“Qərbi Azərbaycan etnoqrafiyasına dair sənəd axını”

Bakı:

23 °C

60 %

12 m/s

Əlaqə

AZ RU EN

Ana səhifə / Sosial / “Qərbi Azərbaycan etnoqrafiyasına dair sənəd axını” - elmi seminar

“Qərbi Azərbaycan etnoqrafiyasına dair sənəd axını” - elmi seminar

28.04.2025 [23:39]

Bakı Dövlət Universitetinin (BDU) İnformasiya və sənəd menecmenti fakültəsində Tələbə Elmi Cəmiyyətinin (TEC) təşkilatçılığı ilə “Qərbi Azərbaycan etnoqrafiyasına dair sənəd axını” mövzusunda elmi seminar keçirilib.

BDU-dan AZƏRTAC-a bildirilib ki, elmi seminarda BDU-nun Sənəd menecmenti kafedrasının magistrantı Şamxal Nurullayev mövzu ilə bağlı məruzə edib.

Gənc tədqiqatçı tarixi Zəfərlə bitən 44 günlük Vətən müharibəsindən sonra Qərbi Azərbaycana qayıdış məsələsinin xüsusi aktuallıq kəsb etdiyini diqqətə çatdırıb, bu istiqamətdə tədqiqatların vacibliyini vurğulayıb. Araşdırmada Azərbaycan türklərinin əzəli yurd yeri olan Qərbi Azərbaycanın mahallarının, həmçinin İrəvan xanlığının tarixinə, etnoqrafiyasına dair informasiya resursları haqqında geniş məlumat verilib, bu mənbələrin formalaşması və inkişafı xronoloji qaydada izlənilib. Məruzədə mövzuya dair müxtəlif məlumat bazaları, internet resursları təqdim edilib, müqayisəli təhlillər aparılıb. Qərbi Azərbaycan etnoqrafiyasına dair sənəd kütləsinin regionun tarixi-mədəni irsinin öyrənilməsi və tədqiqi baxımından əhəmiyyəti diqqətə çatdırılıb. Bu kontekstdə ilkin mənbələrlə yanaşı, ikinci dərəcəli informasiya resursları və elektron mənbələr kompleks tədqiqata cəlb olunub.

Azərbaycan Respublikası Prezidentinin İşlər İdarəsinin Prezident Kitabxanası tərəfindən təqdim olunan “Qərbi Azərbaycan. Elektron kitabxana” layihəsi və Azərbaycan Milli Kitabxanası tərəfindən hazırlanmış “Qədim yurd yerimiz – Qərbi Azərbaycan” adlı məlumat bazası xüsusi təhlil edilib. Bildirilib ki, bu cür məlumat bazaları elmi tədqiqatların dərinləşməsinə, mədəni irsin sistematik şəkildə öyrənilməsinə, tanıdılmasına və təbliğinə kömək edir, məlumatların gələcək nəsillərə ötürülməsinə şərait yaradır”.

Məruzəçi çıxışını Prezident İlham Əliyevin 2022-ci il dekabrın 24-də Qərbi Azərbaycan İcmasının üzvləri ilə görüşdə səsləndirdiyi fikirlərlə yekunlaşdırıb: “Qərbi Azərbaycan bizim tarixi torpağımızdır, bunu bir çox tarixi sənədlər təsdiqləyir, tarixi xəritələr təsdiqləyir, bizim tariximiz təsdiqləyir. Ancaq əfsuslar olsun ki, ermənilər Qarabağdakı kimi, Qərbi Azərbaycanda da bizim bütün tarixi, dini abidələrimizi yerlə-yeksan ediblər, dağıdıblar, azərbaycanlıların tarixi irsini silmək istəyiblər, ancaq buna nail ola bilməyiblər. Çünki tarix var, sənədlər var, xəritələr var”.

Paylaş:

Baxılıb: 653 dəfə