"İstanbul Fashion Show"-Bakıda

Bakı:

20 °C

49 %

0 m/s

Əlaqə

AZ RU EN

Ana səhifə / Mədəniyyət / "İstanbul Fashion Show"-Bakıda

"İstanbul Fashion Show"-Bakıda

23.01.2010 [02:57]

İlbəil artan maraq Türkiyə geyim firmalarının Azərbaycanda professional satış təşkil etməsi zərurətini ortaya çıxarıb
Türk modasının ən keyfiyyətli nümunələri Bakıda sərgilənəcək. Türkiyənin 40-dan çox geyim şirkətinin məhsullarından ibarət sərgi yanvarın 28-dən 30-a qədər Heydər Əliyev adına İdman Konsert Kompleksində gerçəkləşəcək. “İstanbul Fashion Show” adı altında keçiriləcək sərgi həm də tanışlıq xarakteri daşıyacaq. Belə ki, Türkiyənin ən məşhur tekstil şirkətlərinin məhsulu olan qadın, kişi və uşaq geyimləri, ayaqqabılar, müxtəlif aksessuarlar iş adamlarına, Azərbaycanın moda dünyasının nümayəndələrinə və bütün moda həvəskarlarına təqdim ediləcək. Ən əsası, bu sərgi başlanğıc olacaq. Sərgi istər Türkiyə məhsullarının Azərbaycanda satışı, istərsə də, əməkdaşlığın başqa növlərində inkişafın bünövrəsini qoyacaq. Bu, “Meridyen”in Azərbaycanda təşkil edəcəyi yeganə sərgi olmayacaq. Belə ki, şirkət bu ilin sonuna kimi ölkəmizdə daha bir neçə moda sərgisi təşkil etməyi nəzərdə tutub. Növbəti sərginin isə iyunda təşkil edilməsi planlaşdırılıb. Bu barədə dünən keçirilən mətbuat konfransında layihənin Azərbaycan üzrə koordinatorları Alper çekic və Anıl Seçerin məlumat verib. Təşkilat komitəsinin sədri Ruhiyyə Kaçan və “Meridyen” şirkətinin Azərbaycan üzrə nümayəndəsi Anar Əlyaroğlunun da qatıldığı mətbuat konfransında media nümayəndələrinə sərginin məqsədləri və azərbaycanlı iş adamları ilə qurmaq istədikləri iş birlikləri barədə də danışılıb.
“Gözəl geyimi, modanın ən son yeniliklərini, bəzən isə hətta ən ağlasığmaz və cəsur tendensiyaları milli geyim adətləri və şərq ənənələri ilə birləşdirmək bacarığı yəqin ki, azərbaycanlı xanımlar və bəylər qədər çox az xalqa məxsusdur. ümumiyyətlə, moda və geyim məfhumlarının azərbaycanlılar üçün hər zaman xüsusi önəmi olub. Məhz bu amili nəzərə alan “Meridyen” Beynəlxalq Sərgi şirkəti və OTİAD (Osmanbəy Türk İş Adamları Dərnəyi) dünya şöhrətli brendləri və yüksək keyfiyyətli geyim markaları ilə dünya modasının əsas mərkəzlərindən birinə çevrilməkdə olan Türkiyənin 40-dan çox geyim şirkətinin məhsullarından ibarət sərgi təşkil etməklə Azərbaycan xalqına maraqlı anlarla dolu üç gün yaşatmaq niyyətindədir” - deyən Ruhiyyə Kaçanın sözlərinə görə, sərgi çox maraqlı olacaq.
Ukrayna, Qazaxıstan və özbəkistanda da bu cür sərgilərin keçirildiyini vurğulayan Alper çekic isə bu fikirdədir ki, onlar Azərbaycan bazarına daxil olmaqda gecikiblər: “Son bir neçə ilin hesablamaları göstərib ki, Azərbaycan bazarında Türkiyə məhsullarına böyük maraq var. İlbəil artan maraq Türkiyə geyim firmaların Azərbaycanda professional satış təşkil etməsi zərurətini ortaya çıxarıb. İndiyədək Azərbaycan bazarında Türkiyə məhsulları təmsil olunsa da, bu, pərakəndə şəkildə həyata keçirilib. Azərbaycanlı iş adamları bu firmalarının məhsullarını gətirərək fərdi qaydada onların satışını həyata keçirib. Türkiyə firmaları müştəri məmnuniyyəti amilini, həmçinin, birbaşa əlaqəni önəmli hesab etdiyindən burada satış mərkəzlərini açmaq, alıcılarla birbaşa əlaqə yaratmaq niyyətindədir”.
Sonuncu faktorun qiymətlərin də ucuzlaş
masına gətirib çıxaracağını söyləyən təşkilatçılar hesab edir ki, geyimləri sərgilənəcək firmaların məhsulları qiymətlidir. Buna baxmayaraq, bu firmalar alıcılarına daha keyfiyyətli və Avropa məkanından nisbətən ucuz məhsullar təklif edir.
Türkiyə məhsullarının ən böyük idxalçısı isə hələlik Rusiyadır.
Qeyd edək ki, üçgünlük sərgiyə giriş pulsuzdur. Moda həvəskarları hər gün saat 10.00-dan axşam 18.00-dək sərgiyə qatıla bilər. Xatırladaq ki, sərgidə Azərbaycan modasının tanınan simaları da iştirak edəcək.
RUHİYYƏ

Paylaş:

Baxılıb: 1490 dəfə