Heydər Əliyev
yeni azerbaycan logo

Ana səhifə / Mədəniyyət / “Xəbərlər” jurnalının yeni nömrəsi çapdan çıxıb

“Xəbərlər” jurnalının yeni nömrəsi çapdan çıxıb

10.10.2012 [23:35]

Azərbaycan Milli Elmlər Akademiyası (AMEA) Naxçıvan Bölməsinin “Tusi” nəşriyyatında “Xəbərlər” jurnalının 2012-ci ildə üçüncü nömrəsi çapdan çıxıb.
AMEA Naxçıvan Bölməsində, habelə digər elm və təhsil müəssisələrində çalışan əməkdaşların elmi-tədqiqat materialları jurnalın tarix, arxeologiya və etnoqrafiya, Azərbaycan dili, folklor və ədəbiyyat, incəsənət, iqtisadiyyat bölmələrində işıqlandırılıb. Ənənəyə uyğun olaraq, jurnalda Naxçıvanın tarixi, arxeologiyası, mədəniyyəti, incəsənəti, iqtisadi və sosial inkişafı ilə əlaqədar elmi materiallar dərc olunub.
AMEA-dan AzərTAc-a bildiriblər ki, jurnalın yeni nömrəsində AMEA Naxçıvan Bölməsinin sədri, akademik İsmayıl Hacıyevin, Naxçıvan Dövlət Universitetinin rektoru, akademik İsa Həbibbəylinin, AMEA Naxçıvan Bölməsinin Tarix, Etnoqrafiya və Arxeologiya İnstitutunun direktoru, professor Hacıfəxrəddin Səfərlinin, institutun şöbə müdiri, AMEA-nın müxbir üzvü Vəli Baxşəliyevin, İncəsənət, Dil və Ədəbiyyat İnstitutunun direktoru, AMEA-nın müxbir üzvü Əbülfəz Quliyevin və digər elm adamlarının müxtəlif mövzularda elmi məqalələri toplanılıb.
Jurnalda “Əzəli Azərbaycan torpaqlarında Ermənistan dövlətinin yaradılması”, “Naxçıvan Muxtar Respublikasında “Milli dəyərlər ili” haqqında qeydlər”, “Ordubad bölgəsində aşkar olunmuş yeni arxeoloji abidələr”, “AMEA Naxçıvan Bölməsi Əlyazmalar Fondunda saxlanılan naxçıvanlı müəlliflərin əlyazmaları haqqında”, “Naxçıvan folklor nümunələrində duzla bağlı bəzi məsələlər”, “Naxçıvan Muxtar Respublikasında aqrar sektorda məşğulluğun inkişaf istiqamətləri” və digər mövzuları əhatə edən məqalələr öz əksini tapıb.
Paylaş:
Baxılıb: 1512 dəfə

Xəbər lenti

Hamısına bax

YAP xəbərləri

YAP xəbərləri

İqtisadiyyat

Analitik

Sosial

Dondurulmuş meyvələr...

14 Yanvar 08:52  

Sosial

Arxiv
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31