Paşinyan siyasi ikiləşmədən əziyyət çəkir

Bakı:

25 °C

52 %

2 m/s

Əlaqə

AZ RU EN

Ana səhifə / Siyasət / Paşinyan siyasi ikiləşmədən əziyyət çəkir

Paşinyan siyasi ikiləşmədən əziyyət çəkir

27.11.2021 [16:57]

Dünənki görüş onun siyasi intiharı kimi qarşılana bilər

Bu və digər kadrları çox diqqətlə izləmişəm. Fikir vermisinizsə, Nikol Paşinyan Prezident İlham Əliyevlə keçirdiyi bütün görüşlərdə, müzakirələrdə bir narahatlıq və diskomfort hiss edir, hərdən hətta özünü itirir, bəzən dili də dolaşır. Qarabağ məsələsi ilə bağlı məşhur debatda onun "Kokeyşn Büro (?!)" ifadəsi, qeyri-iradi olaraq, "Qarabağ Azərbaycanın bir hissəsidir" ifadəsini dilə gətirməsi hər kəsin çox yaxşı yadındadır. Səbəb bəllidir: Nikol Paşinyan yaxın çevrəsinin, bir sıra hallarda erməni ictimai rəyinin təsiri altında bilərəkdən yalan danışır, vəzifə, hakimiyyət, baş nazirlik postu naminə faktları təhrif etməli olur. Siyasi-psixoloji tədqiqatlar göstərir ki, yalan danışan siyasətçilər, liderlər heç vaxt özlərini rahat, inamlı hiss etmirlər. Hər an ifşa edilə biləcəklərini, yalanlarının dərhal seziləcəyini, üzə çıxa biləcəyini anlayaraq, daxili narahatlıq, gərginlik yaşayırlar. Yalanı ikinci bir yalanla sığortalamaq cəhdi adətən, nitqdə, ünsiyyətdə rabitə qırıqlığı yaradır, fikirlər arasında məntiqi əlaqənin pozulmasına səbəb olur. Yalan danışan, işğala, hərbi-siyasi cinayətlərə haqq qazandırmağa çalışan insanlar çox vaxt qarşısında günahkar olduqları şəxsin gözlərinə dik baxa bilmirlər, çox tez-tez baxışlarını yayındırırlar. Paşinyanın Prezident İlham Əliyevlə görüşü bağlı yayılan fotolardan biri də bu reallığı birbaşa əks etdirir. Soçi görüşündə isə Nikol Paşinyanın həddən artıq gərgin olması, Prezident İlham Əliyevin sərt, soyuq, qətiyyətli davranışı müqabilində ona narahatlıq dolu bir heyrətlə baxması (Azərbaycan Prezidenti ona heç dönüb də baxmır, qəti əhəmiyyət vermir) Ermənistan liderinin öz ambisiyaları müqabilində üzləşdiyi kəskin siyasi-psixoloji təzyiqin nəticəsidir. O, bir tərəfdən, növbədənkənar seçkiləri qazanmasına baxmayaraq, məğlub tərəfin təmsilçisi kimi, zorən imza atdığı sənədlərə, məcburən cəlb edildiyi üçtərəfli görüşlərə görə narahatdır. Qərbin, erməni diasporunun, Rusiyanın fərqli istiqamətlərdə təzyiqləri, Azərbaycanın haqlı tələbləri Ermənistanın populist baş nazirini uğursuz manipulyasiyalara sövq edir. Digər tərəfdən, ciddi siyasətçiyə xas olmayan bu tipli anormal jestlər onun şəxsiyyətində siyasi-psixoloji ikiləşmənin yaşandığını birbaşa təsdiqləyir. Bu, bir yarımaffekt vəziyyətidir. Başqa sözlə, Ermənistan lideri nə etdiyinin fərqində olsa belə, vəziyyəti heç bir halda geriyə döndərmək gücündə deyil. Açıq etiraf etməsələr belə, bütün dünya onların vəhşiliyindən, vandalizmindən, uzun müddət işğalda saxladıqları əraziləri dağıtmalarından, yerlə bir etmələrindən, 2 milyon ədəd mina basdırmalarından xəbərdardır. Bu, aşkar cinayətkar tövrün, davranışın təzahürüdür. Belə bir toplumun, cəmiyyətin təmsilçisi kimi o, kütlənin təsirinə qapılaraq, eyni cinayətkar, irqçi təfəkkürün daşıyıcısı kimi çıxış edir. Bu səbəbdən, hətta sərhədlərin, ərazi bütövlüyünün tanınmasını sözdə qəbul etsə də, bunu çox kəskin və ağrılı, az qala, siyasi intihar kimi qarşılayır.

Naib Niftəliyev

Ekspert

Paylaş:

Baxılıb: 822 dəfə