Nikol Paşinyan Avropadan pul dilənir

Bakı:

19 °C

60 %

4 m/s

Əlaqə

AZ RU EN

Ana səhifə / Siyasət / Nikol Paşinyan Avropadan pul dilənir

Nikol Paşinyan Avropadan pul dilənir

02.11.2018 [09:22]

Avropa İttifaqı isə onun “demokratiya nağılları”na inanmır
Öz işğalçı siyasətinə görə bütün regional layihələrdən kənarda qalan - təcrid vəziyyətinə düşən, siyasi böhran və iqtisadi tənəzzülün məngənəsində olan Ermənistan növbədənkənar parlament seçkiləri ərəfəsindədir. Elə 17-18 oktyabr tarixlərində Avropa İttifaqının (Aİ) xarici fəaliyyət xidmətinin yüksəkvəzifəli rəsmisi Tomas Mayr Hartinq və Aİ-nin yardımlarını əlaqələndirən Vasillis Maraqosun Ermənistana səfəri zamanı da növbədənkənar parlament seçkiləri məsələsi diqqət mərkəzində olub. Yayılan məlumatlara görə, səfərin nəticəsi kimi Aİ seçkilərin şəffaf və beynəlxalq standartlara uyğun keçirilməsi məqsədilə Ermənistana 3 milyon avro vəsaitin ayrılması ilə bağlı qərar qəbul edib. Bu məqamda xatırlatmaq yerinə düşər ki, Aİ Ermənistanda 2017-ci ilin aprelində keçirilmiş bundan öncəki parlament seçkilərinin təşkili üçün vaxtilə 7 milyon avro ayırmışdı. Amma beynəlxalq müşahidə missiyasının hesabatına əsasən, seçki prosesində ciddi qanun pozuntularına yol verilib ki, buraya da saxtakarlıq, rüşvət müqabilində səslərin alınması, dövlət qulluqçuları və özəl sektor nümayəndələrinə təzyiqlərin edilməsi kimi faktlar daxildir. Bütün bunlar, şübhəsiz ki, Aİ-nin çətin vəziyyətə düşməsinə səbəb olmuşdu. Çünki bu qurum öz qiymətləndirməsində Ermənistandakı seçki prosesinin o qədər də bərbad olmadığını əsaslandırmağa çalışmışdı. Lakin beynəlxalq müşahidə missiyasının hesabatında yer alan məqamlar tamamilə fərqli reallıqları əks etdirirdi...
Öz növbəsində cari ilin aprel ayında hakimiyyəti ələ keçirən Nikol Paşinyan da seçkilərin antidemokratik şəraitdə keçdiyini bildirərək parlamentin legitim olmadığını ifadə etmişdi. Ekspertlər bütün bunların müqabilində belə bir sualın aktual olduğunu qeyd edirlər: Görəsən Paşinyan ölkədə hərbi diktatura rejiminin saxlanılmasında Avropa İttifaqının Sarkisyan hökuməti ilə əlbir olduğunu demək istəyirmiş?!
Bu məqamda vurğulamaq yerinə düşər ki, siyasətçidən daha çox küçələrin hay-küyçüsü kimi tanınan olan Nikol Paşinyan elə ilk vaxtlardan “siyasi dilənçi” obrazında Avropaya üz tutub. O, Avropa İttifaqının və NATO-nun təşkil etdiyi beynəlxalq tədbirlərdə pul dilənməklə məşğul idi. Amma görünən odur ki, populist çıxışları və vədləri ilə öz xalqını manipulyasiyaya məruz qoyan Paşinyan Avropa siyasətçilərini aldada bilməyib. Yəni reallıq ortadadır: Avropa İttifaqı bu ölkəyə edəcəyi maliyyə dəstəyinin həcmini 2 dəfə azaldıb. Daha dəqiq desək, çoxsaylı yalvar-yaxarlardan sonra Paşinyan Avropadan cəmi 3 milyon avro qopara bilib. Üstəlik, Avropa İttifaqı rəsmiləri aşkar surətdə bu qurumdan başqa, heç bir təşkilatın Ermənistana pul ayırmaq niyyətində olmadığını bəyan ediblər. Ekspertlər qeyd edirlər ki, bu, Avropa İttifaqının Paşinyanın “demokratiya nağılları”na inanmadığını, onun populist - reallıqlardan uzaq vədlərinə alət olmaq niyyətində olmadığını göstərir. Əgər belə olmasaydı, Aİ işğalçı ölkəyə maliyyə dəstəyini azaltmaq yolunu seçməzdi.
Sadalananların fonunda digər məqam ondan ibarətdir ki, Qərb Paşinyan hökumətinin populist və yarıtmaz siyasətinin ilk “bəhrəsini” gördü. Belə ki, Venesiya Komissiyasının tövsiyələrini əks etdirən və vaxtilə Aİ tərəfindən təriflənən Seçki Məcəlləsinə dəyişikliklər paketi oktyabrın 30-da bu ölkənin parlamentində qəbul edilməyib. Bütün bunlardan sonra hər halda Avropa təsisatları avronun Ermənistana dəyər gətirmədiyini anlamağa başlayacaq.
NURLAN

Paylaş:

Baxılıb: 547 dəfə