“Azercell” istedadlı tələbələrə dəstək olmaqda davam edir

Bakı:

27 °C

52 %

0 m/s

Əlaqə

AZ RU EN

Ana səhifə / Sosial / “Azercell” istedadlı tələbələrə dəstək olmaqda davam edir

“Azercell” istedadlı tələbələrə dəstək olmaqda davam edir

06.03.2015 [09:57]

Azərbaycanın mobil rabitə bazarının lider şirkəti olan “Azercell” ADA Universitetində keçirilən 3-cü karyera sərgisində iştirak edib. Tədbirdə tələbə və məzunlar mövcud əmək bazarında onların ixtisaslarına olan tələbat barədə məlumat əldə etmək, işəgötürənlərlə ilkin əlaqələr qurmaq, həmçinin, işəgötürənlər potensial kadrların seçimini aparmaq imkanı qazanıblar. Şirkətdən verilən məlumatda qeyd olunur ki, tələbə və məzunlar üçün hər il ölkəmizdə keçirilən əmək yarmarkalarında və sərgilərdə fəal iştirak edən “Azercell” bu dəfə də ənənəsinə sadiq qalıb. Tədbirdə “Azercell”in ayrıca stendi nümayiş etdirilib. Şirkətin nümayəndələri “Azercell”də işə qəbul olunmaq arzusunda olan məzunlar üçün informasiya sessiyaları təşkil ediblər. Yarmarka iştirakçılarının çoxsaylı sualları cavablandırılıb, bu şirkətdə karyera qurmaq istəyində olan gənclərə məsləhətlər verilib və onların müraciətləri üçün xüsusi elektron ünvan yaradılıb. Universitet məzunlarına “Azercell”də vakant yerlər haqqında da məlumat verilib.
Qeyd edək ki, “Azercell Telekom” daim istedadlı gənclərə karyera qurmaqda, onlara iş aləmində öz yerlərini tapmaqda yardımçı olur. Son illər ərzində mütəmadi olaraq “Azercell”in təşəbbüsü ilə şirkət tərəfindən Karyera Günləri təşkil edilir. Hər il baş tutan belə tədbirlər zamanı şirkətdə işləmək istəyən istedadlı gənclərlə görüşlər keçirilir, “Azercell”in fəaliyyəti, iş prinsipləri barədə ətraflı məlumat verilir. Xatırladaq ki, “Azercell Telekom” öz fəaliyyəti boyunca daim gənclərin inkişafına yönələn layihələr həyata keçirir. Şirkətin elan etdiyi Tələbə Proqramı çərçivəsində Azərbaycanın ali təhsil müəssisələrində təhsil alan qabiliyyətli gənclərimiz “Azercell”dən xüsusi təqaüd və şirkətin müxtəlif şöbələrində təcrübə keçmək imkanı qazanırlar. Eyni zamanda, “Azercell”in həyata keçirildiyi sosial layihələrin böyük bir qismi də təhsillə bağlıdır. Həmçinin, “Azercell” aparıcı universitetlərlə əməkdaşlıq edir, bu təhsil ocaqlarının maddi-texniki bazasının gücləndirilməsinə yardım göstərir. Məhz “Azercell”in təşəbbüsü və dəstəyi ilə Qafqaz Universitetində ilk dəfə olaraq 4G laboratoriyası quraşdırılıb.
Məlumatda, həmçinin, qeyd olunur ki, “Azercell” bundan sonra da bacarıqlı gənclərin uğurlu karyera qurması üçün öz dəstəyini göstərməkdə davam edəcək.
Səlim LOĞMANOĞLU

Paylaş:

Baxılıb: 988 dəfə