34 yaşlı “Səs”!
11.01.2025 [10:38]
Dəfələrlə hücumlara, təzyiqlərə məruz qalan qəzet...
Bu gün respublikanın çoxsaylı mətbu orqanları arasında özünəməxsus dəst-xətti ilə seçilən “Səs” qəzetinin 34 yaşı tamam olur. Qəzet Azərbaycan mətbuatının inkişafında, söz və fikir azadlığının müdafiəsində, vətəndaşların hüquq və azadlıqlarının qorunmasında öz sözünü deyə bilib.
Müstəqilliyimizin bərpasından 9 ay öncə fəaliyyətə başlayan “Səs” qəzetinin yaranması, keçdiyi yolu xarakterizə etmək və digər sualları cavablandırmaq məqsədi ilə qəzetin baş redaktoru Bəhruz Quliyevlə söhbətləşdik.
-“Səs” qəzetinin yaranması hansı zərurətlə bağlı olub?
- “Səs” qəzeti müstəqil Azərbaycan mətbuatının ilk mətbu orqanlarından biridir. “Səs” ictimai-siyasi qəzet kimi 1990-cı ilin noyabrında “Əlincə” Xeyriyyə Cəmiyyətinin orqanı olaraq qeydiyyatdan keçib, 1991-ci il yanvarın 11-dən dərcinə başlanıb. Yəni qəzetin tarixi Azərbaycanın müstəqillik tarixindən bir neçə ay əvvələ təsadüf edir. Qəzet Heydər Əliyevin ideyalarının cəmiyyətə çatdırılması kimi müqəddəs missiyanı yerinə yetirib, bu qəzetin ətrafında Ulu Öndəri sevənlər cəmləşib. Bütün zamanlardakı fəaliyyəti dövründə qəzetimiz sağlam ideyanın cəmiyyətə çatdırılması missiyasını şərəflə yerinə yetirib. O dövrdə Heydər Əliyevin hakimiyyətə gəlməsi, onun ideyalarının cəmiyyətə çatdırılması istiqamətində böyük, hətta deyərdim ki, əvəzolunmaz işlər görüb. Həmin dövrlərdə ziyalıların Ümummilli Liderə müraciəti, onun ziyalılara cavabı məhz “Səs” qəzetində dərc olunurdu. Bu xidmətin nəticəsidir ki, Heydər Əliyev öz çıxışlarında hər zaman vurğulayardı ki, “Səs” qəzeti onun üçün çox əziz qəzetdir. O, qəzetin xidmətlərini xüsusi qiymətləndirir, əmin olduğunu bildirirdi ki, qəzet daim inkişaf edəcək, modernləşəcək.
Yarandığı dövrdə qəzetimiz dəfələrlə hücumlara, təzyiqlərə məruz qalıb. Amma qəzet öz yolundan, öz mövqeyindən dönməyib. “Səs” çoxsaylı layihələr həyata keçirib. Sonrakı dövrlərdə qəzet modernləşərək öz bazasında “Səs” İnformasiya Agentliyini (SİA) və SƏS TV internet televiziyasını yaradıb.
-Hazırda kollektiviniz neçə nəfərdən ibarətdir?
-Regionlardakı müxbirlərimizlə birlikdə hazırda 50-yə yaxın işçimiz var. Amma “Səs” qocaman qəzet kimi gəncləri də yetişdirir. Bir sözlə, qəzetimizdəki kollektivin sayı mütəmadi olaraq yenilənir.
-34 yaşınızı xüsusi qeyd edəcəksiz?
-”Səs”qəzeti olaraq hər il yaşımızı redaksiya daxilində qeyd edirik. Amma yubiley yaşlarımızı əhəmiyyətli tədbir formasında qeyd etmişik. “Səs” böyük məktəb yaradıb, bu məktəbdən çıxmış tələbələr müxtəlif yerlərlə çalışır. Onlar Azərbaycan mediasında, mərkəzi və yerli icra hakimiyyətləri orqanlarında, QHT-lərdə çalışırlar və yubileylərimizi qeyd edərkən onları da restorana dəvət edib yenidən ailə olaraq bir araya gəlirik. “Səs” mənəvi dəyərləri özündə yaşadan və qlobal dünyaya, gələcəyə qovuşan resursdur. Qəzetimiz keçmişə hörmət, gələcəyə rəğbət tezisi ilə inkişaf edən ocaqdır.
-Bu gün mətbuatımızın ümumi durumunu necə dəyərləndirirsiniz?
- Bu gün Azərbaycanda söz azadlığının təmin olunması, plüralizmin inkişafı istiqamətində dövlət öz üzərinə düşən vəzifəni yerinə yetirir. Bu sahədə qanun qəbul olunub, müasir dövrün tələblərinə uyğun olaraq təkmilləşdirilib. Söz və mətbuat azadlığının təmin edilməsi dövlət siyasətində prioritet istiqamətlərdən biridir.
Qəzet bir nümunədir, tarixi yaşadan arxivdir. Qəzet təcrübə yaradan, nümunə göstərən, jurnalistləri ideya ətrafında birləşdirən bir vasitədir. Bu gün qəzetə müasir media ilə ayaqlaşa bilməyən resurs kimi baxırlarsa, bu, tamamilə yanlış bir fikirdir. Jurnalist camiəsi bilməlidir ki, aylıq, həftəlik, gündəlik çıxmasından asılı olmayaraq, onların söykəndiyi, istinad etdiyi və daim öyrənəcəyi ocaq qəzetçilikdir.
-“Səs”in gələcək planlarından danışardız...
-Əvvəllər “Səs” qəzeti regionların sosial-iqtisadi inkişafı, problemlər, əldə olunan uğurlarla bağlı dəyirmi masalar təşkil edirdi. Qəzet ümumiyyətlə, ən aktual məsələlərlə bağlı dəyirmi masalar təşkil edib, bu dəyirmi masalarda görkəmli ictimai-siyasi xadimlər, deputatlar, dövlət məmurları iştirak edirdi. Eyni zamanda müxtəlif universitetlər, QHT-lərlə birgə layihələr keçirilib. Bu dəyirmi masaları yenidən təşkil etməyi planlayırıq.
Bundan başqa, qəzetin bazasında yaranmış subyektlərimizi-agentlik və televiziyamızı daha da inkişaf etdirməyi nəzərdə tuturuq. “Səs”in xarici qəzetlərlə əməkdaşlıqları var. Gələcəkdə bu əməkdaşlıqları genişləndirmək istəyirik.
“Səs” ictimai-siyasi qəzet kimi üzərinə düşən missiyanı həmişə yerinə yetirməyə çalışıb. Bundan sonra da “Səs” qəzeti öz ənənəsinə sadiq qalacaq, özünəməxsusluğunu qoruyub-saxlamaqla, müasir zamanın yeniliklərində öz sözünü deməyi, dövlətçilik uğrunda mübarizəsini, fəaliyyətini davam etdirəcək.
P.S. “Yeni Azərbaycan” qəzeti olaraq “Səs”in bütün kollektivini təbrik edir, qəzetin yeni uğurlara imza atmasını arzulayırıq!
Söhbətləşdi: Yeganə BAYRAMOVA
Xəbər lenti
Hamısına bax
Dünya
25 Sentyabr 23:18
Dünya
25 Sentyabr 22:15
Dünya
25 Sentyabr 21:33
Dünya
25 Sentyabr 20:17
YAP xəbərləri
25 Sentyabr 19:37
Dünya
25 Sentyabr 19:20
YAP xəbərləri
25 Sentyabr 18:30
YAP xəbərləri
25 Sentyabr 17:26
YAP xəbərləri
25 Sentyabr 16:24
YAP xəbərləri
25 Sentyabr 16:20
YAP xəbərləri
25 Sentyabr 15:23
YAP xəbərləri
25 Sentyabr 15:13
YAP xəbərləri
25 Sentyabr 15:12
YAP xəbərləri
25 Sentyabr 15:07
YAP xəbərləri
25 Sentyabr 14:58
YAP xəbərləri
25 Sentyabr 14:44
YAP xəbərləri
25 Sentyabr 14:26
YAP xəbərləri
25 Sentyabr 13:24
İqtisadiyyat
25 Sentyabr 13:12
YAP xəbərləri
25 Sentyabr 13:08
Gündəm
25 Sentyabr 12:53
YAP xəbərləri
25 Sentyabr 12:36
Gündəm
25 Sentyabr 12:35
Gündəm
25 Sentyabr 12:18
Siyasət
25 Sentyabr 12:09
Gündəm
25 Sentyabr 12:09
Gündəm
25 Sentyabr 12:07
Gündəm
25 Sentyabr 12:05
Gündəm
25 Sentyabr 12:03
İqtisadiyyat
25 Sentyabr 12:03
Siyasət
25 Sentyabr 11:42
Gündəm
25 Sentyabr 11:36
İqtisadiyyat
25 Sentyabr 11:16
İqtisadiyyat
25 Sentyabr 10:58
İqtisadiyyat
25 Sentyabr 10:23
Siyasət
25 Sentyabr 09:45
Analitik
25 Sentyabr 09:17
MEDİA
25 Sentyabr 08:50
Sosial
25 Sentyabr 08:36
Gündəm
25 Sentyabr 08:12
Dünya
24 Sentyabr 23:32
Dünya
24 Sentyabr 23:17
Dünya
24 Sentyabr 22:59
Dünya
24 Sentyabr 22:23
Dünya
24 Sentyabr 21:40
YAP xəbərləri
24 Sentyabr 21:28
Sosial
24 Sentyabr 21:19
Dünya
24 Sentyabr 21:19
Mədəniyyət
24 Sentyabr 21:17
İqtisadiyyat
24 Sentyabr 21:15
Dünya
24 Sentyabr 20:53
Dünya
24 Sentyabr 20:25
Dünya
24 Sentyabr 20:10
Dünya
24 Sentyabr 19:42
İdman
24 Sentyabr 19:32
Dünya
24 Sentyabr 19:17
Mədəniyyət
24 Sentyabr 18:10
Dünya
24 Sentyabr 17:24
Sosial
24 Sentyabr 16:31
Dünya
24 Sentyabr 16:30
Dünya
24 Sentyabr 15:17
Dünya
24 Sentyabr 15:16
Siyasət
24 Sentyabr 15:03
Sosial
24 Sentyabr 14:56
Formula 1
24 Sentyabr 14:55
YAP xəbərləri
24 Sentyabr 14:47
Xəbər lenti
24 Sentyabr 14:42
Elanlar
24 Sentyabr 14:29
YAP xəbərləri
24 Sentyabr 14:10
Siyasət
24 Sentyabr 14:02
