Orqanizmimizin gizli dostu- duz lampaları

Bakı:

26 °C

69 %

4 m/s

Əlaqə

AZ RU EN

Ana səhifə / Maraqlı / Orqanizmimizin gizli dostu- duz lampaları

Orqanizmimizin gizli dostu- duz lampaları

10.09.2024 [08:25]

Təbiət qoynunda olarkən, xüsusən dağlıq və dağətəyi zonalarda, meşədə, dənizdə, eləcə də yağışdan sonrakı təmiz hava insana xoş əhval-ruhiyyə, orqanizmə rahatlıq bəxş edir. Bunun səbəbini qısaca oksigen bolluğu ilə əlaqələndirsək də, əslində, havadakı neqativ ionların ona təzəlik, canlılıq və təravət verməsidir. “Hava vitaminləri” də adlanan neqativ ionlar sayəsində havada olan zərərli bakteriyalar azalır və insan daha rahat, ciyər dolusu nəfəs alır.

Təəssüf ki, bunu məişətdə əldə etmək olmur. Çünki gündəlik həyatımızda istifadə etdiyimiz elektrik alətlərinin yaydığı ion seli orqanizmin təbii elektrik yükündən çoxdur. Komputer, telefon, televizor və bu kimi cihazlar havaya müsbət ionlar yayır ki, bunun da nəticəsində bu qədər elektrik yükü orqanizmdəki bəzi hüceyrələrin zədələnməsinə, bəzilərinin aqressivləşməsinə gətirib çıxarır. Komputer qarşısında, ya da telefonun başında çox zaman keçirərkən yaranan əsəb gərginliyi, yuxusuzluq, halsızlıq, baş ağrısı da bununla izah olunur.

Mütəxəssislər bu kimi hallardan çıxış yolu olaraq duz lampalarından istifadəni məsləhət görürlər. Duz lampaları ətraf mühitdə olan müsbət ionları neytrallaşdırır, onların orqanizmə göstərdiyi mənfi təsirləri aradan qaldırır.

Duz lampaları qaya duzunun unikal təbii formasına və kristal quruluşuna nail olmaq üçün diqqətlə oyulur, içinə qoyulan lampanın yandırılması ilə isinən duz mənfi ionlar yayır. Kristal Qaya Duzu Lampaları tərəfindən yayılan mənfi ionların ətraf mühitin hava keyfiyyətini artırdığı və nəfəs almağı rahatlaşdırdığı müəyyən edilib. Soyuduqda da faydalı təsir göstərən lampalar, yandırıldıqda çıxardıqları az miqdarda istiliklə böyük miqdarda ionları udur. Bazarda olan bir çox ionlaşdırıcı maşınlarla müqayisədə, kristal duz lampaları havanın keyfiyyətini yaxşılaşdırmaq üçün təbii, gözəl və daha az xərc tələb edən, texniki xidmət tələb olunmayan alternativdir. Kristal qaya duzu emal edilib formalaşdırılaraq ionlaşma effekti baxımından heç bir azalma və ya dəyişməyə məruz qalmır. Duz Lampasından yayılan işıq bütün bədən funksiyalarına müsbət təsir göstərir. Xüsusilə, qan dövranı, immun və həzm sistemi, hərəkət, qocalıq və ruh sağlamlığına müsbət təsirləri olduğu müəyyən edilmişdir. Həmçinin stresli vəziyyətlərdə duz lampasının yaydığı mənfi ionlardan faydalana bilərsiniz.

Qaya duzu tərkibindəki minerallarla insan orqanizminin bir çox ehtiyacını qarşılayacaq xüsusiyyətlərə malikdir. Göl və dəniz duzlarında görünə bilən təhlükəli maddələr qaya duzunda yoxdur.

Məsələn, komputerin yanına qoyulan duz lampası baş ağrıları, stress yuxusuzluq kimi problemləri aradan qaldırmaq üçün ideal vasitədir. Həmçinin, o, əhval-ruhiyyənin yüksəlməsinə də müsbət təsir göstərir. Eləcə də duz lampalarını yataq otağında gecə lampasının yerinə də istifadə etmək olar.

Qəbul etdiyimiz dərmanlardan fərqli olaraq qaraciyər və böyrəklərə mənfi təsir göstərmir. Ümumiyyətlə, heç bir mənfi təsiri yoxdur və buna görə də uşaq bağçalarında da istifadə edilə bilər. Mütəxəssislər otağın sahəsini nəzərə almaqla duz lampasını seçməyi məsləhət görürlər, çəkisi və ölçüsü böyük olan lampalar daha da effektivdir.

Şahanə MÜŞFİQ

Paylaş:

Baxılıb: 680 dəfə