Elman Məmmədov: Azərbaycan xalqı torpaqlarımızın işğaldan azad edilməsi kimi şərəfli vəzifəni yerinə yetirən Ali Baş Komandanın və müzəffər ordumuzun yanındadır

Bakı:

27 °C

46 %

6 m/s

AZ RU EN

Ana səhifə / Siyasət / Elman Məmmədov: Azərbaycan xalqı torpaqlarımızın işğaldan azad edilməsi kimi şərəfli vəzifəni yerinə yetirən Ali Baş Komandanın və müzəffər ordumuzun yanındadır

Elman Məmmədov: Azərbaycan xalqı torpaqlarımızın işğaldan azad edilməsi kimi şərəfli vəzifəni yerinə yetirən Ali Baş Komandanın və müzəffər ordumuzun yanındadır

15.10.2020 [08:56]

“Məlum olduğu kimi, Ermənistanın indiki hakimiyyəti son bir ildə Ermənistan-Azərbaycan Dağlıq Qarabağ münaqişəsinin həlli yönündə aparılan sülh danışıqlarını pozmağa yönəlmiş təxribat xarakterli addımlar atıb. İşğalçı Ermənistanın və onun Dağlıq Qarabağda yaratdığı qondarma, kriminal rejimin Azərbaycana qarşı törətdiyi təxribatların ardı-arası kəsilməyib. Düşmənin növbəti təxribatı isə sentyabrın 27-dən etibarən Ermənistan silahlı qüvvələrinin cəbhəboyu zonada yerləşən Azərbaycan Ordusunun mövqelərinə və yaşayış məntəqələrimizə qarşı genişmiqyaslı hücumları olub. Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin qəbul etdiyi qətiyyətli qərarla Azərbaycan Ordusunun bütün cəbhəboyu əks-hücum əməliyyatları başlayıb. Ölkə rəhbərinin bu qətiyyətli qərarını xalqımız yekdilliklə dəstəkləyir”.
Bu fikirləri Milli Məclisin deputatı Elman Məmmədov deyib.
Deputatın sözlərinə görə, xalqımız bu məsələdə həmrəylik nümayiş etdirir: “Vətənimiz üçün belə bir taleyüklü məqamda Ali Baş Komandan İlham Əliyevin işğal altındakı torpaqlarımızın azad edilməsi istiqamətində yürütdüyü siyasət iqtidar və ya müxalifət mövqeyindən asılı olmayaraq, ölkədə fəaliyyət göstərən 50 siyasi partiya tərəfindən birmənalı olaraq dəstəklənib. Bu ağır günlərdə bütün ölkə vətəndaşları, o cümlədən QHT və siyasi partiya təmsilçiləri erməni təxribatının qarşısını almaq üçün Ali Baş Komandanın Azərbaycan xalqına müraciətinə birmənalı dəstək verib”.
Hazırkı situasiyada cəmiyyətin birlik və həmrəylik nümayiş etdirməsində Azərbaycan Prezidenti İlham Əliyevin təşəbbüsü ilə bu ilin əvvəllərindən başlayaraq siyasi partiyalarla aparılan siyasi dialoq və görüşlərin rolunun əhəmiyyətinə toxunan E.Məmmədov deyib ki, əksər siyasi qüvvələrin ümummilli məqsədlər naminə birləşməsi indiki məqamda ölkəmiz üçün mühüm hadisədir: “50 siyasi partiya Ali Baş Komandanı dəstəkləyən bəyanat verib, keçirilən görüşdə aparılan siyasətə dəstək ifadə olunub. Ali Baş Komandan ətrafında sıx birləşdiyimizi bir daha nümayiş etdirməyimiz Azərbaycanın haqq səsinə biganə qalan bəzi beynəlxalq təşkilatlara və ölkələrə bir mesaj olub”.
“Torpaqlarımızın işğaldan azad edilməsi yönündə Prezident İlham Əliyevin atdığı qətiyyətli addımları dəstəkləyən xalqımızın misli görünməyən birlik göstərməsi qürurvericidir. Azərbaycan xalqı torpaqlarımızın işğaldan azad edilməsi kimi şərəfli vəzifəni yerinə yetirən Ali Baş Komandanın və ordumuzun yanında olduğunu nümayiş etdirir. Qələbəmiz yaxındır. Qarabağ Azərbaycandır!”, - deyə E.Məmmədov bildirib.
Q.ZİYƏDDİNOĞLU

Paylaş:

Baxılıb: 387 dəfə