“Azərbaycanlıların Ermənistan SSR-dən deportasiyası (1948-1953-cü illər)” adlı toplu işıq üzü görüb

Bakı:

22 °C

64 %

3 m/s

Əlaqə

AZ RU EN

Ana səhifə / Elm / “Azərbaycanlıların Ermənistan SSR-dən deportasiyası (1948-1953-cü illər)” adlı toplu işıq üzü görüb

“Azərbaycanlıların Ermənistan SSR-dən deportasiyası (1948-1953-cü illər)” adlı toplu işıq üzü görüb

30.11.2013 [11:03]

Azərbaycan Respublikası Milli Arxiv İdarəsi tərəfindən nəşr edilmiş bu topludakı sənədlər həmin dövrdə xalqımızın başına gətirilmiş müsibətləri əyani şəkildə əks etdirir
XIX əsrin əvvəllərində Qafqazın Çar Rusiyası tərəfindən işğalından sonra təxminən iki əsr ərzində bu ərazilərdə azərbaycanlılara qarşı məqsədyönlü şəkildə həyata keçirilmiş etnik təmizləmə və soyqırımı siyasəti nəticəsində xalqımız ağır məhrumiyyətlərə, milli faciə və məşəqqətlərə məruz qalıb. Mərhələ-mərhələ həyata keçirilmiş belə tədbirlər nəticəsində azərbaycanlılar indi Ermənistan adlandırılan ərazidən - min illər boyu yaşadıqları öz doğma torpaqlarından qovularaq kütləvi qırğınlara məruz qalıb, xalqımıza məxsus minlərlə tarixi-mədəni abidə və yaşayış məskəni dağıdılıb.
SSRİ Nazirlər Sovetinin İ.Stalin tərəfindən imzalanmış 1947-ci il 23 dekabr tarixli 4083 nömrəli və 1948-ci il 10 mart tarixli 754 nömrəli qərarları da xalqımıza qarşı növbəti tarixi cinayət aktı olub. Sözügedən qərarlar əsasında 1948-1953-cü illərdə yüz mindən çox azərbaycanlı Ermənistan SSR ərazisindəki dədə-baba torpaqlarından könüllülük adı ilə kütləvi surətdə və zorakılıqla sürgün olunublar. Bu qərarların icrası zamanı avtoritar-totalitar rejimin mövcud repressiya qaydaları geniş tətbiq edilib, minlərə insan, o cümlədən, qocalar və uşaqlar ağır köçürmə şəraitinə, kəskin iqlim dəyişikliyinə, fiziki sarsıntılara və mənəvi genosidə dözməyərək məhv olublar.
Azərbaycan Respublikası Milli Arxiv İdarəsi tərəfindən nəşr edilmiş “Azərbaycanlıların Ermənistan SSR-dən deportasiyası (1948-1953-cü illər)” adlı topludakı sənədlər həmin dövrdə xalqımızın başına gətirilmiş müsibətləri əyani şəkildə əks etdirir.
Qeyd edək ki, topluda 1948-1953-cü illərdə yüz mindən çox azərbaycanlının Ermənistan SSR ərazisindəki doğma torpaqlarından kütləvi surətdə deportasiyasına dair faktlar göstərilib, hadisələrin tarixi xronikası verilib. Bundan başqa, topluda xüsusi qeydlər və coğrafi adların göstəriciləri də yer alıb, həmçinin, istifadə edilmiş arxiv fondlarının siyahısı verilib.
Toplu, bütövlükdə, fundamental araşdırmaların yer aldığı mühüm mənbə kimi çıxış edir və müstəqil araşdırmaçılar, tarixçilər, siyasətşünaslar, eləcə də, geniş oxucu kütləsi üçün nəzərdə tutulub.

Paylaş:

Baxılıb: 2813 dəfə