Humanitar Forumun bəşəriyyəti narahat edən əsas problemlərə həsr olunması təqdirəlayiqdir

Bakı:

24 °C

44 %

3 m/s

Əlaqə

AZ RU EN

Ana səhifə / Siyasət / Humanitar Forumun bəşəriyyəti narahat edən əsas problemlərə həsr olunması təqdirəlayiqdir

Humanitar Forumun bəşəriyyəti narahat edən əsas problemlərə həsr olunması təqdirəlayiqdir

22.10.2014 [09:50]

“Dördüncü Bakı Beynəlxalq Humanitar Forumunun bəşəriyyəti narahat edən əsas problemlərə həsr olunması təqdirəlayiqdir. Forumda müzakirə edilən ictimai ədalət, sülh, ətraf mühitin qorunması, yoxsulluqla mübarizə, mədəniyyətlərarası dialoq və s. aktual məsələlər bütün insanları düşündürür”. Bu fikirləri AzərTAc-a müsahibəsində IV Bakı Beynəlxalq Humanitar Forumunda iştirak etmiş İran İslam Respublikasının Qərbi Azərbaycan Valiliyinin siyasi və seçkilər idarəsinin baş direktor müavini Abbas Ramazani deyib.
A.Ramazani Forumda tanınmış ictimai-siyasi xadimlərin, Nobel mükafatı laureatlarının iştirakının onda çox xoş təəssüratlar yaratdığını bildirib. O, həmçinin Azərbaycan Prezidenti İlham Əliyevin Forumun açılışındakı nitqində hamını düşündürən bir çox vacib məqamlara diqqət yetirməsinin, dövlət başçısının Azərbaycanın zəngin mədəniyyətindən, qədim tarixindən danışmasının yüksək qiymətə və alqışa layiq olduğunu söyləyib. Qeyd edib ki, Forumda mədəniyyətlərarası dialoqun təşviqi, İslamı və xristianlığı qarşı-qarşıya gətirən sivilizasiyaların toqquşması nəzəriyyəsinin tənqidi önəmli amil idi.
Azərbaycan haqqında təəssüratlarını bölüşən A.Ramazani deyib: “Mən əvvəllər də Bakıda olmuşam. Ötən illərlə müqayisədə bu şəhərdə xeyli müsbət dəyişikliklər baş verib. Çoxlu yollar, binalar və körpülər inşa edilib. Bizim yerləşdiyimiz yeni inşa edilmiş “Fairmont” otelinin yuxarı mərtəbələrindən Bakı şəhərinə çox gözəl mənzərə açılırdı. Forumun keçirildiyi Heydər Əliyev Mərkəzi isə Bakının ən gözəl yerlərindən biri sayılır və memarlıq abidəsi dəyərlərinə malikdir. Bu gözəllik sadəcə mənim deyil, bütün iştirakçıların diqqətini cəlb etdi və bəzi iştirakçılar öz çıxışlarında da bu məsələyə diqqət yetirdilər. Bakıda birinci Avropa Oyunlarının keçirilməsi məqsədilə inşa edilən yeni stadion və onun yaxınlığında idmançıların yerləşməsi üçün tikilən binalar da şəhərə xüsusi gözəllik verəcək”.
Azərbaycanın yalnız paytaxtının deyil, regionlarının da inkişafını qeyd edən A.Ramazani bildirib ki, qədim Qəbələ şəhəri füsunkar təbiətə malikdir. İnsanların qonaqpərvərliyi isə hər yerdə hiss edilirdi.
“Mən özümü Azərbaycan xalqına daha yaxın hiss etdim. Azərbaycan dövlətinə bu möhtəşəm tədbirin təşkilinə görə təşəkkürümü bildirirəm”, - deyə A.Ramazani əlavə edib.

Paylaş:

Baxılıb: 636 dəfə