Gənclər təşkilatlarının nümayəndələri Böyük Britaniyanın Azərbaycandakı səfirliyi qarşısında piket keçiriblər

Bakı:

24 °C

59 %

2 m/s

AZ RU EN

Ana səhifə / Siyasət / Gənclər təşkilatlarının nümayəndələri Böyük Britaniyanın Azərbaycandakı səfirliyi qarşısında piket keçiriblər

Gənclər təşkilatlarının nümayəndələri Böyük Britaniyanın Azərbaycandakı səfirliyi qarşısında piket keçiriblər

12.06.2015 [09:27]

Piketdə bu ölkənin bəzi KİV-lərinin və QHT-lərinin birinci Avropa Oyunları ərəfəsində Azərbaycana qarşı apardıqları “qara piar” kampaniyası pislənilib
Dünən Azərbaycan gənclər təşkilatlarının təmsilçiləri Böyük Britaniyanın Azərbaycandakı səfirliyi qarşısında piket keçiriblər.
Aksiya iştirakçıları “İngiltərə, ikili standartlardan əl çək!”, “İngiltərə, ermənilərlə işbirliyin mübarək!”, “London platformasının insan hüquqlarına nə aidiyyəti?!”, “Azərbaycanda zor yox, hüquq işləyir!” kimi şüarlar səsləndiriblər.
Böyük Britaniyanın Azərbaycandakı səfirliyi qarşısında keçirilən piketin qətnaməsi oxunub. Qətnamədə deyilir: “Sabah (bu gün - red.) Bakı Olimpiya stadionunda birinci Avropa Oyunlarına start veriləcək. 50 ölkədən 6 mindən çox idmançının yarışacağı bu möhtəşəm tədbirin yüksək səviyyədə hazırlanması üçün böyük əmək sərf edilib, qısa müddət ərzində atletlər, jurnalistlər və şəhərimizin qonaqları üçün hər cür şərait yaradılıb.
Qitənin ictimai və mədəni həyatında əlamətdar bir hadisə olmasına baxmayaraq, bəzi dairələr ilk Avropa Oyunlarının əhəmiyyətini azaltmaq, ona ev sahibliyi edən Azərbaycanı gözdən salmaq üçün geniş təbliğat aparır, kütləvi informasiya vasitələri və qeyri-hökumət təşkilatları vasitəsi ilə iftira və yalan dolu məlumatlar yayır, müxtəlif aksiyalar təşkil edirlər. Təəssüf ki, Birləşmiş Krallığın media qurumları və QHT-ləri, BBC radiosu, “The Guardian” və “The İndependent” qəzetləri, “Platform London” təşkilatı bu istiqamətdə daha çox canfəşanlıq göstərir, böhtan kampaniyası aparanların ön sıralarında dururlar. Böyük Britaniya hökuməti isə belə hallara adekvat münasibət bildirmək, 150 nəfərlik heyətlə Bakıya gələn idmançılarını ruhlandırmaq əvəzinə, susqunluq nümayiş etdirir, bir çox hallarda anti-Azərbaycan şəbəkəsinin təxribatlarına hərtərəfli dəstək verir. Azərbaycanın iqtisadi potensialı, təbii və intellektual sərvətləri hesabına milyardlarla funt-sterlinq gəlir götürən bir ölkənin hökumətinin bu cür riyakar mövqe tutması təəccüb və hiddət doğurmaya bilməz.
Biz Birləşmiş Krallıq hökumətinin qərəzli və ikiüzlü siyasətini qətiyyətlə pisləyir, onu ölkəmizə qarşı siyasi təzyiq məqsədi güdən qarayaxma kampaniyasının iştirakçısı olmaqdan çəkinməyə çağırırıq”.
Daha sonra aksiya polislərin müdaxiləsi nəticəsində dayandırılıb.
N.BAYRAMLI

Paylaş:

Baxılıb: 652 dəfə