AZ RU EN

Ana səhifə / Sosial / Nərimanov rayonundakı internat məktəbində uşaqlar üçün bayram tədbiri keçirilib

Nərimanov rayonundakı internat məktəbində uşaqlar üçün bayram tədbiri keçirilib

02.06.2016 [09:55]

Bakının Nərimanov rayonunda yerləşən Sağlamlıq İmkanları Məhdud Uşaqlar üçün 5 nömrəli Respublika Xüsusi İnternat Məktəbində 1 iyun - Uşaqların Beynəlxalq Müdafiəsi Günü münasibətilə tədbir keçirilib.
Heydər Əliyev Fondunun təşəbbüsü və Nərimanov Rayon İcra Hakimiyyətinin təşkilatçılığı ilə keçirilən bayram tədbirində rayon ərazisində yaşayan və xüsusi qayğıya ehtiyacı olan imkansız ailələrin uşaqları, həmçinin əqli cəhətdən zəif uşaqlar iştirak ediblər.
Bu barədə AZƏRTAC-a rayon icra hakimiyyətindən məlumat verilib.
Tədbiri giriş sözü ilə açan rayon icra hakimiyyətinin başçısı Abdin Fərzəliyev internat məktəbində təhsil alan uşaqları əlamətdar gün münasibətilə təbrik edərək, onların cəmiyyətə fəal inteqrasiyası üçün yaradılan şəraitə görə Prezident İlham Əliyevə və Azərbaycanın birinci xanımı, Heydər Əliyev Fondunun prezidenti Mehriban Əliyevaya minnətdarlığını bildirib. O, ölkəmizdə həyata keçirilən dövlət uşaq siyasətinin uğurlu nəticələrini, dövlətimiz tərəfindən uşaqlara göstərilən diqqət və qayğını xüsusi vurğulayaraq, respublikamızın sürətli iqtisadi inkişafının onların sosial problemlərinin həlli üçün etibarlı zəmin yaratdığını diqqətə çatdırıb. Eyni zamanda, ölkəmizdə uşaqların yüksək qayğı ilə əhatə olunmasının, onların əlverişli mənəvi və sosial mühitdə böyüməsi üçün zəruri şəraitin yaradılmasının əsası Ümummilli lider Heydər Əliyev tərəfindən qoyulmuş dövlət uşaq siyasətinin prioritet istiqamətlərindən biri olduğu vurğulanıb.
Qeyd olunub ki, Heydər Əliyev Fondunun təşəbbüsü və dəstəyi ilə əsaslı təmir olunmuş Sağlamlıq İmkanları Məhdud Uşaqlar üçün 5 nömrəli Respublika Xüsusi İnternat Məktəbinin, onun nəzdində fəaliyyət göstərən musiqi məktəbinin, Zərifə Əliyeva adına Uşaq Bağçasının, 6 saylı uşaq poliklinikasının, “Ankara” məktəbinin, Psixonevroloji Uşaq Evinin yeni tikilən korpusunun, Respublika Talassemiya Mərkəzinin və Məktəb Kompleksinin açılışları Mehriban xanım Əliyevanın uşaqlara məhəbbətinin və qayğısının bariz nümunəsidir.
Milli Məclisin deputatı Adil Əliyev bayram münasibəti ilə uşaqları təbrik edərək onların dünyada hamı üçün əziz olduğunu, eyni zamanda, uşaqlara qayğı göstərməyin, onları qorumağın, müdafiə etməyin hər bir vətəndaşın müqəddəs borcu olduğunu diqqətə çatdırıb.
Bayram tədbiri uşaq yaradıcılıq qruplarının maraqlı bədii kompozisiyaları və tanınmış sənətçilərin çıxışı ilə davam etdirilib.
Sonda uşaqlara bayram hədiyyələri təqdim edilib.

Paylaş:

Baxılıb: 703 dəfə