Müxalifətin məqsədi dinc aksiya keçirmək yox, qarşıdurma yaratmaqdır

Bakı:

22 °C

83 %

9 m/s

Əlaqə

AZ RU EN

Ana səhifə / Siyasət / Müxalifətin məqsədi dinc aksiya keçirmək yox, qarşıdurma yaratmaqdır

Müxalifətin məqsədi dinc aksiya keçirmək yox, qarşıdurma yaratmaqdır

04.05.2012 [01:07]

Siyavuş Novruzov: Elə etmək istəyirlər ki, aksiyanı keçirməsinlər. çünki onların aksiya keçirməyə potensialı yoxdur
“İctimai Palata adlanan qurum təmsilçiləri növbəti aksiyanın Bibiheybətdə keçirilməsinə münasibət bildirməzdən əvvəl demişdim ki, onlar daha həmin yerdə aksiya keçirməyəcək. çünki onlar say baxımından az olduqlarından həmin yeri doldura bilmirlər. Halbuki ora çox təmirli, yüksək səviyyəli bir stadiondur. Həmin stadionun üçdə birini doldura bilmədilər, indi də deyirlər ki, daha başqa yer istəyirik”. Bu fikirləri APA-ya açıqlamasında hakim Yeni Azərbaycan Partiyasının (YAP) İcra katibinin müavini Siyavuş Novruzov deyib. O bildirib ki, İctimai Palata aksiyaları mümkünsüz yerlərdə keçirmək istəyir: “Elə etmək istəyirlər ki, aksiyanı keçirməsinlər. çünki onların aksiya keçirməyə potensialı yoxdur. Bu potensial olmadığına görə onlar qarşıdurmaya getməlidir və mütləq bu addımı atacaqlar”.
S.Novruzov deyib ki, Bibiheybət qəsəbəsindəki meydança aksiya üçün çox əlverişlidir: “İstəyirlər, orada hər gün aksiya keçirsinlər. Şəhərin mərkəzinə yaxın bir yerdir. Məsələn, Dövlət Bayraq Meydanından aksiya keçirilən yerə heç bir kilometr məsafə deyil. Yaxud Əl Oyunları Sarayından oraya bir kilometr yarım məsafə var. İndi Bakı Bulvarı da əlavə olaraq yeddi kilometr uzadılır. Getsinlər bulvara, oradan gəzə-gəzə aksiya keçirsinlər. Onsuz da deyirlər ki, marşrut problemi olur... Bilirsiniz, onların dediyinin hamısı bəhanədir. Əgər sənin tərəfdarın varsa, aksiyanı Ərdəbildə də keçirə bilərsən. Ancaq bunların məqsədi dinc etiraz aksiyası keçirmək yox, qarşıdurma yaratmaqdır”.
S.Novruzov Fransanın Azərbaycandakı fövqəladə və səlahiyyətli səfiri Qabriel Kellerin sonuncu açıqlamasına da münasibət bildirib: “Fransanın Azərbaycandakı səfirinin səlahiyyət müddəti bitir. Belə bir vaxtda bu cür ifadələr işlətmək heç bir səfirə uyğun gələn bir şey deyil. O, sadəcə olaraq, guya “Avropa həmrəyliyi”ni nümayiş etdirmək istəyir”.
Millət vəkili bildirib ki, səfirlər iki ölkələr arasındakı münasibətlərin möhkəmlənməsinə çalışmalıdır, münasibətlərin korlanmasına xidmət etməməlidir: “Təbii ki, təmsil etdiyi ölkənin böyüklüyündən-kiçikliyindən asılı olmayaraq, səfirin hər hansı dövlətin, ölkənin daxili işlərinə qarışmağa səlahiyyəti yoxdur. Əks halda, ölkənin bu sahədəki qanunvericiliyinə uyğun addımlar atılır”.

Paylaş:

Baxılıb: 1081 dəfə