Diaspor Komitəsinin uğurlu fəaliyyəti Orduxanı niyə narahat edir?

Bakı:

20 °C

68 %

2 m/s

Əlaqə

AZ RU EN

Ana səhifə / Siyasət / Diaspor Komitəsinin uğurlu fəaliyyəti Orduxanı niyə narahat edir?

Diaspor Komitəsinin uğurlu fəaliyyəti Orduxanı niyə narahat edir?

01.12.2018 [09:38]

Azərbaycan dövlətinə və xalqına qarşı ardıcıl olaraq kampaniya aparan satqın şəbəkəsinin üzvü, Hollandiyada yaşayan Orduxan Teymurxan sosial sosial şəbəkədə paylaşdığı sonuncu videosunda yenə də Diasporla İş üzrə Dövlət Komitəsinin fəaliyyətini, öz təbirincə, guya tənqid edib. Onun bu "canfəşanlığı" sual doğurmaya bilməz.
Gürcüstandakı Ermənistan səfiri Azərbaycanın Diasporla İş üzrə Dövlət Komitəsinin nümayəndələrinin bu ölkəyə səfərindən sonra rahatsız olduqarını açıq şəkildə ortaya qoydu, tez Gürcüstanda əyalətlərə getdi. Belə faktlar Avropada da, başqa ölkələrdə də oldu. İndi də Orduxan.
Bu adam əlində guya əsas kimi bir neçə gün öncə Avropada Azərbaycan musiqisini təbliğ edən soydaşımız, uzun illərdir Hollandiyada yaşayan skripka ifaçısı və diaspor fəalı Balaş Əliyevin (Azəri) uzun sürən xəstəlikdən sonra 58 yaşında vəfat etməsini götürüb və buna görə Diaspor Komitəsini "günahlandırır". Bu xəyanətkar ünsür Dövlət Komitəsini az qala dünyasını dəyişən azərbaycanlıların baiskarı kimi göstərir, hətta bir az da irəli gedərək iddia edir ki, guya musiqiçi Komitənin günahı ucbatından vəfat edib. Əslində isə, həqiqətlər Orduxanın növbəti dəfə yalan danışdığını sübut edir. Belə ki, bir neçə gün öncə Diasporla İş üzrə Dövlət Komitəsi azərbaycanlı musiqiçinin vəfatıyla bağlı nekroloq yazmışdı. Aldığımız məlumata görə, bununla bağlı Komitə başqa işlər də görüb. Elə isə xəyanətkar şəbəkənin üzvünü nə narahat edir ki, o, Diaspor Komitəsini hədəfə alır?
Görünür, Diasporla İş üzrə Dövlət Komitəsinin son dövrlər böyük uğurla həyata keçirdiyi fəaliyyət, xaricdə yaşayan soydaşlarımızın vahid amal və məqsəd uğrunda möhkəm birliyinin təmin olunması, azərbaycançılıq ideologiyasının geniş təbliğ olunması, komitənin soydaşlarımız tərəfindən təqdir olunan tədbirlərə imza atması Orduxanı və onun xidmət etdiyi ermənipərəst, anti-azərbaycançı mərkəzləri qıcıqlandırır. Çünki Komitə Azərbaycan dövlətinin, Azərbaycan xalqının maraqlarını ifadə edir. Dövlət Komitəsi məhz bu istiqamətdə fəaliyyət göstərir: şəffaflıq, kimliyindən, dünyanın harasında yaşamasından asılı olmayaraq, hər bir azərbaycanlıya eyni münasibət...
Bu yanaşma isə nə Orduxanı, nə də onun başbilənlərini qane edə bilər. Çünki Azərbaycanı istəməyən qüvvələrin dünya azərbaycanlılarının bütövlüyünə qarşı olacaqları kiməsə sirr deyil.
Yeri gəlmişkən, əldə etdiyimiz məlumata görə, Avropadakı soydaşlarımız artıq Orduxanı azərbaycanlı kimi qəbul etmirlər. Bunu görən Orduxan və onun başbilənləri xeyli rahatsız olub, Diaspor Komitəsinin fəaliyyətindən əndişələniblər.
Səbəb aydındır: Dövlət Komitəsinin faəliyyəti nəticəsində Orduxanlar ya olmayacaq, ya da yalnız milli maraqlara xidmət edəcəklər. Sonuncu variant isə odur ki, belələri bütün xalq tərəfindən Azərbaycanın düşməni kimi qəbul ediləcəkələr. Elə Orduxan kimi. Necə ki, indi onu hamı öz xalqına düşmən kəsilmiş biri kimi tanıyır.
Arif ƏSƏDOV

Paylaş:

Baxılıb: 670 dəfə