Azərbaycanda seçki üçün lazım olan mühit var

Bakı:

26 °C

65 %

5 m/s

Əlaqə

AZ RU EN

Ana səhifə / Siyasət / Azərbaycanda seçki üçün lazım olan mühit var

Azərbaycanda seçki üçün lazım olan mühit var

14.10.2015 [10:16]

Siyavuş Novruzov: Ölkəmizdə həm qanunvericilik bazası, həm ictimai-siyasi sabitlik, həm də söz, fikir və mətbuat, internet azadlığı mövcuddur
Noyabrın 1-də Milli Məclisə seçkilər keçiriləcək. Seçkidə iştirak edəcək partiyalardan yalnız Yeni Azərbaycan Partiyasının (YAP) bütün namizədləri qeydə alınıb.
Oktyabrın 9-dan başlayaraq isə qeydə alınmış namizədlərin seçkiqabağı təbliğat-təşviqat kampaniyasına start verilib. YAP İcra katibinin müavini, deputat Siyavuş Novruzov seçki öncəsi vəziyyətlə bağlı “AzNews.az”ın suallarını cavablandırıb:
- Siyavuş müəllim, seçkiqabağı vəziyyəti necə qiymətləndirirsiz?
- Əla. Hər şey öz qaydasındadır. Çünki Azərbaycanda seçki üçün lazım olan mühit var. Ölkəmizdə həm qanunvericilik bazası, həm ictimai-siyasi sabitlik, həm də söz, fikir və mətbuat, internet azadlığı mövcuddur. İstənilən şəxs öz namizədliyini irəli sürüb seçilə bilər. Əgər seçicilər ona səs versələr. Dünya və Avropa praktikası ilə belə müqayisədə seçki ilə əlaqədar ən asan forma Azərbaycandadır. Yəni hər bir şəxs ərizə verib, 450 imza toplayıb təqdim edirsə, avtomatik olaraq qeydiyyatdan keçib namizəd olur. Ondan sonra təbliğat-təşviqat kampaniyasının aparılması üçün hər bir dairənin ərazisində pulsuz yerlər ayrılıbdır. Yəni heç pul ödəmək də lazım deyil. Dünyanın bir çox ölkəsində, o cümlədən demokratiyanın “beşiyi” hesab olunan Amerikada da əgər bir yeri götürüb tədbir keçirmək istəsən, mütləq pul ödəməlisən. Amma Azərbaycanda seçkidə bu məsələlərin də bütün yükünü dövlət öz üzərinə götürür. Yəni ölkəmizdə ictimai-siyasi vəziyyət tam normal şəkildədir. Hər bir şəxsin, təşkilatın, siyasi partiyanın, blokun seçkidə iştirak etməsi tam şəkildə təmin olunub. Düzdür, bəziləri iştirak eləmir. Onlara da tapşırıq belədir ki, iştirak etməsinlər. Azərbaycanda ciddi siyasi partiyaların böyük əksəriyyəti seçki prosesində iştirak edir. Hazırda qeydiyyatdan keçən 150-yə yaxın partiya var. Onların çox böyük hissəsi seçkidə iştirak edir. O cümlədən ayrı-ayrı qeyri-hökumət təşkilatları və bloklar seçkilərdə iştirak edib namizədlər irəli sürür. Bu səbəbdən seçki öncəsi prosesi, indiki mərhələyə qədər olan dövrü və hazırkı prosesi yüksək qiymətləndirirəm.
- Yeni Azərbaycan Partiyası seçkidən nə gözləyir?
- Partiyamız Azərbaycan müstəqillik əldə etdikdən sonra bütün seçkilərdə iştirak edib. Yəni 1993-cü ildən bu günə kimi bütün seçki prosesində YAP iştirak edib və qalib gəlib. Bu seçkilərdə də partiyanın əsas hədəfi ondan ibarətdir ki, keçən parlament seçkilərindən daha yaxşı nəticələr göstərsin. Bunun üçün stimulverici əsaslar var . Bütün dövr ərzində partiyamız və onun rəhbəri Azərbaycan xalqının maraqlarının qorunmasında, ölkəmizin iqtisadi inkişafında, abadlıq-quruculuq işlərinin aparılmasında, yeni iş yerlərinin, müəssisələrin yaradılmasında və digər sferaların hər birində vətəndaşlarının hüquqlarının qorunmasında, gənclərimizin inkişafında, təhsil və səhiyyə sisteminin formalaşmasında, xalqımızın maraqlarının müdafiə olunmasında aktiv şəkildə iştirak edib və bu prosesləri həyata keçirib. Bununla əlaqədar olaraq seçicilər YAP-a səs verəcəklər.
- YAP namizədlərinin seçkiqabağı təbliğat-təşviqat kampaniyası necə gedir?
- Bütün proseslər çox yüksək səviyyədə gedir. Demək olar ki, bütün namizədlərimiz üçün plakatlar və bukletlər hazırlamışıq. O cümlədən namizədlərimizin hər gün seçicilərlə görüşləri keçirilir. Hər gün orta hesabla 100-dən artıq görüş olur. Ardıcıl şəkildə bu proseslər davam edir. Çalışırıq ki, bütün seçicilərlə görüşək, bütün kəndlərdə və yaşayış məntəqələrində namizədlərimizin olmasını təmin edirik. Onların seçicilərlə görüşməsi, onların arzu və istəklərinin öyrənilməsi bizim üçün əsas meyarlardır. İstəyirik ki, gələcək qanunvericilikdə və fəaliyyətimizdə bütün bunların hamısını əlimizdə rəhbər tutaq.
- Müsavat Partiyasının 23 üzvünün namizədliyi qeydə alınıb. Seçkidə onların şanslarını necə qiymətləndirirsiz?
- Ümumi olaraq 23 partiya seçki prosesində iştirak edir. Hər bir siyasi partiyanın şansı onun cəmiyyət üçün görəcəyi işlərlə bağlıdır. Onlar da götür-qoy edib baxmalıdırlar ki, indiyə qədər cəmiyyət üçün nə ediblər? Cəmiyyət də onun müqabilində onlara niyə səs verməlidir? Yenə də son söz seçicinindir. Seçici kimə üstünlük verəcəksə, kimi seçmək istəyəcəksə, o təşkilatın nümayəndələri, o müstəqil namizədlər seçiləcəklər.

Paylaş:

Baxılıb: 619 dəfə