Bakıda UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin 8-ci sessiyası işgüzar müzakirələrlə davam edir

Bakı:

25 °C

61 %

9 m/s

AZ RU EN

Ana səhifə / Siyasət / Bakıda UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin 8-ci sessiyası işgüzar müzakirələrlə davam edir

Bakıda UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin 8-ci sessiyası işgüzar müzakirələrlə davam edir

06.12.2013 [09:29]

Dekabrın 5-də Bakıda UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin 8-ci sessiyası öz işini davam etdirib.
AzərTAc xəbər verir ki, sessiya çərçivəsində günün birinci yarısında Azərbaycan Respublikasının mədəniyyət və turizm naziri Əbülfəs Qarayevin sədrliyi ilə növbəti iclas olub.
İlk olaraq sessiyada iştirak edən UNESCO-nun keçmiş baş direktoru Koişiro Matsuranı salamlayan Ə.Qarayev bildirib ki, bu günlərdə 10 illik yubileyini qeyd edəcəyimiz Qeyri-Maddi Mədəni İrsin Qorunması üzrə Konvensiyanın hazırlanmasında onun müstəsna xidmətləri olub.
İclasda UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin köməkçi qurumunun 2013-cü il üzrə fəaliyyətinə dair hesabatı dinlənilib və Bəşəriyyətin Qeyri-Maddi Mədəni İrsinin Reprezentativ Siyahısına salınmalı olan nominasiyalar nəzərdən keçirilib.
Tədbirdə hər bir nominasiya barədə ətraflı məlumat verilib, təqdim edilən qovluqların müvafiq tələblərə cavab verib-vermədiyi, bu nominasiyaların çatışmayan tərəfləri göstərilib və onlar ətrafında geniş fikir mübadiləsi aparılıb.
Nəzərdə tutulmuş qaydalara cavab verən Monqolustan, Nigeriya, Peru, Koreya Respublikası, Rumıniya-Moldova, Seneqal, Sloveniya, Makedoniya, Ukrayna, Venesuela və Vyetnama məxsus nümunələr Bəşəriyyətin Qeyri-Maddi Mədəni İrsinin Reprezentativ Siyahısına daxil edilib.
Bu siyahıda qardaş Türkiyənin təqdim etdiyi türk qəhvəsinin də yer alması olduqca sevindiricidir.
Həmin ölkələrin nümayəndələri ilk növbədə bu möhtəşəm tədbirə ev sahibliyi etdiyinə görə Azərbaycan hökumətinə minnətdarlıqlarını bildiriblər. Qeyd ediblər ki, siyahıya salınmış nümunələr xalqların öz mədəni irsinə olan sevgisini daha da artıracaq, millətlər arasında yeni mədəni körpülərin yaranmasına təkan verəcək.
Bir sıra ölkələrin siyahıya düşmüş mədəniyyət nümunələri fasilə zamanı canlı olaraq nümayiş olunub və iştirakçılarda böyük maraq doğurub.
UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin 8-ci sessiyası işini günün ikinci yarısında mədəniyyət və turizm naziri Əbülfəs Qarayevin sədrliyi ilə davam etdirib.
Əvvəlcə təqdim olunmuş “8.COM 8” qərar layihəsi nəzərdən keçirilib və 16 maddə qəbul edilib. Həmçinin Albaniya və Burkina Fasonun təklifləri əsasında sənədə müvafiq olaraq 17-ci və 18-ci maddələr əlavə edilib. Sonra isə sənədə əlavə edilmiş maddələrin bütün mexanizmlərə aid edilməsi barədə 19-cu maddə daxil edilib.
Bildirilib ki, müzakirə olunan məsələlərdən biri də 2014-cü il dövrü üçün məşvərətçi və köməkçi qurumların yaradılmasıdır. Müvafiq istiqamətdə gələn il üçün məşvərətçi qurumun yaradılması və onun texniki şərtləri nəzərdən keçirilib. Həmçinin müvafiq dövr üçün köməkçi qurumun yaradılması və onun texniki şərtləri nəzərdən keçirilib.
Digər müzakirə olunan məsələ 2014-cü il dövrü üçün təqdim olunmuş qovluqların sayı və 2015 və 2016-cı illərdə müraciət oluna bilən qovluqlar olub. Bildirilib ki, bu sənəd vasitəsilə Komitə 2015-2016-cı illərdə nəzərdən keçirilə biləcək qovluqları müəyyən edəcək. Həmçinin 2014-cü il dövrü üçün qovluqların sayı barədə məlumat verilib və müzakirələr aparılıb.

Paylaş:

Baxılıb: 1129 dəfə