Sübut Əsədov: Dövlət başçısının bəyan etdiyi kimi indi əsas hədəflər azad olunmuş torpaqları yenidən qurmaq və revanşist qüvvələrin baş qaldırmasına imkan verməməkdir

Bakı:

28 °C

65 %

8 m/s

AZ RU EN

Ana səhifə / Siyasət / Sübut Əsədov: Dövlət başçısının bəyan etdiyi kimi indi əsas hədəflər azad olunmuş torpaqları yenidən qurmaq və revanşist qüvvələrin baş qaldırmasına imkan verməməkdir

Sübut Əsədov: Dövlət başçısının bəyan etdiyi kimi indi əsas hədəflər azad olunmuş torpaqları yenidən qurmaq və revanşist qüvvələrin baş qaldırmasına imkan verməməkdir

17.08.2021 [14:20]

“Prezident İlham Əliyevin qətiyyəti, prinsipiallığı, uzaqgörənliyi, məqsədyönlü siyasətinin nəticəsi olaraq Azərbaycan Qurtuluş savaşına başlayaraq öz tarixi torpaqlarını azad etdi. Çünki 30 il ərzində beynəlxalq birliyin Azərbaycanın 20 faiz ərazisinin işğalı ilə bağlı təsirli addımlar atmaması, ATƏT-in Minsk qrupunun səmərəsiz fəaliyyəti xalqımız üçün ən mühüm əhəmiyyət kəsb edən, taleyüklü problemin həlli üçün müsbət perspektiv vəd etmirdi”.

Bu fikirləri qəzetimizə açıqlamasında Azərbaycan Respublikaçılar Partiyasının sədri Sübut Əsədov deyib.

Partiya sədri deyib ki, Ermənistanın ardıcıl və məqsədyönlü şəkildə danışıqlar prosesini pozması, təxribatlar törətməsi Azərbaycan tərəfini qəti addımlar atmağa vadar etdi: “Prezident İlham Əliyev ölkəmizin ərazi bütövlüyünü bərpa etməklə həm Ümummilli Lider Heydər Əliyevin vəsiyyətini, həm də Azərbaycan xalqının bütün istək və arzularını yerinə yetirdi. 44 günlük müharibəsi zamanı dövlət başçısı xarakterik şəxsi keyfiyyətini ortaya qoydu, qətiyyət, cəsarət və vətənpərvərlik nümunəsi göstərdi”.

S.Əsədov deyib ki, təcavüzkar Ermənistanın və onun hərbi-siyasi rəhbərliyinin beynəlxalq hüquqa hörmətsiz yanaşması, müharibə cinayətləri törətməsi 44 günlük müharibə zamanı da sübut olunub: “Buna baxmayaraq, dövlət başçısının “CNN Türk” telekanalına müsahibəsində vurğuladığı kimi, ermənilərdən fərqli olaraq biz etnik təmizləmə aparmadıq, hərbi cinayət törətmədik, müharibəni ləyaqətlə apardıq, mülki şəxsləri vurmadıq. Halbuki, ermənilərin işğaldan azad olunmuş ərazilərdə bütün infrastrukturu dağıtması və talan etməsi hazırda Qarabağ və Şərqi Zəngəzurun bərpa və yenidən qurulmasını şərtləndirir. Prezidentin də qeyd etdiyi kimi, indi əsas hədəflər azad olunmuş torpaqları yenidən qurmaq və revanşist qüvvələrin baş qaldırmasına imkan verməməkdir. Bu istiqamətdə, o cümlədən Azərbaycan quruculuq sahəsində planlı şəkildə və maksimal sürətlə işlər aparır. Dövlətimizin başçısının dediyi kimi, bərpa və yenidənqurma işlərinin başa çatdırılması prosesində Azərbaycanın əsas rəqibi zamandır. Bununla da Ermənistanın dağıdıcı, Azərbaycanın isə qurucu, yaradıcı dövlət olması sübut olunub”.

Qaşqay ZİYƏDİNOĞLU

Paylaş:

Baxılıb: 657 dəfə