Elmi-kütləvi, mədəni-maarif, təhsil proqramlarının nəşri ÖN planda durur

Bakı:

19 °C

72 %

8 m/s

Əlaqə

AZ RU EN

Ana səhifə / MEDİA / Elmi-kütləvi, mədəni-maarif, təhsil proqramlarının nəşri ÖN planda durur

Elmi-kütləvi, mədəni-maarif, təhsil proqramlarının nəşri ÖN planda durur

29.10.2022 [11:30]

Məqalə “Azərbaycan Respublikasının Medianın İnkişafı Agentliyi”nin maliyyə dəstəyi ilə “Elmi-kütləvi, mədəni-maarif, təhsil proqramlarının hazırlanması” istiqaməti üzrə hazırlanmışdır

Yeganə BAYRAMOVA

Bütün sahələri əhatə edən inkişaf proqramları daim diqqət mərkəzindədir və xüsusilə də elmi-kütləvi, mədəni-maarif, təhsil proqramlarının hazırlanmasına xüsusi diqqət ayrılıb. Çünki inkişaf proqramları, xüsusilə də təhsil proqramları ölkənin güclənməsi baxımından ən vacib faktorlardandır. Təsadüfi deyil ki, hər bir ölkənin inkişafı onun elm, təhsil və mədəniyyətinin səviyyəsi ilə ölçülür və məhz buna görə də Azərbaycanda bu istiqamətdə mühüm işlər görülür, amma buna baxmayaraq, elmi-kütləvi, mədəni-maarif və təhsil proqramlarına hər zaman ciddi ehtiyac var. Çünki ölkəni dünyanın yenidən elm-mədəniyyət beşiyinə çevirə bilən məhz bu proqramlardır.

Hər bir ölkənin inkişafı onun təhsili və elminin inkişafı ilə bilavasitə bağlı olduğu ilk növbədə nəzərə alınmalıdır. Doğrudur, Azərbaycanda bu istiqamətdə, yəni təhsilin və elmin inkişafı ilə bağlı işlər görülür, amma bu işlər yenə də davam etdirilməlidir ki, geriləmə olmasın. Çünki dünyada bu sahədə hər zaman yeniliklərə imza atılır, uğurlar qazanılır və bu baxımdan ölkədə bu proseslərin daha sürətləndirilməsinə ehtiyac duyulur. Belə ki, daha da geniş işlər görməyə, daha ciddi addımlar atmağa imkanımız və münbit şəraitimiz hər zaman olmalıdır. Məhz bu baxımdan da cəsarətlə söyləyə bilərik ki, elmi-kütləvi, mədəni-maarif və təhsil proqramlarının hazırlanması istiqamətində ciddi islahatların keçirilməsi bütün zamanlarda öz aktuallığını qorumaqdadır.

Təhsil üzrə ekspert Kamran Əsədov “Yeni Azərbaycan”a açıqlamasında bildirib ki, Azərbaycan tarixən elmi, təhsili və mədəniyyəti ilə seçilən, dünyaya nümunə göstərilən ölkə hesab olunub. Onun sözlərinə görə, azərbaycanlı alimlərin, elm xadimlərinin bəşəriyyətə bəxş etdiyi çoxlu sayda ixtiralar mövcuddur ki, bunun faydası insan cəmiyyəti üçündür: “Əgər bu ənənələr davam etməzsə, deməli ölkəmizdə həyata keçir?lən elmi-kütləvi, mədəni-maarif proqramlarının inkişafı ölkəmizin mövcud potensialı ilə adekvat sayıla bilməz.

Əgər elmi-kütləvi, mədəni-maarif, təhsil proqamları insanların bilik səviyyəsinin, əhatəsinin genişlənməsində, daha da savadlanmasında, informasiya ilə təmin olunmasında, hətta insanların zövqünün formalaşmasında, ümumilikdə, cəmiyyətin həyatında müsbət istiqamətə mühüm rol oynayırsa, deməli bu istiqamətdə diqqət daha da artırılmalıdır. Həmin proqramlar cəmiyyətin həyatında mühüm rol oynadığı halda, onların inkişaf etdirilməsinin, icrasının nə qədər vacib məsələ olduğu ortaya çıxır. Bu baxımdan həmin proqramlarda əks olunanların icra prosesində gerçəkləşməsinin ləngiməsi heç cür qəbul edilən deyil.

Sözsüz ki, ölkəmizdə internet şəbəkəsinin mövcudluğu, sürətliliyi elmi-kütləvi, mədəni-maarif, təhsil proqamları və onların inkişaf etdirilməsi, təşviqi üçün geniş spektrdə imkanlar deməkdir. Daha dəqiq desək, ölkəmizin mövcud imkanları bu proqramların daha geniş, daha əhatəli yayılması üçün əsaslı zəmin yaradır. Şübhə yoxdur ki, həmin proqramların daha da geniş şəkldə canlandırılmasında internet resurslarının rolu danılmazdır. Əlbəttə ki, elmin, mədəniyyətin təbliğinə televiziyalarda xüsusi yer ayırmalı və şou proqramların yerinə maarifçilik əhəmiyyətli kütləvi xarakter daşıyan proqramlar hazırlanmalı və əhaliyə təqdim olunmalıdır”.

Ekspert qeyd edib ki, Azərbaycan 44 günlük müharibənin məntiqi nəticəsi olaraq Zəfər qazandı və ölkəmizin bu qələbəsindən sonra elmi-kütləvi, mədəni-maarif, təhsil proqramlarının hazırlanması üzərində ciddi şəkildə iş aparılmalıdır: “Əvvəla ona görə ki, Azərbaycanın qələbəsi, haqq işi, tarixi ədalətin bərpası uğrunda mübarizəsi və qələbəsi tərənnüm edilməlidir, nəsildən-nəslə çatdırılmalıdır. Gələcək nəsillər tarixi həqiqətləri bilməlidirlər. Digər tərəfdən də nəzərə almaq lazımdır ki, müharibənin bitməsinə baxmayaraq informasiya müharibəsi hələ də bitməyib və davam edəcəyi də məlumdur. Bu baxımdan cəmiyyətimizin daha da təkmilləşməsi gərəkir. Vətəndaşlarımızın dünyagörüşünün artırılmasına, savadlanmasına xüsusi diqqət ayrılmalıdır. Bundan sonra da tarixi həqiqətlər barədə həm Azərbaycan cəmiyyətinə, həm də bütövlükdə dünya ictimaiyyətinə hərtərəfli informasiya çatdırılmalıdır. Sözsüz ki, bu mənada elmi-kütləvi, mədəni-maarif, təhsil proqramlarının inkişaf etdirilməsinin, yeri gəldikdə yenilərinin də hazırlanmasının əhəmiyyəti olduqca böyükdür.

Bilirik ki, Azərbaycanın 44 günlük müharibə dönəmində istifadə etdiyi hərbi əməliyyatlar, qazandığı uğurlar dünyanın bir sıra hərbi məktəblərində tədris edilir, öyrədilir. Bir sözlə, ölkəmizin keçirdiyi hərbi əməliyyatlar nümunə olaraq qəbul edilir. Eyni zamanda, tarixi ədalətin bərpası, torpaqlarımızın işğaldan azad edilməsi, ərazi bütövlüyümüzün təminatı istiqamətində Ali Baş Komandan, cənab Prezident İlham Əliyevin uzaqgörənliyi, müdrikiyi, siyasi iradəsi və qətiyyəti bütün dünyanın diqqət mərkəzində olub və xüsusilə izlənilib. Dünyanın ən mötəbər, ən tanınmış, məşhur mətbuat nümayəndələrinin ölkə rəhbərimizdən müsahibələr alması deyilənləri təsdiq edir. Belə olan halda, tətbiq edilənlər də, qazanılan uğurlar da, ümumiyyətlə, torpaqlarımızın işğaldan azad olunması, ərazi bütövlüyümüzün bərpa edilməsi, tarixi ədalətin bərpası üçün Ali Baş Komandanın, cənab Prezident İlham Əliyevin liderlik keyfiyyətləri, apardığı siyasət, Azərbaycan xalqının həmrəyliyi, Azərbaycan Ordusunun rəşadəti, mübariz ruhu və bir çox məsələlər də artıq proqram şəkilində universitet və orta məktəblərdə tədris olunmalıdır. Təbii ki, tədris olunması üçün də proqramın hazırlanması gərəkir və lazım gəldikdə bununla əlaqədar mütəxəsis yanaşmasından, eləcə də rəyindən, al?mlərin, mədəniyyət xadimlərinin, təhsil ekspertlərinin imkan və potensialından istifadə edilməlidir”.

Paylaş:

Baxılıb: 923 dəfə