"Azərbaycanın efir məkanı: problemlər və vəzifələr"

Bakı:

18°C

72%

10m/s

Əlaqə

AZ RU EN

Ana səhifə / Siyasət / "Azərbaycanın efir məkanı: problemlər və vəzifələr"

"Azərbaycanın efir məkanı: problemlər və vəzifələr"

09.10.2009 [09:38]

“Səs” qəzeti və “Səs” informasiya agentliyi bu mövzuda “dəyirmi masa” keçirib
“Səs” qəzeti və “Səs” informasiya agentliyi (SİA) Azərbaycan Prezidenti Yanında Kütləvi İnformasiya Vasitələrinin İnkişafına Dövlət Dəstəyi Fondu ilə birlikdə Prezident Administrasiyasının rəhbəri, akademik Ramiz Mehdiyevin “Azərbaycan” qəzetində dərc olunmuş “Azərbaycanın efir məkanı: problemlər və vəzifələr” adlı məqaləsində qaldırılan məsələlər ətrafında müzakirələr aparmaq məqsədi ilə “dəyirmi masa” keçirib.
SİA-nın məlumatına görə, tədbirdə Milli Məclisin deputatları Məlahət Həsənova, Jalə Əliyeva, Aynur Quliyeva, Qənirə Paşayeva, İctimai Televiziya və Radio Yayımları Şirkətinin proqram direktoru Rafiq Nəbiyev, “Xəzər” TV-nin baş müşaviri Qulu Məhərrəmli, professorlar Nizaməddin Şəmsizadə, Buludxan Xəlilov, “Azərbaycan Televiziya və Radio Verilişləri” Qapalı Səhmdar Cəmiyyətinin “Maarifçilik” redaksiyasının baş redaktoru İlham Rəhimli, televiziya mütəxəssisləri Rizvan Cəbiyev, media-ekspert Zeynal Məmmədli, “İki sahil” qəzetinin baş redaktoru Vüqar Rəhimzadə, “Yeni Azərbaycan” qəzetinin baş redaktoru Hikmət Babaoğlu, “Azad Azərbaycan” qəzetinin baş redaktoru Asəf Abbasov iştirak ediblər.
Tədbiri giriş sözü ilə açan “Səs” qəzetinin və “Səs” İnformasiya Agentliyinin rəhbəri Bəhruz Quliyev akademik Ramiz Mehdiyevin “Azərbaycan” qəzetində dərc olunmuş və cəmiyyətdə böyük əks-səda doğurmuş “Azərbaycanın efir məkanı: problemlər və vəzifələr” sərlövhəli məqaləsinin əhəmiyyətinə diqqət çəkib.
Televiziyaların mövcud efir mədəniyyətini təhlil edən B.Quliyev vurğulamışdır ki, hər bir vətəndaşın mənəvi təhlükəsizliyinin qorunması ilk növbədə KİV vasitəsilə təmin edilir.
Buna baxmayaraq, Azərbaycan televiziya məkanında davam edən meylin qarşısının alınmasında həmin məqalənin böyük ictimai əhəmiyyət kəsb etdiyinə toxunan B.Quliyev mövzu ətrafında müzakirələrin aparılması zəruriliyini qeyd edib.
“Dəyirmi masa”ya dəvət olunan qonaqlar “Azərbaycanın efir məkanı: problemlər və vəzifələr” məqaləsində akademik Ramiz Mehdiyevin toxunduğu televiziya kanallarında aşağı səviyyəli, keyfiyyətsiz əyləncə və şou-biznes xarakterli verilişlər, teleradio qurumlarının biznes maraqları, efir vaxtının mentalitetimizə yad verilişlərlə doldurulması, peşəkar kadrların azlığı və ciddi çatışmazlıqların yaranması məsələləri ətrafında fikir mübadiləsi aparıblar.
Qeyd edək ki, Prezident Administrasiyasının rəhbəri, akademik Ramiz Mehdiyevin “Azərbaycan” qəzetində dərc olunmuş “Azərbaycanın efir məkanı: problemlər və vəzifələr” adlı məqaləsi Azərbaycanın teleradio məkanındakı mövcud vəziyyətinin təhlil edilməsi, vacib məsələlərin qaldırılması və həmin problemlərin həll olunması istiqamətində vəzifələrin müəyyənləşdirilməsi baxımından istiqamətverici bir məqalə hesab edilir. Məqalədə Azərbaycanın efir məkanındakı problemlərin aradan qaldırılması birinci dərəcəli məsələ kimi ortaya qoyulub.

Paylaş:

Baxılıb: 1091 dəfə