Klaar Bakıya gəlmədi...
27.01.2023 [10:16]
Aİ rəsmisinin bu addımı nədən xəbər verir?
Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaar Ermənistana səfər edib. Bu barədə Toivo Klaar “Twitter”də yazıb. Klaar qeyd edib ki, müxtəlif görüşlərdə iştirak etmək üçün bir günlük İrəvanda səfərdədir. O, səfər çərçivəsində Laçın dəhlizində Azərbaycan ekofəallarının dinc aksiyası və Azərbaycan-Ermənistan münasibətlərinin normallaşdırılması prosesi ilə bağlı müzakirələrdən bəhs açıb.
Qeyd edək ki, yanvarın 25-də Ermənistanın xarici işlər naziri Ararat Mirzoyanla Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaarın görüşü baş tutub. Ermənistan Xarici İşlər Nazirliyinin mətbuat xidmətinin məlumatına görə, tərəflər Ermənistanda Aİ-nin yeni mülki missiyasının yerləşdirilməsi məsələsinə toxunub. Bundan əlavə, İrəvanla Bakı arasında münasibətlərin normallaşması prosesi ilə bağlı fikir mübadiləsi də aparılıb. Toivo Klaar səfəri çərçivəsində Ermənistanın baş naziri Nikol Paşinyanla da görüşüb.
Maraq doğuran bir məqam isə Aİ-nin xüsusi nümayəndəsi statusu ilə regiona gələn Klaarın adətən hər iki ölkəni - həm Ermənistanı, həm də Azərbaycanı ziyarət etməsi ilə bağlıdır. Bundan əvvəlki səfərlər zamanı məhz bu ənənəyə riayət olunub. Amma indiki məqamda Toivo Klaarın yalnız İrəvana səfər etməsi ortaya bir sıra suallar çıxarır. Bu, Aİ-nin prosesdəki vasitəçi roluna kölgə salmırmı? Çünki Laçın yolunda keçirilən etiraz aksiyası ilə bağlı iki dövlətin mövqeyi fərqlidir, Beləliklə, rəsmi İrəvanın “mövqeyi” ilə tanış olan Aİ rəsmisinin bu addımı birtərəfli sayılmırmı? Öz növbəsində isə belə bir addım bitərəf vasitəçilik məsələsinə də kölgə salır.
Məsələ ilə bağlı fikirlərini “Yeni Azərbaycan”la bölüşən politoloq Tural İsmayılovun fikrincə, Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaar bundan öncəki dövrdə də regiona mühüm səfərlər reallaşdırıb. Həmin vaxt Aİ rəsmisi həm Azərbaycan, həm də Ermənistana səfər etmişdi və bu balans qorunmuşdu. Aİ sülh prosesində vasitəçi tərəf kimi bu məsələdə ehtiyatlı davranış nümayiş etdirməlidir: “Bu dəfəki səfərin isə yalnız Ermənistana edilməsi ortaya bir sıra suallar çıxarır. Bu hətta hansısa mexaniki səhv də ola bilər və biz qarşıdakı günlərdə Toivo Klaarın Bakı səfərinin də şahidi ola bilərik. Bununla yanaşı, son dövrlərdə Aİ-nin daxilində müəyyən qarışıqlıqlar, gərginliklər mövcuddur. Bu gərginliklər isə yalnız Ermənistan və Azərbaycan münasibətlərinin gələcəyi ilə bağlı deyil. Eyni zamanda, bu qarışıqlıqlar həm regional hadisələrdən, həm Rusiya-Ukrayna arasında baş verənlərə Aİ daxilindən fərqli baxış sərgilənməsindən ortaya çıxır. Aİ-nin Ermənistana iki illik mülki missiyasının göndərilməsi ilə bağlı qərarın fonunda Toivo Klaarın İrəvana səfər etməsi, Azərbaycana gəlməməsi isə birmənalı şəkildə qəbuledilməzdir. Xüsusilə nəzərə almaq lazımdır ki, Azərbaycan Aİ Şurasının rəhbəri Şarl Mişelin moderatorluğu ilə keçirilən sülh danışıqlarının Brüssel formatına uğurlu görüş kimi yanaşıb və Prezident İlham Əliyev bu prosesi yüksək dəyərləndirib. Təəssüflər olsun ki, bu gün Fransanın təsiri ilə Aİ daxilində Azərbaycan və Türkiyə əleyhinə bir sıra qüvvələr fəaliyyət göstərməkdədir və onlar Aİ-nin sülh gündəliyindəki rolunu gözdən salmağa çalışırlar. Bu qədər gərginliyin fonunda isə Klaarın da İrəvana gedib Bakıya gəlməməsi növbəti siyasi ədalətsizlik kimi qiymətləndirilməlidir. Hər halda fikrimcə, Toivo Klaar yaxın günlərdə Bakıya səfər edib bütün məsələlərə aydınlıq gətirməlidir”.
P.İSMAYILOV
Xəbər lenti
Hamısına bax
Analitik
22 May 09:17
Sosial
22 May 08:53
Sosial
22 May 08:31
Dünya
21 May 23:18
YAP xəbərləri
21 May 23:14
Dünya
21 May 22:40
Dünya
21 May 22:17
Müsahibə
21 May 21:59
Xəbər lenti
21 May 21:25
Dünya
21 May 20:42
Dünya
21 May 20:14
Xəbər lenti
21 May 19:52
Dünya
21 May 19:16
Yeni texnologiyalar
21 May 18:32
İqtisadiyyat
21 May 17:45
Dünya
21 May 17:19
Dünya
21 May 16:34
Dünya
21 May 16:10
Siyasət
21 May 16:02
Siyasət
21 May 16:01
Siyasət
21 May 16:01
Elanlar
21 May 15:56
Siyasət
21 May 15:55
Dünya
21 May 15:46
Sosial
21 May 15:21
Sosial
21 May 15:21
Dünya
21 May 15:19
YAP xəbərləri
21 May 15:09
Xəbər lenti
21 May 15:04
Elm
21 May 14:54
YAP xəbərləri
21 May 14:53
Dünya
21 May 14:53
Xəbər lenti
21 May 14:52
Dünya
21 May 14:25
Dünya
21 May 14:17
Siyasət
21 May 14:16
Siyasət
21 May 13:53
Siyasət
21 May 13:40
Dünya
21 May 13:16
Gündəm
21 May 12:57
Sosial
21 May 12:45
Gündəm
21 May 12:36
Sosial
21 May 12:33
Elm
21 May 12:20
Sosial
21 May 12:19
Gündəm
21 May 12:11
YAP xəbərləri
21 May 12:02
Siyasət
21 May 11:52
Siyasət
21 May 11:39
İqtisadiyyat
21 May 11:13
Gündəm
21 May 10:56
Gündəm
21 May 10:34
YAP xəbərləri
21 May 10:28
Analitik
21 May 10:12
İqtisadiyyat
21 May 09:55
Analitik
21 May 09:38
Sosial
21 May 09:14
Sosial
21 May 08:50
Sosial
21 May 08:31
Sosial
21 May 07:08
İdman
21 May 07:00
Sosial
20 May 23:31
Dünya
20 May 23:18
Xəbər lenti
20 May 22:46
Elm
20 May 22:14
Xəbər lenti
20 May 21:52
Dünya
20 May 21:25
Siyasət
20 May 20:51
Dünya
20 May 20:49
Dünya
20 May 20:17
