Heydər Əliyev
yeni azerbaycan logo

Ana səhifə / Siyasət / Bahar Muradova: Azərbaycan-Rusiya münasibətləri ikitərəfli strateji əməkdaşlıq səviyyəsindədir

Bahar Muradova: Azərbaycan-Rusiya münasibətləri ikitərəfli strateji əməkdaşlıq səviyyəsindədir

10.06.2017 [10:34]

“Rusiya-Azərbaycan münasibətlərinin gərginləşməsi barədə iddialar əsassızdır”. Bunu jurnalistlərə açıqlamasında Milli Məclisin sədr müavini Bahar Muradova deyib.
Onun sözlərinə görə, Azərbaycan-Rusiya münasibətləri ikitərəfli strateji əməkdaşlıq səviyyəsindədir: “Biz bu münasibətlərin bütün parametrləri üzrə tərəflərin öz öhdəliklərini daim yerinə yetirdiyinin şahidiyik. Azərbaycan öz üzərinə düşən vəzifəni yerinə yetirdiyi kimi, Rusiyadan da hər zaman buna adekvat addım atmağı gözləyir. Düşünürəm ki, bu günə qədər münasibətlərimizdə elə bir ciddi problem olmayıb”.
B.Muradova əlavə edib ki, münasibətlərin gərginləşməsi barədə şərhlərə rəvac verən hadisəyə - Ümumrusiya Azərbaycan Konqresinin qeydiyyatının ləğvinə gəlincə, məsələ yalnız hüquqi müstəvidə həll olunmalıdır: “Bundan kənar siyasi dividend güdməyə yönəlmiş şərhlər verilməsi, həqiqətən də, münasibətlərdə problemlər yarada bilər. Azərbaycanın müvafiq dövlət qurumları, parlamenti, vətəndaş cəmiyyətinin nümayəndələri və mətbuat bu məsələnin məhz hüquq çərçivəsində həll olunmasını gözləməlidir”.
Milli Məclisin sədr müavini əlavə edib ki, Rusiyada yaşayan azərbaycanlılar Rusiya vətəndaşlarıdır: “ÜAK da Rusiya vətəndaşı olan azərbaycanlıların Rusiya qanunlarına əsasən yaradılmış təşkilatıdır. Hesab edirəm ki, hansı milli-etnik qrupa mənsub olmasından asılı olmayaraq, hər kəs öz vətəndaş hüquqlarını, vəzifələrini icra etməlidir. Vətəndaşların hüquqları tanınmalı, onlar da vəzifələrini yerinə yetirməlidirlər”.

Paylaş:
Baxılıb: 481 dəfə

Xəbər lenti

Hamısına bax
Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31