"İslam mədəni dəyərləri müasir mədəniyyətlərin dialoqu şəraitində"

Bakı:

20 °C

68 %

2 m/s

Əlaqə

AZ RU EN

Ana səhifə / Mədəniyyət / "İslam mədəni dəyərləri müasir mədəniyyətlərin dialoqu şəraitində"

"İslam mədəni dəyərləri müasir mədəniyyətlərin dialoqu şəraitində"

05.06.2009 [09:13]

“Bakı-İslam Mədəniyyətinin paytaxtı-2009” silsilə tədbirlər çərçivəsində keçirilmiş növbəti dəyirmi masa bu mövzuya həsr olunub
Dünən M.F.Axundov adına Azərbaycan Dövlət Kitabxanasında “Bakı-İslam Mədəniyyətinin paytaxtı-2009” silsilə tədbirlər çərçivəsində növbəti dəyirmi masa keçirilib. Mədəniyyət və Turizm Nazirliyi Mədəniyyətşünaslıq üzrə Elmi-Metodiki Mərkəzin təşkilatçılığı ilə baş tutan tədbir “İslam mədəni dəyərləri müasir mədəniyyətlərin dialoqu şəraitində” mövzusuna həsr olunub. “Şərq-Qərb mədəni dialoqunda islamın yeri”, “İslam terrorizmə qarşı”, “İslam dini - milli tolerantlıq” və digər məsələlərin müzakirə olunduğu tədbirdə giriş sözü ilə çıxış edən mərkəzin direktoru Vilayət İsmayılov ilk olaraq qeyd edib ki, texnologiyanın çox yüksək sürətlə inkişaf etdiyi bir vaxtda qloballaşan dünyada sivilizasiyaların dialoqu qaçılmazdır. Bu baxımdan, dialoq şəraitində mədəniyyətlərin bir-birinə qarşılıqlı təsiri inkarolunmaz həqiqətdir. Daha sonra Azərbaycan dövlətinin İslam dəyərlərinin inkişafına, dünyada dialoqun bərqərar olmasına verdiyi töhfələrdən, ölkəmizdə mədəni dəyərlərin qorunub saxlanılması baxımından görülmüş işlərdən danışan V.İsmayılov Azərbaycan xalqının ümummilli lideri Heydər Əliyevin, Prezident İlham Əliyevin, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, millət vəkili Mehriban xanım Əliyevanın bu istiqamətdə gördüyü işləri xüsusilə vurğulayıb.
Mədəniyyət və Turizm Nazirliyinin əməkdaşı Vasif Eyvazzadə isə qeyd edib ki, Şərqlə Qərbin qovşağında yerləşən Azərbaycan bir İslam ölkəsi kimi həm Şərqin, İslam sivilizasiyasının dəyərlərini, həm də Qərbin mütərəqqi dəyərlərini öz milli mentalitetində tolerantlıq mədəniyyəti kimi formalaşdırıb. Bu gün mədəniyyətlərarası dialoqun bütün dünyada geniş müzakirə olunduğunu deyən V.Eyvazzadə xüsusi olaraq vurğulayıb ki, dünyada sülhün və sabitliyin bərqərar olması, təhlükəsiz mühitin formalaşmasında maraqlı olan Azərbaycan dövləti sivilizasiyalar arasında xoş, müsbət dialoqun təmin olunması istiqamətində daim təşəbbüslərlə çıxış edir, bunun üçün öz gücünü əsirgəmir. O, Azərbaycanın təşəbbüsü ilə keçirilən tədbirlərin buna bariz nümunə olduğunu xatırladıb və əlavə edib ki, Azərbaycan Avropa təşkilatlarına və İSESKO-ya üzv olan yeganə ölkədir.
Sonra çıxış edən akademik Fuad Qasımzadə, fəlsəfə elmləri doktoru, professor Sakit Hüseynov və digər natiqlər İslam dəyərlərinin mütərəqqiliyindən, onun barış, sülh dini olmasından, dünyada gedən dini ayrı-seçkilikdən geniş söhbət açaraq qeyd ediblər ki, Qərbdəki bəzi dairələrin təxribat tipli bəyanatlarına, çağırışlarına baxmayaraq, İslam dəyərləri bəşər cəmiyyətini sülhə, barışa səsləyir.

Paylaş:

Baxılıb: 1651 dəfə