Azərbaycanın inkişafı milli maraqlara, demokratik prinsiplərə əsaslanır

Bakı:

22 °C

65 %

9 m/s

Əlaqə

AZ RU EN

Ana səhifə / Gündəm / Azərbaycanın inkişafı milli maraqlara, demokratik prinsiplərə əsaslanır

Azərbaycanın inkişafı milli maraqlara, demokratik prinsiplərə əsaslanır

24.05.2012 [00:54]

Prezident İlham Əliyev: Heç vaxt imkan vermərik ki, kimsə bizim daxili işlərimizə qarışa bilsin
Məlum olduğu kimi, Ulu öndər Heydər Əliyev tərəfindən əsası qoyulan demokratik ənənələrə əsaslanan siyasi kurs ölkəmizin inkişafında mühüm rol oynayıb. Bu gün Prezident İlham Əliyev tərəfindən uğurla davam etdirilən, demokratik prinsipləri özündə əks etdirən siyasi kurs Azərbaycanın beynəlxalq dünyaya inteqrasiyasına, Avropanın demokratik dəyərlərinin inkişafımızda əks etdirilməsinə zəmin yaradır. Hazırda ölkəmizdə yüksək demokratik təsisatlar bərqərar olub, Azərbaycanda azad, şəffaf, ədalətli seçki prosesi yaradılıb, söz və vicdan azadlığı yüksək səviyyədə bərqərar olub, ən əsası, milli maraqlarımıza əsaslanan xarici və daxili siyasət kursu həyata keçirilir.
Azərbaycan hakimiyyəti tərəfindən qətiyyətli və davamlı şəkildə aparılan dövlət siyasəti ölkəmizdə insan hüquqlarının daha yüksək səviyyədə qorunmasına istiqamətlənib. Azərbaycanda formalaşan söz və mətbuat azadlığı bunu deməyə əsas verir. Bu gün ölkəmizdə rüşvətxorluğa və korrupsiyaya qarşı aparılan uğurlu mübarizə bu mənada xüsusi əhəmiyyət daşıyır. Korrupsiya və rüşvətxorluğa qarşı mübarizə ilə bağlı mövcud qanunvericilik sözügedən problemə qarşı yüksək səviyyədə mübarizənin təşkil edilməsinə, bu problemin aradan qaldırılmasına imkan verir. Təbii ki, bu ümumən cəmiyyətimizin daha da demokratikləşməsi, dövlətimizin daha da inkişaf etdirilməsinə istiqamətlənmiş addımdır. Bu isə, ölkəmizdə insan haqlarının qorunması istiqamətində qanunvericiliyin mükəmməlliyindən xəbər verir.
Xüsusi olaraq qeyd etmək lazımdır ki, Azərbaycan bütün demokratik parametrlər üzrə apardığı islahatları və yenilikləri hər zaman davam etdirir və bu addımların beynəlxalq standartlara uyğun olması, dünya miqyasında dəyərləndirilir. Digər tərəfdən, Azərbaycan hər zaman sülhün və sabitliyin tərəfdarı kimi, Cənubi Qafqaz regionunun inkişafında maraqlı olduğunu nümayiş etdirir. Bu isə həm Avropanın, həm də digər dövlətlərin regionun aparıcı ölkəsi kimi, Azərbaycanla münasibətlərin qurulmasına və inkişafına can atmasına gətirib çıxarır. ümumiyyətlə, Azərbaycan dövləti hər zaman apardığı siyasətin xoş niyyətə əsaslandığını bəyan edib. Təəssüf ki, Azərbaycanın apardığı bu xoş siyasət hamı tərəfindən eyni şəkildə qiymətləndirilmir və bəzi məqamlarda ölkəmizdə hökm sürən demokratik ab-havadan öz şəxsi niyyəti üçün istifadə etməyə çalışanlar da tapılır. Amma Azərbaycan dövləti heç bir zaman buna imkan verməyəcək. Prezident İlham Əliyev bildirib ki, Azərbaycan bütün ölkələrlə qarşılıqlı surətdə faydalı və qarşılıqlı hörmət, bir-birinin işlərinə qarışmamaq əsasında münasibətlər qurur: “Bu, ədalətli və məntiqi mövqedir. Biz heç bir ölkənin daxili işlərinə qarışmırıq. Əlbəttə, heç vaxt imkan vermərik ki, kimsə bizim daxili işlərimizə qarışa bilsin. Baxmayaraq belə cəhdlər var və istisna edilmir ki, bundan sonra da olacaq. Halbuki, Azərbaycanın uğurlu inkişafı və bizim güclü iradəmiz artıq bu səylərin səngiməsinə gətirib çıxarmalıdır. ümid edirəm ki, belə də olacaq”.
Həqiqətən də, bu gün ölkəmizin beynəlxalq aləmdə tanınması, BMT TŞ-nin qeyri-daimi üzvü kimi fəaliyyət göstərməsi, o cümlədən, yerləşdiyi Cənubi Qafqaz bölgəsinin lider dövləti kimi dünyada tanınmasında ən əsas şərtlərdən biri də Azərbaycanın məhz demokratik prinsiplər əsasında inkişaf etməsidir. Bu gün Azərbaycanın əldə etdiyi uğurlar, qazandığı iqtisadi-siyasi nailiyyətlər hamı tərəfindən maraqla izlənir. Azərbaycan bu gün dünyaya istər tolerantlıq, istərsə də, iqtisadi inkişaf baxımından yeni model bəxş edib. Bununla yanaşı, ölkəmiz dünya sivilizasiyalarının qovşağı və multikulturalizmin ən yüksək səviyyəli nümunəsi kimi bütün dünyada şöhrət tapıb. Prezident İlham Əliyevin qeyd etdiyi kimi, bu gün Azərbaycan bunu yaşadır: “Azərbaycanda bütün millətlərin, bütün dinlərin nümayəndələri bir ailə kimi yaşayır. Azərbaycanda multikulturalizm yaşayır. Bunu biz yaşadırıq və yaşadacağıq”.
Qeyd edək ki, Azərbaycanın bu uğurlarını gözü götürməyən dairələr ölkəmizə qarşı qısqanc münasibətlərini bəzi məqamlarda informasiya yolu ilə təzyiq etməklə, bəzən isə başqa üsullarla biruzə verirlər. Prezident İlham Əliyevin də qeyd etdiyi kimi, bu məsələdə hər zaman erməni lobbisi xüsusi fəallığı ilə seçilib: “Bizə qarşı informasiya müharibəsi aparılır. Bu, həqiqətdir. Mən buna tam əminəm, bu barədə iki fikir ola bilməz. Bu informasiya müharibəsinin aparılması işində, əlbəttə ki, ilk növbədə, erməni lobbisi öz fəallığı ilə seçilir. Azərbaycanı qaralamaq, Azərbaycan reallıqlarını danmaq, Azərbaycanı geridə qalmış, antidemokratik ölkə kimi dünyaya təqdim etmək cəhdləri, ilk növbədə, erməni lobbisinin çirkin əməllərindən qaynaqlanır”.
Bütün bunlara baxmayaraq, Azərbaycan özünün müəyyənləşdirdiyi inkişaf xəttini davam etdirir. 20 il ərzində əldə olunan uğurlar bu siyasi kursun dəqiqliyini və düzgünlüyünü sübut edib. Hər zaman öz dövləti, hakimiyyəti ilə vəhdət təşkil etməyi bacaran Azərbaycan xalqı, ölkəmizdə demokratik ənənələrin inkişafını, davamlılığını dəstəkləyir. Prezident İlham Əliyev hər zaman bəyan edib ki, Azərbaycan öz yolu ilə gedir: “Azərbaycanda bütün azadlıqlar vardır. Bizi bəzi hallarda nədəsə, yəni, antidemokratik addımlarda ittiham etmək istəyənlər getsinlər öz ölkələrində nə baş verdiyini görsünlər. Bizdə demokratiya da, söz azadlığı da, vicdan azadlığı da, sərbəst toplaşmaq azadlığı da vardır”.
Pərviz SADAYOÄžLU

Paylaş:

Baxılıb: 1039 dəfə