Azərbaycanla Misir arasında mədəniyyət və təhsil əlaqələri daha da inkişaf edir

Bakı:

17 °C

88 %

2 m/s

Əlaqə

AZ RU EN

Ana səhifə / Mədəniyyət / Azərbaycanla Misir arasında mədəniyyət və təhsil əlaqələri daha da inkişaf edir

Azərbaycanla Misir arasında mədəniyyət və təhsil əlaqələri daha da inkişaf edir

08.11.2016 [09:55]

Misir Ərəb Respublikasının Azərbaycandakı səfirliyinin Mədəniyyət və Təhsil Əlaqələri Mərkəzinin müdiri Əhməd Sami Elaydi noyabrın 2-si və 3-də Naxçıvan Muxtar Respublikasında səfərdə olub. Səfər çərçivəsində bir sıra görüşlər keçirilib. Misirli diplomat əvvəlcə Naxçıvan şəhərində Heydər Əliyev Muzeyində olub. Muzeyin direktoru Ramil Orucəliyev qonağa muzeyin yaranma tarixindən, dünya şöhrətli siyasi xadim, Ümummilli lider Heydər Əliyevin böyük həyat yolundan söz açıb. Ümummilli liderə məxsus saxlanılan əşyalarla, şəkillərlə tanış edərək onlar haqqında geniş məlumat verib.
Daha sonra Ə.S.Elaydi Naxçıvan Muxtar Respublikası Mədəniyyət və Turizm Nazirliyinin rəsmiləri ilə görüş keçirib. Görüşdə Misir və Azərbaycan mədəni əlaqələrinin daim yüksək səviyyədə olduğu qeyd edilib və əlaqələrin inkişafında Muxtar Respublikanın rolunun vacibliyi vurğulanıb. Tərəflər arasında Naxçıvan Muxtar Respublikasında birgə layihələrin həyata keçirilməsi, Naxçıvanın adət-ənənələrinə və milli folkloruna aid tədbirlərin Misirdə keçirilməsi, eləcə də Misirin tarixi və mədəniyyəti haqqında tədbirlərin Muxtar Respublikada təşkil olunması barədə, həmçinin Misirdə keçirilən beynəlxalq film festivallarında iştirak məsələləri müzakirə olunub. Tanışlıq və əməkdaşlıq xarakteri daşıyan görüşdə həmçinin Azərbaycanla Misir arasında təhsil sahəsində bağlanılmış əməkdaşlıq müqaviləsinə əsasən misirli tələbələrin MR-də təhsil almalarını və gələcəkdə təhsil sahəsindəki əməkdaşlığın daha da genişləndirilməsi, təhsil müəssisələrində Azərbaycan-Misir dostluğu barədə mühazirələrin və sərgilərin keçirilməsi mövzusunda danışıqlar aparılıb.
Diplomat həmçinin AMEA-nın Naxçıvan bölməsinin Tarix, Etnoqrafiya və Arxeologiya İnstitutunun direktoru Fəxrəddin Səfərli və İncəsənət, Dil və Ədəbiyyat İnstitutunun direktoru Əbülfəz Quliyevlə görüşüb. Tərəflər arasında Misir-Azərbaycan təhsil əlaqələrinin inkişafı, qarşılıqlı əməkdaşlıq çərçivəsində misirli alimlərin Bölmə ilə yaxından tanışlığı, Misirdə keçirilən beynəlxalq elmi konfranslarda MR alimlərinin, eləcə də Naxçıvan Muxtar Respublikasında keçirilən konfranslarda misirli alimlərin iştirakının, qarşılıqlı olaraq elm adamlarının hər iki ölkədə nəşr olunan elmi jurnallarda məqalələrinin çap olunmasının təşkili, Misirlə əlaqədar aparılan tədqiqat işlərində yaxından kömək göstərilməsi, habelə Misirdə Naxçıvanla bağlı əlyazmaların surətlərinin əldə olunması barədə məsələlər müzakirə olunub.
Müşfiqə BAYRAMLI

Paylaş:

Baxılıb: 1144 dəfə